هيا بنا "نتسكن" ..!!

[M!ss.R!ma]

المشاركة الأصلية كتبت بواسطة bahamdain سؤااااااال دحيين انا حطيت الرغبات بس باقي كم فراغ فاضي من فين اجيب لأبوهم رغبات غلقتها كلها ايش اسوي وغير كدة سؤاااال مهههههم انا الي سمعته ان طلاب شمال جدة ما يقدروا يدخلوا كلية الطب او الهندسة حقت الجنوب ولذلك انا سكنت حقون الشمال اول هل هذا الكلام صحيح ؟؟؟؟؟؟؟؟؟

إيوه لازم تتعبى كلللل الرغبات فإذا انت رتبت كل التخصصات
اللي تبغى تدخلها وبقي فيه كم فراغ راح تضطر أكيد انك تحط من اللي ما تبغى
فابدأ بأهونها ..لأنه لااااااازم تتعبى ..
أما سؤالككـ الثاني ما أعرف ..إن شاء الله يفيدونك البقية ..

[bahamdain]

شكرااااا

[hyooooon]

السلام عليكم ورحمته الله
انا دخلت ع معلومات عن اختيارات الطالب بصراحه انصدمت
حاسبين المعدل لموزون بطريقه مو حلوا اللي هي مجموعه الدرجات للمواد كلها ماعادا ليفل 1 /عددالمواد
طبعامو زي المعدل اللي من 5
سؤالي هو لمن نجي نتسكن نتسكن على ذا المعدل الموزون ولا على المعدل من 5 لانو موشرط اللي جابت 5 من5 يكون معدلها 100 اظن واضح ليه من طريقه الحساب وابغى اعرف السنع الي فاتت دفعه 12 كم كانت اقل نسبه موزونه للطب لان كثر الكلام ناس تقول 91 وناس تقول 95 وناس تقول 93 وكمانه الطب الموازي يتحسب من عدد طالبات الكليه يعني مثلا تم قبول 200 طالبه فاتلطب بنات الالموازي منهم ؟؟ ..

[العبود]

هيا 23 تخصص
والرغبات 23 يعني لازم اختارها كلها ...


انا مثلا ما ابغى طب ايش اسوي احطه في الرغبات الاخيرة
ولا كيف ....
المفروض يخلونا نحط عشر رغبات وبس

[hyooooon]

بالنسبه لسوالك تبع تقدر تحط تخصص وانت دارس بجامعه شمال جده ايوا تقدر لان الرابط بعد مافتحته انت افتحه وشوف http://prod.kau.edu.sa/admission/MAINPAGE/new_tam.aspx
تلاقي الجدول الاول تقدر وعادي والله يوفقك...
وسوالك الثاني ايوا لازم تعبيها كلها والشي اللي ماتبغاه ارميه اخر واحد

[Ebtehal252]

المشاركة الأصلية كتبت بواسطة m!ss.r!ma http://prod.kau.edu.sa/admission/mainpage/new_tam.aspx هذاالرابط قد شفناهـ من أوووووول بس ما كان همنا نطالع فالتخصصات المتاحه كان همنا نكمل التسجيل فالجامعة وذحين جاء وقتهـ طال عمرهـ <<< أقول لا يكثر .!! هذا الرابط يبن لكم كل التخصصات اللي أتاحتها جامعتنا الفتاكة للطلاب والطالبات سواء موازي أو انتظام في الشرفية والا رابغ وفكل مكان ..

م شمل كل التخصصات حتى التربيه الخاصه مو مكتوبه فيه

يعني هذا الرابط يوضح بشكل عام مو ذاكر كل التخصصات ي جميله :)

[قروشـ]

المشاركة الأصلية كتبت بواسطة m!ss.r!ma لا حبيبتي تختارينه السنة الجاية الترم الأول .. على إيش مستعجلة !! شوفي العلوم الطبيه الاساسيه قسمين وهم (التشريح و وظائف الاعضاء) طيب وهذا رابط بينفعك http://admission.kau.edu.sa/pages-%d...%8a%d8%a9.aspx أما الطب فهوا الطب الأساسي اللي يخرجك دكتورة عيون وإلا جراحة والأشياء الجميلة اللي من هذا القبيل

أجل الحشة اعمت عيني هاه

انا سألت عن هذا في الاسبوع الارشادي ووضحوا لي كل شيء ,

كلية الطب - علوم طبية اساسية , سنوات الدراسة 4 سنين , يدرس مثل الطبيب لكن بدون 3 سنوات الأخيرة الي فيها تدريب في المستشفى , المستقبل الوضيفي لها اكاديمي , يعني تدريس في الجامعة , هذا الهدف من الكلية حسب كلام احد منسوبي كلية الطب .

لكن كلية الطب - طب وجراحة هو الطب المعروف 7 سنين وفيها تدريب بالمستشفى وسلامتكم .

لا تزعلي انا امزح معك بس

[M!ss.R!ma]

المشاركة الأصلية كتبت بواسطة rere.h ايش الفرق بين كلية الطب - طب وجراحة وكلية الطب - علوم طبية أساسية ؟؟

ها إن شاء اللهـ استفدتي فصفصنا لكك أوووم الفروق ..

المشاركة الأصلية كتبت بواسطة ebtehal252 م شمل كل التخصصات حتى التربيه الخاصه مو مكتوبه فيه يعني هذا الرابط يوضح بشكل عام مو ذاكر كل التخصصات ي جميله :)

يا حبيبتي التربية حاطها مع المسار الأدبي :)
وهو ذاكرها بالكليات فالجدول ..

[رهآمم]

السسلام عليييكم

عندي سؤال بالنسبه لكلية العلوم التطبيقيه مافيها غير تقنيه مختبرات ! والتغذيه والاشعه فين راحوا !!
فيه واحد كتب موضوع عن هذا الشي واللي فهمته من رد الاعضاء انو اذا بتخصص اشعه او تغذيه لازم ادرس السنه الاولى تقنيه مختبرات < هل اللي فهمته صح ولالا ؟!

[Dr.ReRo]

^
كلية العلوم الطبية التطبيقة فرع الجامعة الرئيسي ت. مختبرات
دي يقصدو كلية العلوم الطبية التطبيقية بجميع تخصصاتها مو تخصص المختبرات بس
و مو لازم تدرسي سنة ولاحاجة
ان شاءالله بداية السنة حيخلوكم ترتبو التخصصات [مخترات -أشعة-علاج طبيعي--تغذية ]
بالتوفيق..