الاختبارت

[Shaden 1]

السلام عليكم
كيفكم يا شعب الجامعه
بس بدي اسال اهل الخبره ايش اختبار تحديد المستوى في الانجليزي ممكن يأثر على المعدل
وكمان في اختبار تحديد المويول انك تعرفي انت ميولك لاي تخصص هل له اهميه يعني حيأثر بالتخصص او بالمعدل ولا بس النا احنا كطالبات عشان نعرف نفسنا (مع انه احنا عارفينها بس زيادة الخير _ _ _ )
ياريت تفيدوني ضروري لانه بكره ان شالله حاختر هادول الاختبارين

[طالبة مستجدة]

تحديد الميول عادي مو شرط بس عشان انتي تعرفي اذا ينفعك التخصص الي اخترتي ولالا

يعني مو شرط ولا راح ياثر في شي

بس تحديد المستوى لمن الحين محد عارف ليه طبقو او ليه نزل هذا القرار

بس طلعت اشاعات كثيره لا تاخذي بيها لانو المدرسات نفسهم مهم عارفين البنات صارو يقولو اشياء كثيره ويلا بدات الاشاعات
الله يعين يارب

[● ά7Ļά şùģάя ●]

كمان أول مره أسمع منكم عن إختبار تحديد الميول :)
بالنسبة لإختبار تحديد المستوى للإنجليزي
سمعت فيه من المنتدى لأنو مافي أي أستاذة خبرتني
فماعندي أي فكرة عنو لأن كل ما سألت أستاذة اليوم تقول لي "ما أدري ؟!"
حتى يوم أسأل عن مكانه ووقته الجواب "ما أدري ؟!"

/

إن شاء الله يفيدوكي الباقيين
موفقه يارب

[نونـــــا]

السلام عليكم
حتى انا اول مره اسمع عن اختبار تحديد الميول؟؟؟؟؟؟؟
واختبار بكره نذكره من فين ؟
وحيدخل في ايه؟
وطريقته ايه؟
وعاملينوا ليه؟ الله يستر

اللي عندها اي اجابه ياريت ترد علينا وتقلنا ضروري

لانوا حتى احنا سالنا المس وماتعرف ؟؟؟؟اجل نسال مين والله ماني عارفه ايش القرارت هذي <<<<<<سوري طولت عليكم ....................

[تخصص 13]

اول مره اسمع منكم عن اختبار الميول
اصلا ماسرنا نسمع شي الا من المنتدى وصحباتنا لان مافي احد يتكلم في دي الجامعة ولمن نسال مايعطون الجواب الكافي

المشاركة الأصلية كتبت بواسطة ● ά7Ļά şùģάя ● [align=cente)[/align] بالنسبة لإختبار تحديد المستوى للإنجليزي سمعت فيه من المنتدى لأنو مافي أي أستاذة خبرتني فماعندي أي فكرة عنو لأن كل ما سألت أستاذة اليوم تقول لي "ما أدري ؟!" حتى يوم أسأل عن مكانه ووقته الجواب "ما أدري ؟!" / إن شاء الله يفيدوكي الباقيين موفقه يارب

استاذتنا اليوم قالتلنا ع اختبار الانجليزي وقالت ان في نفس الكلاس بس شاكة في الوقت هو من 9 ولا 9,30 لكن قالت تعالوا بدري عشان لا تتورطوا ويفوت عليكم الاختبار لان مهم
انا عن نفسي اذا كنت مكسله الصبح بخرج ع 8,30 عشان لا اتورط
واحلى شي قالتوا ان الكلاسات الباقية اتكنسلة ...لكن يافرحة ما تمت على طول نطة ابلة الانجليزي الثانية وقالتلنا تبغى تاخذنا ساعتين لاننا ماخلصنا الجزء الي معانا في الاختبار وكمان استاذة الاحصاء تبغا تاخذنا لاننا ماخلصنا واختبارنا السبت ولا تبغى تاخذ زيادة ع المحاضرة نص ساعة يعني حنخرج الساعة 3
ااااه الله يعين بكرة ورايه يوم طويل وممل
بس احلى شي ان محاضرة الاحياء اتكنسلت

[● ά7Ļά şùģάя ●]

" تخصص 13 "
/

يسلمووو ياقلبووو :)
الله يفرجها عليكي
موفقه بكره إن شاء الله

[تخصص 13]

المشاركة الأصلية كتبت بواسطة نونـــــا السلام عليكم حتى انا اول مره اسمع عن اختبار تحديد الميول؟؟؟؟؟؟؟ واختبار بكره نذكره من فين ؟ وحيدخل في ايه؟ وطريقته ايه؟ وعاملينوا ليه؟ الله يستر اللي عندها اي اجابه ياريت ترد علينا وتقلنا ضروري لانوا حتى احنا سالنا المس وماتعرف ؟؟؟؟اجل نسال مين والله ماني عارفه ايش القرارت هذي <<<<<<سوري طولت عليكم ....................

وعليكم السلام والرحمة
استاذتنا قالت ذاكرمن كتب السميستر الي فات
وقالت فيله قرامر-ريدينق-ليسيننق-واكيد رايتنق
عاملينوا ليه ؟؟ محد يدري لسه
من جد محد عارف في دي الجامعه راسه من رجله
وان شاء الله اكون افتكم بشي

[υикиσωи]

اختباار تحديد مستوى ... دااا ما افيدك فيلووو ...كلنا محنا عارفين
بسس اختباااار تحديد ميول ..دا بسس كدا الجامعة اتكرمت تعملووو ... عشان يحددلونا ايش اللي يناسبنا ...
طبعا مع نفسهم ..مابقي الا نسمع كلامهم
وهوا شي اختياااااري .... اللي يبغاا يروح يعملووو ..يروح مبنى 13 غرفة 9 ... ويسأل هناك ..

[Shaden 1]

اختبار تحديد الميول انا اختبرته هو 12 صفحه اليوم حليت 6 وبكره بكمل
ترا مره طويل بده اكتر من ساعتين
بس انتوا روحو وجربوا ماانتوا خسرانين شي بس لازم تاخدوه قبل موعد التسكين 15-4 عشان يقدروا يفيدوكم

[sounzr zr]

انا اول مررة اسمع فيه !!!!!!!! يعني هوا اختياري ؟؟! ولا اجباري زي placment test !!?