اختبار الأحياء نموذج (d)

[Smooy]

السلام عليكم
كيف حالكم ؟؟
و كيف اختبار الأحياء اليوم ان شاء الله كان سهل
المهم انا عندي سؤال في الأحياء في نموذج d مني فاكرة صيغة السؤال بالزبط بس هوا
السؤال حقت الأوكسجين الموجود في الهواء ناتج عملية البناء الضوئي ايش الجواب اخترتو
تاني أوكسيد الكربون و لا. الماء

[~fatoom~]

انا نموذج b .. بس جاني هذا السؤال .. الجواب .. الاوكسجين من الماء

[roro-X]

انا مو نموذج d بس جاني زي دا السؤال واخترت الماء! 😁

[HU~]

يب صحيح الماء و لو سأل و قال الجلوكوز من فين ؟ حيكون من ثاني أكسيد الكربون ~

[Meme599]

انا جاني سؤالين ماعرفت اجابتها
# فين يروح الطعام المهضوم ؟ امعاء دقيقه وﻻ غليظة المهم حطيت غليظة ومدري !!!

# بداية هضم النشا فين ؟؟ االخيارات بلعوم مريء معده
وماعرفت حطيت مريء

ايش الصح !!!!!

[m.sh]

ياليت لو تقولوا لنا كيف كان الاختبار ومستواه بشكل عام ، أصعب الأسئلة ، أكثر جزئية ( تشبتر ) جاء عليها أسئلة ؟؟

[_soso_]

الاختبار مو سهل بس ماشاء لله البنات دوافير معظهم فيهقولو لك سهل
لازم شويتن تركيز لانه اصلا يلخبط مستواه متوسط واغلبه ركزو على الباب 16 والبكتيريا والنبات والسكر والتفاعلات هذي
وجابو واحد من الامراض اتوقع مرض الجمرة الخبيثة وش نوعه سؤال غريب ماتوقعته
بس حطيت كيميائي يارب يكون صح

[Meme599]

صراحه مو صعب مرا اللي مذاكر تمام بالفهم حيعرف يحل .. جاني خصائص الثديات والنبات و مصطلح التغذية المزدوجه و التنفس الخلوي ومركب atp يتكون من ايش و عنصر من جزيئاات عضوية ايش هوا و مصطلح اﻻحتباس الحراري .. دا فاكرتو و شابتر 16 ماجا منو كتير بس مرض السﻻح الحيوي

[M!ss.R!ma]

أكثر جزئية أتوقع 6 و 7 ..
وهو سهل بشكل عام إذ انت حافظ كويس ..
اصعب سؤال جاني أن الهضم غالبيتهـ فين يحدث ؟!! حطيت الأمعاء الدقيقة ..م أفتكر
مرت عليهـ معلومة كذا في السلايدات -_^ .!!

[Roza S]

المشاركة الأصلية كتبت بواسطة _soso_ الاختبار مو سهل بس ماشاء لله البنات دوافير معظهم فيهقولو لك سهل لازم شويتن تركيز لانه اصلا يلخبط مستواه متوسط واغلبه ركزو على الباب 16 والبكتيريا والنبات والسكر والتفاعلات هذي وجابو واحد من الامراض اتوقع مرض الجمرة الخبيثة وش نوعه سؤال غريب ماتوقعته بس حطيت كيميائي يارب يكون صح

اه من هذا السؤال مدري ايش اللي طيح عيونها عليه :/


افتكر انو مر عليا بالسلايدات لكني مشيتو قراءة لأن اسم المرض يجيب المرض
افتكر اني جلست اتفلسف على نفسي وقت الاختبار واحاول اجيب الجواب بالمنطق فاستثنيت السلاح النووي والذري وحاجة كمان نسيتها و ما ضل قدامي الا الكيميائي والحيوي ، واستبعدت الكيميائي لأن البكتيريا مالها دخل بالكيميا و ما ضل بالأخير إلا الحيوي و اتوكلت على ربي واخترته وأظن انه صح ،،

والله يسههل و نفرح بأعلى الدرجات