خ َـواطر ッ

[M7mmd.Y]

،،

من ساعتين تقريباً وانا اسمع الاسعاف والمطافي قريب البيت، انزعجت وما قدر اكمل مذاكرة

جاني فضول لأنهم طوّلو مرة، قلت شكل شيء كبير صار، خرجت اشوف لقيت الطرق واقفة تماماً

والإسعاف مو قادر يتحرك من مكانه، والرصيف كان أعلى من انه يحاول يطلع فوقه

لقيت الناس مجتمعين في المنتصف بين اتجاهين الطريق، ما حبيت اقرب لأني ما استحمل المناظر هذي

واحد من جيراننا اشجع مني، لقيته جاي من التجمع على جهتي، قرّب مني قمت سألته ايش صار؟

قال واحد كان بيمر وصدمته سيارة مسرعة، حادث قوي كان والآدمي الله يستر عليه ما اعرف ايش بيصير له

جلست افكر، كم واحد حياته رح تتغير اليوم؟ اللي انصدم - الله يستر عليه ومايشوف شر - ايش كان اليوم

وكيف كانت حياته؟ واللي صدمه، هل كان يتوقع كذا ينتهي يومه؟ هل رح يرجع لروتين حياته المعتاد؟

والأهالي، كيف لما يوصلهم اللي حصل؟

اللهم لا تفجعني بفقدان غالي واحفظ أحبتي من كل شر