سجلت بالماجستير ولكن تفاجأت بشي ..!!!!!!

[vip_temaa]

السلام عليكم ورحمة الله وبركاته
حبايبي سجلت بماجستير الهندة الصناعية
ولكن لم يخطر ببالي شي
وهـــــــــــــــــــو اختبار القسم بتاريخ 9/5/1430
اش الاختبار هذا
انا لي متخرج 5 سنوات بيختبروني بأيش عقلي مااااااااسح مافيه الا مجال عملي اللي اشتغل فيه
ساعدووووووووووووووووني شكلي بكنسل الماجستير واريح راسي
مع العلم انه ماعندي توفل ولا توصيات و التوفل مقدور والتوصيات اسويها قريب بس يوم شفت الاختبار هونت
ساعدونننننننننننننننني بليز

[راغبه المستحيل]

عادي راجع كتبك الحااااااال من بعضة حتى حنا ماسين

[البنفسج]

لا..لا..لا
لاتنكسل مادام التوفل تقدر عليه وباقي الأوراق كمان!!!!!!!! نصييييييييييحة لاتكنسل راجع مذكرات الجامعة اللي كنت فيها
وإذا كان مجال وظيفتك بنفس تخصص دراستك أكيد تكون لسه مفتكر الأساسيات عالأقل
ماشاااااااااء الله على طموحك غيرك لما يتوظف مايفكر أبدا في إكمال دراسته وبعدين شوف حالنا إحنا اللي التوفل ذا مسويلنا أزمة توكل على الله ولا تخلي هالسبب يمنعك من طموحك والله يوفق الجميع

[طالب المزيد]

المشاركة الأصلية كتبت بواسطة vip_temaa انا لي متخرج 5 سنوات بيختبروني بأيش عقلي مااااااااسح مافيه الا مجال عملي اللي اشتغل فيه

أنا ليه متخرج 8 سنوات ..

المشاركة الأصلية كتبت بواسطة vip_temaa ساعدووووووووووووووووني

عزيزي الفاضل .. أنت اللي تستطيع تساعد نفسك .. وبيدك تساعد نفسك

المشاركة الأصلية كتبت بواسطة vip_temaa شكلي بكنسل الماجستير واريح راسي

تبغى تكنسل كنسل .. الموضوع بين يدك .. والفرصة لا تأتي إلا مره واحدة

وأتمنى لك التوفيق

[vip_temaa]

مشكووووورين على الردود المشكله انه انا متخرج من الهندسة الكهربائية -اتصالات والكترونيات
ومقدم على ماجستير هندسة صناعية هذا اللي متخوف منه بيختبروني بأيه يعني ماعرف ولا شي بالصناعيه بس ماعندي مشكله اني اتعلم شي جديد فهمتووووووووووووا هذه المشكله بالضبط
وبالنسبة للاختبار اش طبيعته مقابله والا تحريري ووين راح يكون بعمادة الدراسات العليا والا بكليه الهندسه بقسم الصناعية

[never hide]

لا لا تكنسل و الله فرصة ... ما تدري اش يسير بكره

ترى حتى في الوظايف دائما الترقيات و العلاوات تروح للي عندهم ماستر....

البكالوريوس في الزمن دا زي شهاده الثنوي ماحد يتوظف فيه و حتى لو اتوظفت و جاء أحد أحسن منك ممكن لا سمح الله يستغنو عن خدماتك زي ما عملو ف خالي ....

المهم التوصيات أمرها سهل تروح عند أي دكتورين من اللي جبت ىعندهم درجات عالية و تطلب منهم توصية بعد كدا تروح توقعها من وكيل الكلية و تصورها نسختين من كل وحده و توديها مع الورق المطلوب.

لا تخلي كلمة اختبار تثنيك عن طموحك ، بعدين اش المشكلة يعني لو لا سمح الله ما انقبلت .

أنا قدمت في جامعة ثانية و دخلت المقابلة الشخصية و ما انقبلت . اش المشكلة يعني ، اسمي انو جربت و مني خسرانة كل محاولة خبرة لنا. احنا مشكلتنا اننا نخاف نقدم و نفشل بعدين ننصدم و لو فكرنا كدا عمرنا ما راح نتقدم خطوة.

و بعدين اعتقد انو فيه امكانية تغير تخصصك اتصل بالعماده واسألهم.
روح راجع مذكرات المجال اللي أنت مقدم فيه و أقرأ عنه كثير حتى لو من النت ترى الاختبار سهل أمره ان شاء الله و ان شاء الله ما رح يخرج عن الأساسيات .
التعجيز هذا من الشيطان( اللهم اني اعوذ بك من العجز ).

[النورس الابيض]

وعليكم السلام ورحمة الله وبركاته


ضروري تروح لرئيس القسم اللي أنت مقدم عليه وتسأله مايلي:

1. هل هناك اختبار قبول للقسم ام لا؟
2. ان كان هناك اختبار فما الموضوعات التي يدور حولها؟ و أي المراجع التي يمكنك الاعتماد عليها؟

[نجاة الفرسي]

الله يوفقك اخوي
الموضوع مو مستاهل تكنسل من بدايتهاااا بتهووون اجل لو شفت المواد صعبه ترجع من نص الطريق


لا تتردد وربناا يوفق الجميع