مشكلة في ارفاق ملفاتpdf لـ التسجيل في التربوي

[eeewy]

سفة عالتأخير اختي نقاء .. كانت عندي ظروف ماقدرت ادخل المنتدى

سامحيني عالتأخير و ارجو منك الدعاء لوالدي ووالدتي بالشفاء العاجل وانو مرضهم يختفي للأبد ويكونو بصحة و عافية وبكامل نشاطهم يارب ولا يحرمنا منهم ابدا ^___^

أختي بخصوص كيفية دمج الملفات في ملف واحد .. طريقة العمل هي كالآتي :

أثناء عملك البي دي إف للورقة الاولى راح تظهر ليكي صورة الورقة الاولى الي سويتيلها المسح الضوئي وبعد كدا على يمينك في المربع راح تلاقي مربعين صغيرين جنب بعض وحده منها عليها علامة صفحة ضغيرة جوتها علامة + ، والتانية عليها علامة × ، يسير ايش هتسوي دحين راح تشيلي الورقة الاولى من الطابعة وتحطي مكانها الورقة التانية و تضغطي على طول على المربع الي فيها علامة + ، وبس كدا يسير كل ماتبغي تضيفي ورقة او اوراق على الملف الواحد وتدمجيها سوا ، راح تسوي نفس الي قولتلك عليه .. و في الاخير بعد ماتخلصي من دمج كل الاوراق في ملف واحد راح تضغطي على مربع حفظ وبس وبكدا خلصتي من دمج الاوراق ..