اين مبنى 125؟ بحثت في المواضيع القديمة ولم اجد

[xamnus]

اختباري الكيميا بكره الظهر وانا مادري وين بيكون
اذا ممكن الوصف يكوم من المدخل الرئيسي/ دوار الطير لأني من هناك اداوم
شكراً

[SamuraiQ]

غريبة ما تعرف مبنى 125 رغم اننا اختبرنا فيه قبل كذا

المهم حبيبي هو المبنى جنب كلية العلوم بأوصف لك بإذن الله ولو غلطت في شي اتمنى من الشباب يصححوا لي

تدخل من بوابة الطير لين توصل للدوار اللي قدام وتاخذ من عنده يمين وبعدين تمشي شويتين قدام وتاخذ يوتيرن كانك راجع لنفس الدوار بس قبله في لفة على اليمين خذها وطول قدام حتلقى دوار قدامك كمان خليك ماشي على قدام لين فحتلقى مباني التحضيري على يسارك والمطعم المركزي على يمينك وكمان حتمشي قدام لين توصل لدوار الفروسية تاخذ معه يمين وتقريبا المبنى حيكون على يمينك بعدها على طوول

اتمنى اني افدتك :)

[xamnus]

هو الي اختبرنا فيه رياضيات دوري أول؟

[الهيملي]

تلقاه على يمينك قبل ما تدخل شارع الكليات .

[zelme]

ادخل من البوابة الرئيسية للجامعة اللي هي بوابة رقم 6 (ليس بوابة الطير انما البوابة اللي اذا انت جاي من طريق الحرمين لمن تنزل من كبري الجامعة، امشي شوي وحتلاقي قدامك كبري خشب حق المشاة،، بعده على طول امسك يمين حتى تخش الخدمات وتلاقي البوابة يمينك)
خش من البوابة وامشي وتلاقي دوار،، خش من عند الدوار يسار كانك رايح على الحرم الجامعي مكان الكليات كلها حقت العلوم والاداب والهندسة ووو ،، وحتلاقي كشك الامن، روح عندهم واسالهم فين 125 (وحيكون في وجهك)

بالتوفيق