التحويل من المسار العلمي

[rival soul]

انا رحت التيرم دا بخصوص التحويل وانا في كلية علمية وابغى احول قانون ...راجعتهم قبل شهرونصف او شهرين تقريبا كنت في الجامعة بالنسبة للشوؤن التعليمية حقت القانون قالو مافي تحويل من علمي للقانون ...بعدها رحت لدكتور العطاس تبع القانون ورحت برضه لوكيل كلية الادارة والاقتصاد وكلامهم(انه قسم القانون بيكون منفصل ككلية حقوق خلاص لوحده ابتداء من السنة القادمة اول تيرم للكلية وانه راح يسمحو بتحويل الطلاب من الاقسام العلمية للكية الحقوق وراح يكونو فقط 20 طالب المسموح بتحويلهم تقريبا وطبعا حسب المعدلات ) الكلام دا كله شغالين عليه الان واجتماعات وكدا لكن على كلامه إن شاء الله اكيد ...دا الكلام كله قبل شهرونص او شهرين تقريبا لما راجعتهم يمكن الان في تغيير او بدأ التحويل او غيرو رأيهم مدري ...بالتوفيق وافضل انك تراجعهم الان واذا رحت ياريت تقول ايش صار معاك ^_^