خيبة آمل وتحطيم - ادارة الخدمات الصحية

[بيو كيميائية ^_^]

كثير إنقبلوا بدون واسطات ليش ماتنظرون لهمـ ؟!!

شوف أخوي صحيح إنكـ بتكون متضايق و زعلان لكن إصبر لأنكـ راح تلقى شيء أفضل



أنا بعد ماتخرجت قدمت على دبلومات و برامج ماكنت ألقى رد لا رفض و لا قبول

و زعلت و تضايقت

بالرغمـ إن الشروط كلها منطبقة علي لكن مافيه رد

و مرة وحدة إنقبلت مبدئيًا في دبلوم و بعدين أرسلوا لي غيروا موعد المطابقة و راح يرسلون لنا رسايل بتحديد الموعد الجديد و مارسلوا لي و أنا ماراسلتهمـ كمان

قلت شكله مكتوب لي إني ما أروح الرياض

فتح الماستر هنا قدمت و كلت أمري إلى الله و دعيت ربي

و الحمدلله إنقبلت ماستر

أفضل من كل اللي قدمت فيهم و ماردوا علي

و عرفت إن ربي يبي لي الأفضل

و إن مايصرف عنا شيء إلا عشان ناخذ الأفضل و الأحسن و الخير لنا

لكن إحنا البشر مشكلتنا عجولين نبي كل شيء بسرعة

صدقني راح يجي اليومـ اللي تفرح فيه و لا تيأس ربي مايضيع تعب أحد

أنت الحين لازم ترفع درجتكـ في الإنجليزي و تجيب 10

و كمان إختبر قدرات و حاول تجيب فوق 85

و كمان إدخل دورات تخص التخصص

و بإذن الله تنقبل السنة الجاية و ماتدري يمكن يطلع اسمكـ من المقبولين في الإحتياط

أتمنى لكـ التوفيق