مدى حبي

[:. مآء السمآء .:]

/


طيب يؤسفني أقولك انها نفس القصيدة ..،



أبـي أوصــف لك مـدى حـبي ولكن خـانني التعبـير
وأعبـرلـك عـن أشــواقـي ولكن جـتـني العـبـرة
عـن أكـبـر حـب بـالعـالم عجـز حـرفي عن التصوير
تـعـدى حـبـي لشـخـصـك حـدود العـالم بأسـره
محبـة بصـدق يـاعـمــري ولا بـه نـيـة التـزويـر
حبيبي اللـه لـو تعـرف غــلاك بقلبي يــاكـبــره !!
أكـبر من غــلا أمٍ لطفـل مبتــدي عـمــره !!
غــلاي أكبـر وبـك يكـبـر وأحسـه عايش التطوير
يزيـد يزيـد في قلبي ويمـلك ميـزة العشـرة
غــلاك أكبر من اني بيوم أخطه بحرف وتسطير
وحبـك وصـل بقلبي سنـام المجـد والشهرة
أحــبــــك كثـر النـاس كثـر البشـر وكثـر الخـير
وكثـر مابالصحاري رمال وكثر مافتحت زهرة
وكثـر مابالبحر من ماء وكثر مابالسما من طير
وكثـر ماجتني طيوفك ومعهن زانت السهرة
وكثـر مابالسما نجمة وكثر ماللفشل تبرير
وكثـر ماللفرح بهجة وكثر ماللحزن جمرة
أحسك تسري بدمي وحبك مايبي تفسير
حبيبي آآه لو تعرف مدى تأثير هالنظرة
أحبك ليش ماأحبك وأرفض مبدأ التغيير
وأنا اللي قبل مااعرفك حزين وضايق صدره
أحبـك كثر ما أحبـك وأدري خانني التعبير
عجزت أوصف لك أحساسي ولكن تكفي النظرة


\