ياريت كل وحده متخرجه تكتب عن خبرتها أثناء التدريب عشان البنات يستفيدوا

[فريهان]

أنا تخرجت الترم الي فات كان التدريب حلو خصوصاً أنه كان مع أ.أيمان الطباع
وبخصوص التدريب بالمستشفى تدربت بمستشفى الملك فهد فرع المساعدية فكرت أتدرب في الصحة النفسية بس البنات قالوا ألي تروح هناك لازم يكون قلبها قوي لأنه الفرق بين المستشفيات الباقية والصحة النفسية أنه المستشفيات تجيها الحالات وهي لسه في بدايتها لاكن الصحة النفسية تكون الحالات خلاص على النهاية متأزمه مره بالنسبه للتدريب في فهد راح أقولك الجانب الحلو والسيء وانتي قرري الحلو في فهد
1- انه هناك دكتوره منى الصواف أفضل طبيبه في العالم حصلت على الميدالية البرونزية هي و2 معاها كأفضل أطباء نفسيين في العالم وراح تخليك تحضري معاها وراح تذهلي لطريقتها في العلاج خاصة عند وصف الدواء لأنها تطلب من المريض كل الأدوية الي يتناولها أو تسأله عنها وتعرف حتى لو وصف لها شكل الدواء تعرفه بعدين توصف الدواء بحيث مايكون في تعارض معاه حتى وقت الدواء تناول الدواء متى يكون أنسب له صبح ولا مساء ماشاء الله عليها .
2- دكتور محمد مسرحي كبير بالسن شويه ومحترم جداً يعاملك كأنك بنته نفس طريقتها في كتابة العلاج أضافه أنه قبل مايدخل المريض يكلمك عن الحاله وكمان بعد مايخرج المريض تقدري تسأليه وعنده معلومات يحب يشاركك فيها ممتاز هذا الدكتور.
3-دكتور حسام شباب بس ماعليك مالفت أنتباهي كثير في طريقة علاجه وماحسيت لأنه يحب يعطيك معلومات.
الحين راح أخبركم عن الأخصائيين ومنهم خمسة الي قابلتهم بس خديجة والبقيه كانوا في إجازة آخر أسبوع قابلت أمل الجعيد مره وحده كويسه و سعيد القحطاني بس ماحضرت له ولا مره لأنه جاء على آخر يوم وماقدرت أحضر معاه .
لو كان في بنات وأولاد أبدا مايجتمعون مع بعض ودكتوره منى ماتدخل بنات وأولاد بس خديجه تدخل على كلام البنات الي كانوا يتدربون هناك بس تكون هي موجوده واحد بداية الغرفه وأنتي بنهايتها وماكان في مضايقات بس على حظي الحمد لله أبدا مادخلوا

بخصوص المستشفى:
لو رحتي عندهم راح يقولولك خلاص نحن راح نتصل عليك لاااااا تنظريهم ماراح يتصلون وراح يضيعوا ورقتك عطيهم يومين بالضبط وروحيلهم وأسألي عن ورقتك وموعد التدريب أنا سويت كذا صديقتي أنتظرتهم 3 أسابيع ولا أتصلوا ويوم راحت قالوا انه الورقه ضاعت
لما تداومي في المستشفى أحسبي لنفسك متى جيتي ومتى روحتي أحسبي لنفسك 40 ساعة لأنهم مايحسبون لك طبعاً مش كل الحالات أنت راح تحضريها لما مايكون في حالات راح تنتظري مكان أنتظار النساء مع المرضى وهذه السيئه أنه مافي مكان خاص في المتدربات وأخيراً مكان الصلاة لو تبي تصلي في مكان في قسم الأسنان أمشي من عند مكان المواعيد حقت العيادة نفسها تلاقي دراج على أيدك اليمين وبجنبه ممر أدخلي الممر طولي أول باب يقابلك على أيدك اليمين حق عيادات الأسنان هو باب مزدواج مش باب واحد أدخليه على يمينك على طول في أنتظار حق النساء والمكان مقفل نصه بدولاب وفيه سجادات هناك حق الصلاة صلي ولله يوفقك.

هذه معلوماتي وأي معلومااات ثانيه تحتاجوها أو أسأله أنا موجوده.

[ادو~.~]

حلو الموضوع من جد اكيد البنات محتاجين موضوع زي كذا اشكرك اختي
وانا كمان تخرجت الترم الي فات اخذت مع الدكتورة ايمان بيومي اول شي انا انتساب يعني كنت ادور بنفسي ورحت مستشفى اسلام الطبي الي بحي الجامعة المستوصف جدا سي بس عشان معاي قروب بنات وقالو الدكتور يعطيك الفول مارك رحنا كان التدريب مع وقت الدورة حقت الانتساب تعبت مره دوام الصباح بالمستشفى وبعد الظهر بالجامعه المهم بعد دوام اسبوعين قال الدكتور المدير يبغى مبلغ 300 ريال عشان انتم تاخذوا من وقت العيادة ومن هذا الكلام لما عرفت دكتورة ايمان قالت وقفوا مو عشان الفلوس بس هيا رافضه أي مكان تدريب ياخذ مبلغ مادي المهم رحت ادور مستشفى الجامعه رحت عند دكتورة البندري سلمت اوراقي انا وصحبتي لها بنفسها ما رحت لمكان التدريب زي البنات ع طول وافقت سلمت لها الاوراق وهيا وقعتها لنا الاوراق من المدير سبحان الله ربي سخرها لنا واخذت ارقامنا وبعد كم يوم دقت علينا وقالت تعالوا اعطيكم الجزاء النظري واعطتنا انا وهيا بس وكل يوم تجي بنت بس خلصنا الجزاء النظري ثلاث ايام واعطتنا حاله وطبقنا عليها الاختبارت وبس يعني كانت اربع ايام بس مادري درجاتها مو مره حلوة انا الحمدلله تمام بس البنات لا صراحه انا ندمت اني رحت مستشفى الجامعة مارحت الميدكل مرره حلو الي يبغى يدرب من جد
والله يوفق الجميع ويسهل امركم

[منى الحربي]

طيب اللي مايبي مستشفى ابي تجاربكم

[فريهان]

العفو حبيبتي بس ياريت الموضوع يتثبت عشان الكل يستفيد

[ادو~.~]

اختي منى في مراكز لذوي الاحتياجات الخاصة في مركز ساكون مركز العون
ممكن تدربي فيها الله يوفقك ويسهل امرك

[أهداب.]

أبب.....

[أسماء بنت الزهراني]

موضوع رائع احس اني فعلا بستفيد اكثر على اللي استفدته ’ ارجووكم استمرووا