ابغا رأيكم ضروري

[roro-X]

السلام عليكم بدخل في الموضوع بسرررعه


انا موزونتي 88,703
ومرا محتاره في ترتيب الرغبات الاولى
انا حاطه زي كدا

علوم طبيه تطبيقية
علوم طبيه تطبيقية موازي
طب اسنان بكالوريوس مساعد طبيب اسنان
تمريض
وطبعاً انا ادعي ربي من كل قلبي انقبل في وحدة فيهم بس احس لو حطيت تمريض اول وحدة ح انقبل بإذن الله على طول وفي نفس الوقت اقول لا ممكن ادخل في وحدا من الخيارات الثلاثة الاولى ليش اغير
مادري كيف مرا محتارة ايش تنصحوني ؟!
وكم تتوقعو موزونة الموازي وبكالوريوس مساعد طبيب اسنان توقف عند كم ؟
تنصحوني احط تمريض اول شي ولا لا !

😔❤

[Roza S]

أنا أشوف تحطي التمريض ثالث شي لأنه أفضل من مساعد طبيب أسنان

وخلي اول رغبتين زي ما بدكك ^^

و إن شاء الله تتخصصي باول رغبةة =)

[roro-X]

الله يسعدك شكراً حبيبتي 😘

يب انا كمان فكرت قولت كدا ويارب ننقبل من اول رغبة ❤❤

[Lujain :)]

-



آنا عكسكم اشوف ترتيبك اللي حاطتو حلو :") !
بس اهتمي برغبتك ورتبي على اساسها ..

ربي يوفقك :*

[L.a.m.a]

المشاركة الأصلية كتبت بواسطة roza s أنا أشوف تحطي التمريض ثالث شي لأنه أفضل من مساعد طبيب أسنان وخلي اول رغبتين زي ما بدكك ^^ و إن شاء الله تتخصصي باول رغبةة =)

أنا مع روزا :*
الله يوفقك يارب

[roro-X]

انا نفسي اكتر شي في علوم طبيه تطبيقية بس خايفة مادخلها 😣
وجالسة افكر واقول انو لابأس لو انقبلت في اي وحدة من الاربعه الاولى بس ايش الافضل تمريض ولامساعد طبيب اسنان

وبرضو اقول انو تمريض يشمل تمريض كل شيي
بس مساعد طبيب اسنان من اسمو بس لطب الاسنان !
وبرضو يجي في بالي واقول مساعد طبيب اسنان افضل من ناحية الوظيفة بس ماعرف خايفة 😔

انتي قوليلي ليش تشوفي مساعد طبيب اسنان افضل ؟
عادي قوليلي ممكن تساعديني 😘
وشكراً حبيبتي الله يحققلك الي تتمنيه ❤❤

[roro-X]

المشاركة الأصلية كتبت بواسطة l.a.m.a أنا مع روزا :* الله يوفقك يارب

الله يسعدك حبيبتي طيب ممكن تقوليلي وجهة نظرك ليش تشوفي انو التمريض افضل ؟

ابغا ارتب افكاري واقتنع شويا

انا ملخبطة

انا من ناحيتي قريت عنو وحبيتو كتير
بسس اوقات اقول انو دوام مساعد طبيب اسنان افضل
يعني متلخبطة ومحتارة فيهم مرا

😔

[Lujain :)]

-

شوفي حبيبتي انا ماعندي اسباب مقنعه بس من رأيي افضل مساعد طبيب اسنان عن التمريض ..

التمريض يشمل كل الامراض
ومتعب أكثر وفوق هذا ماتلقي احترام لا من دكاتره ولا من مرضى ( مو الكل طبعا ) ..
وفوق هذا الكم الهائل اللي بتدرسيه في الكلية .. !
عكس مساعد طبيب اسنان .. دراستك حتكون مختصه بالاسنان بس ..
* التمريض راح تحتكي مع المرضى شخصياً اما مساعد طبيب اسنان لا ..
باختصار التمريض يحتاج لناس ( صبببوره )

دي وجهة نظري ممكن تكون صائبة وممكن لا !
واعرف ناس شخصياً في التمريض بجامعات غير جامعتنا إذا عندك اي اسئلة ()
إن شاء الله تنقبلي بأول رغبهه ()

[roro-X]

والله السبب الوحيد الي مخوفني من التمريض انو مافي احترام من المجتمع لها مو الكل البعض ' وعارفة انو انا نفسي الي افرض احترامي على الناس بطريقة تعاملي وبأدبي
بس انا انسانة خوافه كتير ☺
يعني ماعرف احس لو سار لي اي شي ح ابكي ❤
بس في نفس الوقت احب دي المهنة اكون اساعد الناس واتعامل معاهم بالطيب ينبسطو مني ويدعولي والله كل ماتخيل اني ساعدت حرمه كبيره ودعتلي انبسط مرا ❤❤
بس الله يسامح المجتمع الي احنا عايشين فيه تفكيرهم مدري كيف وطبعاً مو الكل البعض والله يهديهم بججد ❤

الله يختار لنا الي فيه الخير وونقبل من اول رغبة يارب ❤❤

[حمني !]

بما انك بنت افضلك مساعد طبيب افضل بكثير من التمريض

اول شي التمريض في التوظيف يوجد به شفتات يعني ممكن اسبوع صباح واسبوع مساء وهذا شي جدا متعب

وثانيا الاحتكاك بالمرضى وكل من هب ودب

اما مساعدة اسنان تخصص جديد مافي في السنة الماضيه ودراستك تتخرجي بكالوريس كان زمان مساعد الطبيب دبلوم فقط

وايضا دوامك محدد ويكون صباحي ومافي اختلاط بالمرضى ودراستك شبه دراسة طبيب الاسنان بالضيط وايضا في احتماليه انو لو اتخرجت واتوظفتي ممكن تكملي دراسة والمواد الي مادرستيها وتاخذي مسمى طبيب اسنان من كلية البترجي

والله يوفقك يارب