مساعدة في الإحصاء 110

[zainb .f]

السلام عليكم ورحمة الله وبركاته
بسم الله الرحمن الرحيم
الزببدة إحم ممكن أي أحد جاب درجة حلوة في الإحصاء أو فاهم المادة ينصحنا إيش نذاكر أو يقلنا كيف ذاكر ومن إيش ذاكر لأني مني عارفة أذاكر لحد الآن ودرجتي ما كانت حلوة :"( .. وشكرا ..

[رونق البياض]

وعليكم السلام ورحمة الله وبركاته ..
أول شي الاحصاء يحتاج فهم يعني لازم استازتك تكون تفهم ولازم تكوني معاها أول بأول وتكتبي معاها الشرح ..
وحاولي تستعيني بملخصات جمال السعدي مرررة حلوة وفيها تمارين كتيرة والدوري الأول جات منه أفكار ..
وربي يوفقك وتعوضي الدوري التاني باذن الله ..

[SuperRTL]

كلمة واحدة : الملخصات (جمال السعدي أو أشرف بركات) بإذن الله تجيبي درجة حلوة

[Soul Evil]

ملخص اشرف بركات جميلة جدا

[zainb .f]

شكرا لكم جميعاا والله يوفقكم يااارب .. أنا جربت ملخصات جمال السعدي ما ناسبتني ولخبطتني لأنو فيها أشياء ما شرحتها لنا الأستادة ومهي معانا من الأساس وبجرب ملخصات أشرف بركات إن شاءالله تناسبني :) ..

[Chocolate-cake]

المذاكرة اول باول مافي زيها
لو عالاقل تقراي الدرس عشان مايتراكم عليكي
بالتوفيق

[Bashaier.y]

انا حقولك كيف زاكرت والحمدلله درجتي كويسه

لازم تكوني منتبه في الكلاس وتكتبي النوتس ..

وترجعي البيت تقرأي الدرس وأهم شي انا بالنسبه لي هو : حضووور السكشن

كتير أسئله تجي من طريقه أسئله السكشن

حلي الاختبار الماضي " أستازتنا حلتو معانا "

وبس أدعي ربك وإن شاء الله تجبي الدرجه الحلوه

دعواتك ^ــ^

والله يوفق الجميع

ونسيت أقول : المزاكره من الكتاب بس ! لاتلخبطي نفسك في الملخصات والبلابلا .....
اهم شي كل يوم ترجعي تقرأي إلي أخدتيه ="

[zainb .f]

المشاركة الأصلية كتبت بواسطة bashaier.y انا حقولك كيف زاكرت والحمدلله درجتي كويسه لازم تكوني منتبه في الكلاس وتكتبي النوتس .. وترجعي البيت تقرأي الدرس وأهم شي انا بالنسبه لي هو : حضووور السكشن كتير أسئله تجي من طريقه أسئله السكشن حلي الاختبار الماضي " أستازتنا حلتو معانا " وبس أدعي ربك وإن شاء الله تجبي الدرجه الحلوه دعواتك ^ــ^ والله يوفق الجميع ونسيت أقول : المزاكره من الكتاب بس ! لاتلخبطي نفسك في الملخصات والبلابلا ..... اهم شي كل يوم ترجعي تقرأي إلي أخدتيه ="

إمممم طيب أنا كنت أركز وأفهم وأكتب نوتس بس المشكلة كنت أكتب في أي مكان ف لخبطت كتير بين النوتس وأماكنها في الكتاب وطبعا دحين عدلت الغلطة بس بعدين ح أحتاج الدروس إللي قبل ف النهائي ف لازم أذاكر من أول وجديد وأرتب وضعي ف لازم ملخصات وكدا :( .. وبالتوفييق ويااارب ييسرلك إللي بدك يا :) ..

[zainb .f]

المشاركة الأصلية كتبت بواسطة chocolate-cake المذاكرة اول باول مافي زيها لو عالاقل تقراي الدرس عشان مايتراكم عليكي بالتوفيق

إن شاء الله ^^ ..

[Bashaier.y]

المشاركة الأصلية كتبت بواسطة zainb .f إمممم طيب أنا كنت أركز وأفهم وأكتب نوتس بس المشكلة كنت أكتب في أي مكان ف لخبطت كتير بين النوتس وأماكنها في الكتاب وطبعا دحين عدلت الغلطة بس بعدين ح أحتاج الدروس إللي قبل ف النهائي ف لازم أذاكر من أول وجديد وأرتب وضعي ف لازم ملخصات وكدا :( .. وبالتوفييق ويااارب ييسرلك إللي بدك يا :) ..

اها .. كويس عدلتيها ^ـ^

يب يب لازم تلحقي نفسك =)

آمين وكلنا يارب ..^^..