ادووني حل مع المحاسبه !!

[girl.k.s.a]

المشاركة الأصلية كتبت بواسطة نوونيتا اول حاجا السلام عليكم تاني حاجا ادووني حل في المحاسبه 117 احنا مررا ضايعين فيه الجزئيه الي معانا مرررا كتيييره ومررا يبالها فهم ومررا ماادري كيف صراحه احنا لين دحين ما خلصنا جزئيه الاختبار مع الدكتورآ واضطرت تدينا اكسسترا بوكرا عشان نقدر نخلص دحين ابا افهم ايش حيخسسرو لو اجلولنا الاختبار ؟ يعني محا تطيح من السما نجمه ولا حيتغير شي في الكون ! ولو دي المشكله بس سارت معايا حقوول معلييش بس تلاته ارباع الدفعه يبووه يتاجل يعني منجد انا قاعدا اكتب الموضوع وحالتي النفسيه جدددا سسيئه متا نفهم ومتا نداكر ومتا ومتا ومتا والاختبار يوم السبت !! انا مابا اخش الاختبار واجيب درجه ززي الزفت عشان ما كان في وقت اداكر فيه ططلبي ورججائي تدووني حل انا منجد مررا محتاجه حل ايش نسسسوي ؟؟ محا يكفينا الوقت نفهم ونداكر ايش مومكن نسسوي عشان يتاجل الاختبار او على الاقل تتقلل الجزئيه احنا البنات مررا ضآيعين .. الاولاد انا شوفت كم موضوع معاكم نفس المشكله مو فاهمين ايش نقدر نسوي عشانن ياجلو او يقللو ادونا حل : (

أهلا وسهلا وعليكم السلام ورحمة الله وبركاته
للأسف نحنا عانينا قبلكم نفس المعاناة في بعض المواد
لكن لما يكون الاختبار موحد ما يقدروا يأجلوهـ لو إيش صآر !!
مافي غير إنكم تحاولوا تضبطوا الأمور مع الدكتورة وممكن تروحلوا لها تشرح لكم
أما غير كدا للأسف مآفي

إنتوا حطوا في بالكم إنو حتخلصوا وحيكون الاختبار سهل وأتوكلوا على الله وخليكم
واثقين في ربنا إنو حيساعدكم حتى لو مافي وقت ، مافي شي يصعب على ربنا

لذلك نصيحتي إنك تمسكي المادة وتشوفي أكتر شابتر ركزت عليه الدكتورة وتحطيه في بالك
ولأنو محاسبة لازم تذاكري بالترتيب ومن البداية
أمسكي المادة من اليوم ليوم الجمعة أو حتى للسبت قبل الاختبار + رتبي وقتك + لا تلعبي
خدي أسئلة مراجعة أو تمارين وحلي عليها
في البداية أقرئي السلايدز وأفهمي وبعد كدا خدي 3 تمارين وحليها راح تلقي نفسك مرا تماااااااااام
وكملي اللي بعدو على هادا النمط ،،

ولا تشيلي هم ترى نحنا كونا أخس منكم بس الحمدلله على كل حال والحمدلله مشيت أمورنا
وأهو صرنا في المستوى 7 بفضل الله ومساعدته

أتمنى لكم التوفيق وشدوا الهمه ولا تضيعوا الوقت
وممكن تفتحوا لكم موضوع هنا تذاكروا مع بعض وتستفيدوا من بعض وإن شاء الله
إذا في أحد فاهم يفهموكم كمان ، أتعاونوا وإن شآء الله حتمشي أموركم



+

هادا الفهرس فيه كل المواد والمواضيع المهمه اللي ممكن تستفيدوا منها

http://www.skaau.com/vb/showthread.php?t=625838

بالتوفيق ياااااارب