مساعدة في ie255

[ao0xa]

في ناس كثيرين عايشين علي خصوصي فلمن يتقدم لمستوي ويلاقي مواد مالها خصوصي وقتها تطلع الفضايح
اولها المعدل يطيح زي اغلب الطلاب في السنه الاولي في الهندسه(انا من دون خصوصي ومعدلي مانزل ولله الحمد)
فا ابغا انصحك مو فلسفه اقراء مره ومرتين الين ماينفجر راسك ماعرفت كلم الدكتور يشرحلك اقعدلو
صدقني راح تفهم...باديك ملخص عن اول اربع شباتر وطويل الكلام لكن راح تستفيد باذن الله

طيب الشابتر الاول في الاقتصاد الهندسي وش فايدته
طيب في البدايه في صفحة 5 تلكم عن شي (intrest rate - Rate of return and MARR)
الكلمات هذي كلها يقصد بيها نسبه الزياده السنوي وراح تعرف الفرق بينهم في الشابتر الرابع ان شاء الله
لكن اعرف انو المصطلح دا للنسب

طيب حيجي شي اسمو Equivalence
طيب لو جاك سوال مديك القيمه بعد عشر سنوات فاا المطلوب راح يكون انك تجيب القيمه المكافاه في الوقت ذا
يعني جاك سوال قال نسبه الزياده السنويه 15٪ و المبلغ الان 10الاف ريال كم راح يكون المكافي له بعد عشر
سنوات
الحل كالتالي اول شي شوف النسبه وشيل الميه يعني تصير فاصله 15 زود عليها واحد وتصير 1,15
الحين القيمه دي ارفعها للاس بعدد السنين الي هوا 10
بعدين تضرب القيمه دي في المبلغ وبكدا طلعت المكافي له بعد عشر سنوات
القانون موجود صفحه 11 ماتحفضو ترا بس افهمو
وفي حاجات تانيه حتاخذ وقت لو اتكلم

طيب الشابتر الثاني حيعلمك متي تستخدم الفاكتور(العامل) المناسب
في المثال الي فوق الفاكتور المناسب معطينا القيمه الحاليه ويبغا المستقبليه فتصير
F=10000(F/P,15%,10
وبس وفي اشياء تانيه سهله الي هيا الميل الهندسي ونوعين وكمان الدفع الدوري يعني كل سنه لمده 10 سنوات

طيب الشابتر الثالث يتكلم عن عده اشياء
او شي تكلم عن النسب ما اذا كانت لفظيه(نومينال) ولا حقيقيه(افيكتف)
وادك قانون التحويل من نومينال الي افكتيف وبعدين اداك كذا مثال كيف توجد القيمه الحاليه وانا بديك واحد
علي الطاير
مثال : Finde equivlent value of 1000,at rate of return 12% per year compunded quartery.
فا اول شي من الاخير اداك النسبه للسنه ووا السي بي(معدل التغير يصير لكل ربع سنه) فهذي تعتبر نومينال
نحتاج اننا نحولها الي افككتف بطريقتين الاولي انك تقسم النسبه او انك تعوض في القانون الي في الكتاب صفحه 63
طيب الاسهل انك تقسم فاا راح تقسم علي اربعه وتطلع النسبه 3٪ لكل ربع سنه طيب وعدد السنين تضربها
في اربعه يعني لو يبغاها لي عشر سنوات تصير n تساوي 40

,,,,,,, تبغاني اكملك ولا ايش؟