المستوى الخامس طالبات ( عنوان معدّل )

[فواكة]

السﻻم عليكم

طالبات المستوى الخامس تحديدا مريتو بهذه الحاله
وهي عدم الرغبة تماما في الدراسة والمذاكرة

انا طالبة مجتهدة بفضل الله علية
معدلي ماشاء الله تبارك الله 4.43

احب الدراسة والمذاكرة لكن هذا الترم مدري ايش حصلي
مالي رغبة نهائي امسك وﻻ كتاب
العادة اختم كل المواد قبل الاختبارات والمستوى هذا ما مسكت الكتب اﻻ ليلة الاختبار

كنت احسب انا لوحدي عندي هذه الحاله
لكن من اول يوم في الاختبار وانا اسمع كل البنات زيي
مالهم اي رغبة في المذاكرة والدراسة

بنات جاتكم هذه الحاله وكيف اتخلص منها
طبعا اختباراتي كلها خبصت فيها وﻻ مادة خرجت من القاعة مبسوطة من الاختبار زي الاترام السابقة

[om nomay]

نفس الحاله وخبصت في كل الاختبارات واحس انه المخ مقفل مافي اي استوعاب ومعدلي فوق 4 بس شكلي جبت العيد

[نجوله>>]

والله مالنا نفس نذاكر بس اش نسوي لازم نضغط على نفسنا استعينو بالله ولباقي عليه
انا هالترم نفس الحاله ماذاكرت زي كل مره بسبب ظروف وانشغال
بس الله يعديها على خير

[اسيرة الاحزان]

والله وانا كمان جبت العيد وشكل معدلي حينزل بعد التخبيص الي ساويتو وانا احس مخي مقفل مو قادرة استوعب شي الله يسترها معانا بس

[/دهن العود/]

والله نفس الحالة امسك الكتاب ليلة الاختبار

[فواكة]

طيب يابنات برائيكم حتستمر معانا هذه الحالة للمستوى السادس او لا

[Abrar88]

نفس حالتكم امسك المادة ليلة الاختبار واروح مواصلة واخبص مدري هوا الكسل مننا ولا موادنا الترم دا تقيلة ودسمة وتسد النفس ودحين معاناة مع التطوير التنظيمي كلامو تقيل ومخي مقفل الله يوفقنا بس ونخلص

[فواكة]

ابرار حياتي الله يوفقك ويسهل الاسئلة عليك
صحيح ممكن لأن الكتب كلها دسمة ودمها ثقيييل مرررة
انا زيك على فكرة والله العظيم ولا مادة دخلت اختبارها وانا مختمتها
الله يستر على المعدل لا ينزل لللأرض