اذا عندك سؤال؟؟

[dr.abdullah1]

المشاركة الأصلية كتبت بواسطة قروشـ يجزاك ربي الجنة يا دكتور عبدالله على تخصيص جزء من وقتك لخدمة اخوانك الصغار , انا سؤالي مختلف شوية , تقول انك جايب في الاحياء b يعني تقريبا 80 وكمان قلت انك ما كنت تحب مادة الاحياء , فسؤالي هل تتوقع انك راح تستمر في كلية الطب ؟ يعني بعيد الشر عنك , لكن انا سمعت في محاضرات الاسبوع الارشادي ان الواحد لازم يدخل الكلية الي يحبها وإلا ما راح يبدع و قصص كثيرة لناس دخلوا كلية الطب وما كملوا فيها لإنهم ما وجدوا انفسهم فيها , يعني ممكن دخلوها لاجل سمعة او راتب او من هذه الامور , سؤالي بكل بساطة بما انك ما جبت درجة عالية بالأحياء وكذلك ما تحب المادة ! كيف تدخل تخصص في نفس هذه المادة , اتمنى فهمت علي

انا مني عارف من فين ابدا حكتب الموضوع على شكل نقاط
1.الاحياء شيء والطب شيء ثاني تماماً الطب مختلف عن الاحياء الي درسناها في السنه الاحضيريه.
3.انت تحدد مجالك على حسب ميولك مو على درجاتك. فانا على سبيل المثال ما احب الارقام ولا المعادلات ولا الحساب ويجذبني الامور المتعلقه بجسم الانسان والامور الطبيه ودائما ينجذب للاخبار الطبيه. غير اني من طفولتي وانا اتخيل نفسي طبيب.
4.انت لو شفت الاشخاص الي سحبو على من الطب راح تلاحض ان ميولهم مختلف بس دخلو الكليه عشان رغبة والدهم او عشان الفلوس او السمعه..... .
5.صحيح ان الطب اصعب من الاحياء ولكن انك تدرس شيء تحبه شيء انت بعدين راح تتوضف فيه هذا عملك صدقني راح (تستمتع في الطب) فهذي الصعوبه تهون.
6.اذا انت منت مستعد تتحمل صعوبة الطب فانت ما تحب الطب انت قاعد تعذب نفسك على الفاضي.
7.لا تخافون ولا يقلكم موضوع الصعوبه فكل الي تحتاجه وقت زياده في المذاكره.

هذا الكلام رائي شخصي وشتهاد مني شخصياً.
اتمنا اكون وصلت الفكره وجاوبت على استفسارك.
واي اسئله لا تترددون في طرحها