مذكرات تمريضية [نصائح وتجارب تهم كل ممرض و ممرضـة]

[عذاري السمروات]

اخوي محمد ..
مره عجبتني الفكرة تبعت التلاجه .. شاء الله مستقبلا يعملوا زيهاآ .
..
أناآ حابة أقول انو من جد التمريض شي والله حلوووو لدرجة انو نفسي الترم ما يخلص ( بس الاختبارات هلكتناآ ) ف ابغى الاجازه ..
و هده اول سنه لي في التمريض و الله أتعلمت أشياء كتير و أتغيرت فكرتي السطحيه عن التمريض و أنفتحت لي مشارق التخصص الجميلة الغايبة عن العيون ..
قبل ما أدخل التمريض كنت أقول كيف راح ازاكر هده المواد الطبيه ( عشان ما كنت في الانجليزي داكا الشي ) , و مواد كتير و دسمه :|
الموهم بدأت الدراسه و دخلنا في عالم التمريض و مع المزاكره و الله حسيت الدنيا حلوووه و الهم اللي كنت شايلتو راح كلوووو ( لمن نجحت في كل المواد الحمد لله الفصل الاول ) .. و الانجليزي و الله اتحسن بشكل كبير الحمد لله _ ف اللي ما يعرف انجليزي مررره لا يخاف ماهو عائق ( يعني لو كان نص و نص الحال راح يمشي ) ب ازن الله .
تجربتي في المستشفى :
كانت ايام حلوووه ( الترم التاني نزلنا المستشفى - يومين في الاسبوع لمدة تلاته ساعات - ) أتعلمت فيهاآ اشياء كتير و ساعدت المرضى و علمتهم بعض الاشياء اللي ما يعرفوهاآ و أخدت دعااااااااااااااااااااااااااااااااااوي للسماء و و صرت أعرف أسحب دم - الله يسعدو واحد من تبع المختبرات سنحلي الفرصه - , و شوفت حالات خلتني احمد ربي كل ما أدخل القسم اللي انا فيه .. فيه قسم واحد ما حبيتو ( القايناآ ) :"| من يوم ادخل القسم و الله أحس بكتمه و عدم راحه مدري ليه !
تخصصات التمريض :
واللي حمسني أكتر و حببني في التمريض فوق ما اانا حابتو : انو بعد ما نخلص البكالوريوس نقدر نكمل الماستر و نتخصص في أقسام والله حلووووه زي ,اخد الماستر في الجينات , المخ و الأعصاب , الشيخوخه , التخدير , العيون و و و و و و الله اقسام كتير بس هده اللي عجبتني أكتر ..
||
أنا ما أمدح التمريض عشان أن تمريض لا والله عشان ب الفعل هو قسم جميل بس للأسف المثقفين هماآ فقط اللي يعرفوا ايش هو التمريض ..
>> أنا كنت من الناس المتخفله اللي تذم التمريض و تتكلم على عماهاا و هي ماهي عارفه اايش يعني تمريض . و كنت أشوف نظرة الناس للتمريض ..
و في تسكين التحضيري من سنتين خليت التمريض في الرغبات الأخيره ( أقول ايش تمريض مررره لا مستحيل أدخلو ) بس مررت سننه و قرأت عنو و أتحمست و حولت للتمريض من قسم التغزية .. صحباتي حمسوني أكترررر و اهلي و الحمد لله ..
مررررررررررررررررررررررررره أحب التمريض و فخووورة اني ممرضه ..
الممرضين و الممرضات النصف التاني من الدكتور .. <3