في جامعة الملك عبد العزيز فقط لا غير

[وحدة من الناس]

بسم الله الرحمن الرحيم



أنا خريجة ماجستير في وحدة من التخصصات

وحابة اني ادرّس في جامعة الملك عبد العزيز وماعندي خيار تاني لأنها حلمي اللي مستحيل اتنازل عنه وراح ابذل الغالي والنفيس في سبيل تحقيق حلمي

تخرجت بتقدير ممتاز... مع توصية بطباعة رسالتي ونشرها

والحمد لله كمان اتخرجت من البكالوريوس بإمتياز مع مرتبة الشرف

ومعايا دبلوم حاسب آلي تطبيقي

معايا شوية دورات وخبرات صغيرة وشوية انجازات ثقافية

عمري ماوصل 30 باقي 3سنوات وينتهي تاريخي للقبول كمعيدة للأسف

للأسف الشديد ماينقصني غير البراعة في اللغة الإنجليزية

والحمد لله ماشي حالي في الإنجليزي

بس مادخلت اختبار التوفل وماراح ادخل لحد ما اتأكد اني قدها

يعني يا درجة فوق 500 نقطة يا بلاش

عشان اضمن قبولي في مرحلة الدكتوراة إذا لزم الأمر

وحاليا بأدرس لغة انجليزية وقررت احصل على الدبلوم كامل

السؤال

إذا جاتني فرصة في الجامعة وقدمت

مع كل ما سبق

واجتزت جميع الشروط

هل يتم قبولي

أم تفضل علي صاحبة الواسطة

خصوصا اننا مجموعة من نفس التخصص ولنا نفس المؤهلات

بإستثناء دبلوم الحاسب الآلي فهو تقريبا ميزة تخصني

ودبلوم الحاسب ماهو شرط اساسي

وإذا اتساوينا كلنا في المؤهلات وما في وحدة عندها واسطة

كيف راح يتم القبول وعلى أي أساس

السؤال الثاني

إذا حابة اكمل دكتوراة

تخصصي للأسف ماهو موجود

أقدر اكمل في تخصص تربوي مثلا

خصوصا إني خريجة تربوية

ولا يشترط اني ادرس ماجستير مرة تانية

وانا ممتنة لكل شخص يرد عن دراية وعلم

وتقبلو تقديري واحترامي

[غريبه بدنيتي]

الله يوفقك ويحققلك امانيك

[ورد المدينة]

نفسي اساعدك بس هذا اللي اقدر عليه رقم عمادة الدراسات العليا وان شاء الله يفيدوكي الله يوفقك يارب
02 مفتاح المنطقة --6951265

[طالب المزيد]

ما شاء الله تبارك الله

ما أملك لك سواء .. الدعوات القلبية لك بالتوفيق

والجامعة هي خير مصدر .. للإجابة عن أسئلتك

الردود هنا تتأخر .. ما في أحسن من المواجهه .. والأخذ والعطى مع مسؤول في الجامعة وجها لوجه

وبالتوفيق

[وحدة من الناس]

الله يوفقك ويحققلك امانيك

شكرا على الدعوة الطيبة واياكي يارب

نفسي اساعدك بس هذا اللي اقدر عليه رقم عمادة الدراسات العليا وان شاء الله يفيدوكي الله يوفقك يارب 02 مفتاح المنطقة --6951265

شكرا على الرقم اللي كنت محتاجته

اتصلت كتير على الدراسات العليا بتخصصي لكن اللي بترد علي سكرتيرة وماعندها جواب اكيد

وانت اعطيتيني امل بالرقم المباشر وان شاء الله اتصل عليهم بكرة في وقت ابكر من كدة لأنهم حاليا مابيردو ولا على تحويلة

وشكرا على مرورك ومساعدتك

ما شاء الله تبارك الله ما أملك لك سواء .. الدعوات القلبية لك بالتوفيق والجامعة هي خير مصدر .. للإجابة عن أسئلتك الردود هنا تتأخر .. ما في أحسن من المواجهه .. والأخذ والعطى مع مسؤول في الجامعة وجها لوجه وبالتوفيق

اتمنى من كل قلبي إني اوقف موقف مواجهة مع مسؤولي الدراسات العليا

لكن امنيتي تعتبر من ضروب المستحيلات خصوصا ان الدراسات العليا مكانها ماهو في مقر الطالبات

وفي مقر الطالبات مابيجابو اجابات شافية ومايعطوني فرصة اتكلم دايما مستعجلين

لكن الله يعين راح احاول تاني وتالت وعاشر لحد ما اوصل

وشكرا على دعواتك الطيبة والله يجعل لك منها نصيب