2 تجمع المرشحين والرشحات برابغ 2

[fresh water]

السلام عليكم
كل ماادخل لتجمعنا القديم يطلع ايرور ومايزبط
فقلت افتح دا الموضوع نكمل في الجديد وكيف الموصلات وكل مايتعلق بالموضوع
الله يوفقنا جميعا

الله يسعدكم اي احد دقو عليه ياليت يبلغنا ومعيد او محاضر وايش التخصص
بالتوووووووووووووووووفيق

[E-Teach]

السلام عليكم ورحمة الله وبركاته

هذي اول مشاركة لي في المنتدى وبصراحه كنت متابع للموضوع السابق بصمت مع اني اسبوعيا عند شؤون الموظفين اخذ منهم الاخبار ولمن سمعت بانه في ناس جاتهم ارقام وظيفية رحت لشؤون الموظفين يوم الاربعاء الماضي وقالولي انو نزلت ارقام للبعض ووصلوا الان للناس اللي معدلاتهم 4.55 والباقين الله يعينهم ينتظروا عموما راح الكثير ما بقي الا القليل والصبر جميل على قولتهم , بس حبيت اني اشارككم هذي المعلومات وشكرا صراحه للناس اللي اشرفوا على المواضيع وكانوا يشاركون بالاخبار اول باول .

[Key]

المشاركة الأصلية كتبت بواسطة e-teach السلام عليكم ورحمة الله وبركاته هذي اول مشاركة لي في المنتدى وبصراحه كنت متابع للموضوع السابق بصمت مع اني اسبوعيا عند شؤون الموظفين اخذ منهم الاخبار ولمن سمعت بانه في ناس جاتهم ارقام وظيفية رحت لشؤون الموظفين يوم الاربعاء الماضي وقالولي انو نزلت ارقام للبعض ووصلوا الان للناس اللي معدلاتهم 4.55 والباقين الله يعينهم ينتظروا عموما راح الكثير ما بقي الا القليل والصبر جميل على قولتهم , بس حبيت اني اشارككم هذي المعلومات وشكرا صراحه للناس اللي اشرفوا على المواضيع وكانوا يشاركون بالاخبار اول باول .

سؤال لو سمحتوا
الأرقام الوظيفية الي وصلت فقط للمعيدين ؟ ام معيدين و محاضرين ؟

[Reflection]

شكرا فررريش 3>

كنت بكتب تجربتي لكم و الموضوع السابق كان يستهبل معايا فترة وفترة و فتح الاربعاء و يوم حطيت ردي خرب كل شي >< ،، عموما حفظته و ان شاء الله يفيدكم ،،

.

===== تغيير المهنة =====

تغير المهنة كالتالي ،، تروحو لـ عبدالغني تاخذو منه ورقة للاحوال المدنية ،، تطلعوا من عنده على الاندلس موول (بوابة رقم واحد الدور الثاني فيه مكتب للاحوال) اول ما تدخلو الاستقباال فالوجه تاخذو نموذج تعديل مهنة بعدين في مكتب ع اليسار تعطوه النموذج بعد ما تعبوه + ورقة تعديل المهنة 5 دقايق يطبع لكم الموظف ورقة بتعديل المهنة وخلاااص

* في النموذج لتعديل المهنة اكتبو المهنة (عضو هيئة تدريس) .. لا تكتبوا معيد / محاضر.

===== قرار التعيين و الصادر =====

ترجعو لـ عبدالغني تعطوه صورة من البرنت (تقدروا تصوروها عنده .. و الاصل معاكم) .. يعطيكم على طول قرار التعييين مدبس معاه اورااق كثييير (اللي قدمناها شهادات نموذج التوظيف الكشف الطبي الخ الخ) تنزلو فيها للدور الارضي قسم الاتصالات الادارية- الصادر و الوارد علشان يحطوو عليها رقم صاادر ،، بعد كذا ضررووري يصوورها لكم نسختين او 3 و راح ياخذو الاصل و الارواق كلها .. عموما نسخه تبقى معاكم و احتفظو فيها وحبذا تصورها اكثر و تخلوها فالبيت تجيها اوقات قدداااام تحتاجوها. خلصنا من الصادر.

===== عمادة تقنية المعلومات =====

تروحو لـ عمادة تقنية المعلومات (نفس مبنى ادارة الجامعة اول ما تدخلو من البوابة الرئيسية - المواقف االارضية تجي العمادة ع اليساار) عاد دورولها .. اول ما تدخلوا العمااادة في استقباال و موظفين .. تعطووه قرار التعيين علشان يسوي لكم ايميل جامعي + يوزر للموقع + الباسوورد (علشان كل المعاملات بعد كذا راح تكون اون لاين) و من عنده قولوله نبغاك تسوي لنا الموقع (موقع خاص ع الجامعة) .. يا هو راح يسوويه او يطلب منكم تروحو المكتب اللي جنبه و تسوو كل شي من هناك. (الشغله ما راح تاخذ ولا 10 دقايق)

* الموقع مو شرط تسووه وقتها لكن اهم شي الايميل + اليوز و الباس علشان ترفعو مباشرة من حسابكم ع موقع الجامعة.

===== بدل التعيين =====

انا ناسي من مين بالضبط بس الظاهر عبدالغني راح يعطيكم الورقة هذه مع قرار التعين مختومه و كل شي .. و تروحوا رابغ توقعوها + ترفعوا المباشرة.

===== المباشرة + رابغ =====

تروحو رابغ على اساس: 1- بدل التعيين يتم توقيعه.

2- المباشرة: طريقة المباشرة ترفعوها الكتروني من النت .. تدخللوا على موقع الجامعة -> الخدمات الالكترونيه -> أنجز .. تدخلوا اليوزر + الباسوورد (اللي اخذناه من عمادة تقنية المعلومات) .. عموما اليوزر راح يكون رقمكم الوظيفي (00123456) " راح نضيف 0 جنب الصفرين علشان يضبط اليوزر" (احفظوه زي اسمكم) + الباس مبدئيا بيكون رقم الهوية و تقدرو تغيروه. حيقولولكم كل شي في عمادة تقنية المعلومات.

تدخلوا على النظام و ع اليمين موجود المباشرات تضغطوا عليها -> انشاء طلب مباشره -> اكتبو نفس التاريخ اللي نزل فيه قرار تعيينكم علشان ينحسب لكم رواتب دي الايام .. طبعا تعبوا بيانات عادية جدا اخر شي مدير الجهة و تحته شي ثاني نسيت يمكن رئيس الجهة او شي كذا
عموما الاول يكون مدير شؤون الموظفين برابغ و الثاني يكون عميد كلية العلوم و الاداب برابغ.

نسوي رفع للمباشرة و نبلغهم في رابغ اننا رفعناها و نوقع ورقة بدل التعيين من عندهم و نرجع جده نسلم بدل التعيين لشؤون الموظفين فسم الرواتب.

* المباشرة .. اللي عنده جوال فيه نت يقدر يدخل يخلص اموره و هو فالطريق لرابغ او لو حبيتو ثاني يوم او دبرو لكم اي جهاز في الجامعة خلصو اموركم منه (شغله دقيقتين مو اكثر).

3- اسألو عن البدلااات و كيفية رفعها و كل شي

4- بدل الحاسب بعد ما تسوو الموقع و تضبطوه و كل شي حملوو نموذج بدل الحاسب + عبوه الكتروني و اطبعوه و وقعوه (بعدين سووه لو بعد ما تباشرو بكم يوم)

===== شؤون الموظفين - الرواتب (جده) =====

نرجع لجده جنب مكتب عبدالغني في مكتب الرواتب و البدلات نروح لهم عند واحد اسمه أ. على الشيخي .. يشوف صورة من قرار التعيين و ياخذ رقم حساب البنك علشان الراتب + ياخذ بدل التعيين اللي وقعناه في رابغ ،، عندكم خيارين في بدل التعيين اما تاخذوه في وقتها على شكل شييك و هذه راح يقولكم وقتها ايش تسوو لانها شغله شويه طويلة .. او ينزلكم مع اول راتب على طول.

.

هذا اللي فاكر اني سويته بالضبط و قلت افييدكم لاني حسست يومها :p
و الف مبرررروك لكل الللي جاتهم الارقام و الباقيين عليكم الصبر راح الكثير و بقي القليل ان شاء الله ،، بالتووفيق للجميع.

[حافظة الود]

ألف ألف مبرووووك اخي الطموح جداً والخدوم جداً ريفليكشن،،، بس كيف بلغوك بصدور رقمك الوظيفي؟ هل اتصلوا بك؟ أو انت رحت راجعتهم؟ وايش معنى المعيدين قبل المحاضرين يعني؟ والأخ اللي قال وصلوا في الأرقام عند
اللي معدلاتهم 4.55، أنا معدلي اكثر من كذا بكثير بس ما جاني شي!!
وعلى فكرة أخوي راح الاسبوع الماضي لواحد في شؤون الموظفين ما يعرف اسمه
وسأله وقال له الموظف انه مافي أرقام حاليا بس رح تجيهم مجموعة نهاية محرم!
وزوج زميلتي لما راح لهم قالوله مع الميزانية حق الدولة؟!
ايش معنى الكلام هذا؟! وايش دخل الميزانية في الموضوع؟!

[Reflection]

حافظة الود

الله يبااااارك فيكي يااارب ،،
اتصلت من فترة على شؤون الموظفين و قالوا صدر كم رقم بس .. ايش اسمك ! .. و قال مبروك .. تعال .. و كان توزيع الارقام على كلامه بالاعلى معدل.
بخصوص المعيدين قبل المحاضرين هذه صايره في كل الجامعات دايما المعيدين تصرف ارقامهم اسرع و بصراحة مادري ليش يصير الشي دا !!

يب قالولي كدا برضو انه في ارقام بتكون ع نهاية محرم + بعد الميزانية ،،

+ شؤون الموظفين مالهم دخل حتى لو قروشتيهم لييين بكره لانه التأخير مو من عندهم
التأخير من وزارة الخدمة المدنية هي اللي ما تصرف الارقام بسرعه.

.

Mashail Ahmad

يب الحمدلله ،، هو مجرد يجي الرقم الوظيفي مباشرة يصدر قرار التعين و ثاني يوم اروح اباشر .. و الطريقة شرحتها في ردي السابق و اي شي مو واضح حاضرررين نفييدكم 3>

[حافظة الود]

فيه طلب اخر هل من الممكن إعطائي رقم لأي شخص في شؤون الموظفين اتصل به
وأقروشه إلين ما يعطيني رقمي الوظيفي. ترا بجد الصبر له آخر، خاصة اني باشرت من بداية الترم كذا بلوشي. عشان الاحتياج. لو كان تكيت في البيت كان يمكن صرفوا لي رقم !!

[fresh water]

المشاركة الأصلية كتبت بواسطة حافظة الود فيه طلب اخر هل من الممكن إعطائي رقم لأي شخص في شؤون الموظفين اتصل به وأقروشه إلين ما يعطيني رقمي الوظيفي. ترا بجد الصبر له آخر، خاصة اني باشرت من بداية الترم كذا بلوشي. عشان الاحتياج. لو كان تكيت في البيت كان يمكن صرفوا لي رقم !!

الله يسهلنا يارب
رقم الجامعة 6400000
التحويلة 67588

دعواتك

[E-Teach]

على حسب كلامهم لي انو يوجد عندهم قائمة اساسيه وقائمة انتظار بالنسبة للارقام الوظيفيه وانو الناس اللي يتعينوا اول مرة لهم الاولوية اما الناس اللي بينقلون خدمتهم من وزارة اخرى يكونوا في قائمة الانتظار وبالنسبة للاولوية هل هي للمعيد او للمحاضر بصراحه ماني متاكد من الموضوع لكن انا شفت ورقىة الارقام الوظيفيه بنفسي واخر معدل وصولوا عنده كان 4.55 .
وبالنسبة للاتصال عليهم فما اعتقد له فايدة لانه محد بيرد لازم تكون الامور بشكل شخصي .

[Mashail Ahmad]

أخ رفلكشن .. هل صدر لك قرار مباشره؟؟