دفعة 14 ؛؛؛حيااااكم البيت بيتكم...

[لهيب الزهور]

المشاركة الأصلية كتبت بواسطة ~me~ والله الخرابيط بإختصار أنا كنت ألعب لعبه أسئلة ع النت تشبه لـ طريقة أسئلة الانقلش المهم كنت لما ما اعرف سؤال أغش فيها وأسوي تحديث يقوم يتغير مع تحميل الصفحة مره ثانية وكذا فلما جيت في اختبار الانقلش حليت اسئلة كثير اتوقع اني كنت في نهاية الاستماع ( إلي هوا أخر شي ) وكنت طفشان كذا وجاني سؤال ما عرفت له فقلت يا ولد جرب سوي تحديث ما بتخسر شي لو ما زبط معاك وحطيت تحديث وما اشوف إلا الصفحة صارتلي كأنو غير متصل بالإنترنت !! وسألت المراقب الموجود قلي اتوقع والله اعلم انتهى اختبارك قلتله خير إن شاء الله ومشيت فما أدري هو أنحسبلي إني أختبرت ولا لما سويت تحديث انقفل كل شي وكأني ما اختبرت شي الله اعلم عاد يبان بعدين إن شاء الله وأنا ما ابغى ليفل 4 انا ابغاها من 2 أحس لغتي ضعيفه وأبغى أقويها + يقولو لو جبت في الانقلش درجه عاليه راح تساعدني في المعدل وغالباً الإنقلش في المذاكره والإختبارات وكذا سهل يعني تجي فيه درجات حلوهـ التفائل شي مره مهم واحس كذا حدرس جامعه وما احلق شعري وأشياء كثير ياخي فله أهم شي ما يطلع كلو خرط لأنو أنا درست نظام مقررات في الثانوي ( النظام المطور ) وقالولنا نظام جامعي ومدري ايش طلع كلو خرط جابولنا أسوء شي في الجامعات وحطوه وأسوأ شي في الثانويه العامه وحطوه وطلعو النظام الأهبل ذا بعدين خلاص حنوصل لأحلامنا ونحققها إن شاء الله ونصير إلي نبغاه ضروري الحماس والهمه العاليا للوصول للشي إلي نبغاه بس حبيت أسأل ... دحين كلنا حطونا برضو خطه أ !! ولا في ناس مختلفين

طيب بالله احد يجرب طريقة اللعبة في اختبار>>تفكيركم يالعيال مرة غريب <<

بجد الله يستر من اللي سويته

وأكييييد حلووو التفاؤل بالخير >>بس عاد لا تتفائل كثير عشان ماتنصدم وتطيح على راسك <<

وباذن الله ربي يوفقك ونشوفك بالهندسة السنة الجاية



لا طبعاً مو الكل نفس الخطة >>والدليل انا خطة ب <<

هما يقسموا الطلاب والطالبات لقسمين أ , ب

طلاب خطة أ يدرسوا الترم الأول رياضيات وفيزياء وحاسب ومهارات اتصال

وطلاب خطة ب يدرسوا الترم الأول احصاء واحياء وكيمياء

بالاضافة الى الانجلش في الخطتين

ثم بعدين الترم الثاني تتبادلوا المواد اللي درستوها



وأي استفسار ثاني انا بالخدمة

بس اذكرك انه لازم تشد حيلك بالفيزياء والرياضيات والانجلش

لأنه الموزونة فيها مهمة للقبول بكلية الهندسة

بالتوفيق...