ماذا بعد حياة ( الهكوناإأآ متاإأآتإأآ )

[~Me~]

المشاركة الأصلية كتبت بواسطة s.bn السلام عليكم و رحمة الله و بركاته احم احم حركة الاسم خطيرة قسم باله اول ما شفت اسمي عدلت الجلسة و قلت اكييد لاني المشرفة و لاني اللي ما احد قدي و كدا المهم فهمت من موضوعك انو تبغى نصايح و كدا اول شي اللغة مالها تاثير كبير على الدراسة و خاصة التحضيري لانو الاساتذة عرب و تاني حاجة انو المناهج بسيطة و سهلة بس يبغالها اهتمام و اجتهاد و شدة حيل و تالت حاجة اعرف انو من يوم دخلت الجامعة حتبدا كل حاجة من الصفر يعني الفيزيا بتبدأوا باتحويل من جرام ل كيلو جرام و كدا و الكيميا نفس الشي و غير كدا لا تنسى انو حتمشوا في الحاجات دي سريع سريع عشان في دروس بعدها يبغالها شرح اكتر زي في الكيميا تسمية المركبات و غيرها >>>> دا اللي فاكرتها و نفس الشي لمن حتاخد مستقبلا العربي حتبدأ من اسم و فعل و حرف و ... الخ اش كمان ممممممم هرجة المذاكرة اول باول انا نفس الشي في الثانوي كنت ما اذاكر غير يوم الاختبارات بس لمن دخلت الجامعة قلت لازم اغير طريقة مذاكرتي و اني اجتهد اكتر بس كل خططي فشلت فقررت امشي على دا النظام و اللي هوا كيف اشرح يعني مثلا اليوم اخذت فيزيا ارجع البيت لازم اقرأ المحاضرة مجرد قراءة عشان اثبت المعلومات مو مذاكرة بس قراءة بالرغم بكرة يكون ما عندي فيزيا يجي بكرة قبل ما انام ارجع اقرأ المحاضرة قبل النوم لانو بكرة حيكون عندي فيزيا و لازم اعرف اش اخدنا في المحاضرة اللي قبل و زي كدا و اكتشفت انو جدا مفيدة قراءة المحاضرات و كنت اسويها مع كل المواد عدا الاحياء كانت هرجتوا تانية ايوا الاحياء الاحياء الاحياء الاحياء مو تخويف بس لازم تنتبهوا من البداية الاحياء لازم يتذاكر اول باول محاضرة بمحاضرة و ما يتراكم عليك و لازم قبل الاختبارات باسبوع تخصصه للاحياء لانو دسم و كثير يعني في المحاضرة الوحدة تاخدوا بحدود 30 سلايد :( ما تقدر كل المحاضرات تمسكها يوم الاختبار وحدة من البنات كانت تمسكه قبل الاختبار بيوم و للاسف حملت المادة :( اول شي لازم لازم تكون عند استاذ كويس و يفهم لانو الحفظ بدون فهم مش حيفيدك >>> اسال عن الاساتذة الكويسين حاجة تانية لنفرض انو طلعت عند استاذ مش كويس حاول تحضر محاضرات اكسترا عند استاذ كويس انت حتتعب كتير بس و الله لمصلحتك في النهاية جاحة تانية اللي يكرهوا الاحياء زيي و ما يقدروا يذاكروا اول باول لازم يفرخ للاحياء 10 ايام قبل الاختبارات ممممم و الله مدري اش اقول كمان اذا افتكرت حاجة ارجع اكتبها دمتم بود s.bn

وعليكم السلام ورحمة الله وبركاته

شكراً على المعلومات الأكثر من مفيدهـ بصراحه استفدت منك كثير


يب كل ما افتكرتي اكتبيلنا بالله محتاجين كل حرف وابسط معلومه

يعطيكي العافيه