وقفة احتجاجية اعتراضاً على اختبار الفيزياء

[أهـ منك يازمن]

ممكن سؤال ؟؟؟ أش هوا حقكم إلا تطالبون فية بكل صراحة ؟؟

زيادة فى الدرجات ؟؟ كل رؤساء الأقسام مو مجبورين يزيدون درجة وحدة وأذا زادوا كان كرم منهم

أعترف ان أسلوبها أهبل تقول لكم تعالوا بعدين تطردكم بس لازم تقدروا أن هيا وراها مسؤوليه كلية العلوم كاملة

وأصلا مواضيع التحضيري كلها بيد رؤساء الأقسام فـ مافي فايدة تروحوا للراس الكبيرة لأنه (( مو فاضي لكم ))

ما أبغا احد يعصب من كلامي لكن هادا الواقع والحقيقة

ويب جامعة المؤسس تعتبر جامعة متميزة وكل ما زاد مستوي الجامعة العالمي كل ما صعبت الأسئلة

مثال بسيط : ( قصة حقيقية من أحد طلاب جامعة البترول )

أختبار الفيزيا هادي السنة رئيس القسم حاطط متوسط درجات 7 من 20

الشباب جابوا متوسط 8 من 20

قام رئيس القسم فتح تحقيق كيف الطلاب يجبوا أعلى من المتوسط إلا انا أبغاه

(( لا أحد يجي يقول لا تقارنا بالبترول , ليه ما أقارن أي أنسان يشوف الناس إلا أعلي منه علشان يوصل لمستواهم ))

ولا تتعبوا نفسكم وتقعدوا فى الشمس أو فى كلية العلوم ترا أخرتها راح يصرفوكم زي ما صرفوا دفعتنا فى الأحياء

كلمة خلوها فى لسانكم (( حسبي الله ونعم والوكيل ))

لأن ربنا ما يضيع تعب أحد