سؤال : هل يوجد دورات للسنة التحضيرية ؟

[~Me~]

السلام عليكم ورحمة الله وبركاته


إنتو عارفين إنو إجازه وفاضيين وكدا

سمعت كدا في الترم الثاني وادا ادرس في الثانويه انو في دورات تجهز الواحد للسنه التحضيريه وتعطيه مواد الجامعه كدا يعني تهيئة وإستعداد ومبادئ وقواعد يستند عليها خصوصاً للي ما أتأسس مزبوط في الثانوي وكدا


حبيت أسأل في أحد جربها؟

او سمع عنها ؟

وين وفأي معهد !!

ومشكورين مقدماً

[طموحه بالحيل]

وعليكم السلام اختي استمتعي بالاجازه وماشاء الله عليكي اتمنى حماسك يكون دايما كده روحي موضوع امل بخش تجربه طالبه طب وتلاقي كل حاجه اما جزاها الله خير ماقصرت اما عن معاهد وكده انا ماسمعت شي

[Marwan alHarbi]

شوف تبغى دورآت ! امسك كتب الثانوي وذآكر منهآ < جبت هرجة
كمآن آبشرك اسهل من الثانوي كمآن ! :) انبسط ب آجآزتك ولاحق ع الكرف

[~Me~]

المشاركة الأصلية كتبت بواسطة طموحه بالحيل وعليكم السلام اختي استمتعي بالاجازه وماشاء الله عليكي اتمنى حماسك يكون دايما كده روحي موضوع امل بخش تجربه طالبه طب وتلاقي كل حاجه اما جزاها الله خير ماقصرت اما عن معاهد وكده انا ماسمعت شي

ترا انا ذكر ولست بأنثى


ان شاء الله حروح

المشاركة الأصلية كتبت بواسطة marwan alharbi شوف تبغى دورآت ! امسك كتب الثانوي وذآكر منهآ < جبت هرجة كمآن آبشرك اسهل من الثانوي كمآن ! :) انبسط ب آجآزتك ولاحق ع الكرف

اها مشكور حبيبي


ياخي احسكم متناقضين ناس تقول صعبه ومدري ايش ولازم يكون أساسك قوي وناس اسهل من الثانوي

حيرتونا


ع العموم اصلا خلاص مابقي غير شهر خليني انبسط وبعدين يصير خير








---------------
يعطيكم العافيه

[samrona]

وعليكم السلام اخوي
شف هيا سهله للي يذاكر اول باول ويحضر ويستمع
وياخذ ملخصات ومتابع نفسو من البداية بتلاقي فيها
السهولة، لابد من اساسك حق الثانوي .
لكن بتلاقي دكاتره ان شاء الله يسهلو و يبسطو هيا مو
محتاجة لدورات محاضراتك تكفيك مع ملخصاتك
وعليك بالمنتدى والقسم ذا بتلقى كل شيء فيه
واسأل وقول كل اللي في نفسك لين توصل

+ نصيحة مني خصص يوم او يومين تدخل المنتدى
وتشيك عليه وتنزل الاسئلة وتحل > عن تجربه الحمدلله
والله يوفقكك ويعطيك على قد نيتك يارب :)

[picasso]

ما يحتاج لتهيئة ولا لسوفتوير < اها ههه

هي سهله لكن ضغط نفسي للي ما يعرف كيف ينظم وقته والي يسمع كلام الناس
الي دخل الطب والهندسه قال سهله ، والي دخل العلوم قال صعبة خخخخ =)
انت تحدد اذا سهله او صعبة باهتمامك وتنظيم وقتك ووجودك بالمنتدى واطلاعك
على تجارب الاعضاء وتصفح قسم الملخصات والمواضيع المميزة راح تعطيك
نقطة تحول تفيدك ، موفق يارب

[sheesha]

انا اقولك التحضيري ينطبق عليه *السهل الممتنع*
يعني اذا تذاكر محاظراتك الي خذيتها كل يوم
وتذاكر من اختبارات سنوات فاتت وتحاول تكتبت
كل كلمه ممهمه قالها الدكتوره
انا اضمن لك كرسي *بلهندسه والطب*
اما تذاكر خميس وجمعه حتقول الجامعه صعبه
وماحتقدر تمشي مع الدكتور
ف انصحك محاظره بمحاظره اول باول
مافي اسحب من محاظره او شي زي كذا
وبلتوفيق ياارب اتمنى تعدي السنه ذي لكم ع خير
وياررب تدخلو كلكم التخصصات الي تتمنوها
ملاحظه *اذا حسيت انك مو فاهم من الدكتور استعين ب الله ثم بمدرس خصوصي *

[نــورهـ]

و عليكم السلام و رحمة الله و بركاته ..

السنة التحضيرية و التخصصات بعد ما تنتهي منها بإذن الله مو صعبة لكن بالترتيب و التنظيم للوقت أهم شيء..

أهم شيء ما تغيب عن و لا محاضرة + الجدية و ماشاء الله واضح حماسك فإحرص على الاذكار و التحصين+ المذاكرة أول بأول و المراجعة الدائمة للترسيخ و الوقوف على نقاط الضعف..

انتبه من السلبيين و المحبطين كثيييييرين في الجامعة يجلس يقول صعب و مو فاهم و ما أعرف لكن تلاقيه مذاكر و حافظ لكن طبيعة في البعض شغلته ينشر السلبية , فأول ما تشوف كذا انسحب من محيط هالشخصيات ..

في بالك هدف معين فما يكون إهتمامك إلا بالدراسة, يقول ابن القيم ( لو هم أحدكم بإزالة جبل لأزاله) يعني الانسان إذا يبغى يوصل له شيء بقدرة الله يوصل..

من كان مع الله كان الله معه و من كان معه لن يخيب و سيحقق له كل مراد ..

التوكل على الله في كل صغيرة و كبيرة و حتى في كتابة اسمك على الورقة , اجعل كل أمر تفويضه لله تعالى + الدعـــاء ..

أكثر من الاستغفار و الصلاة على النبي عليه الصلاة و السلام أثرها مثل السحر و عن تجربة اكتب هذا الكلام, طول وقتك اذكر الله و مهما كانت الصعوبة ربي حيسهلها و يفتح عليك من حيث لا تعلم ..
تفضل ~
،،، لـقـطـات تـفـوق || كـلاكـيـت 1# || ،،،

مُمَيَّز|✿ لـقـطـات تـفـوق || كـلاكـيـت 2# ||

||طُـمـوحـات و همم تُعانق سماء المجد♥ :كُل ما يخص المعدل الجامعي:

مُبارك القبول و أدام الله حماسك و اجتهادك و تبشرنا بتحقيق هدفك ..

[نــورهـ]

.::][ وصـايــا تـمـنـيـت مـعـرفـتـهــا قـبـل الـمـرحـلـة الـجـامعـيـة ][::. ‏

بالتوفيق ..

[احمد ربيعة]

حبيبي بقلك تجربتي مع السنة التحضيرية

كان ياماكان في سالف العصر والاوان انه قدر اللله علينا وكنا فيران تجارب في كل شيء من تراكمي في التانوية الي سنة تحضيرية اول مره نسمع فيها وكانت 2009 دفعة 09 ودخلنا السنة التحضيرية وقلنا بنشد ونذكر ووووو المهم اول كم محاضره ماكنت مستوعب شيء وكلو انجليزي المهم من رياضيات الى فيزياء واحصاء ووو
قلنا الدكتور جيبو كتب من المكتبة واخذت اساميها ورحت المكتبة وانفجعت من كبر الكتاب وما شريت ولا كتب والله غير انجليزي وملخص رياضيات وعدا الترم الاول والترم الثاني نفس الشيء عدا بدون كتب >>> انا بصراحة ما حب القرايه هههههههههه , مالك في الطويلة وخلص التحضيري بعدل جيد جدا ودخلت كليتي وهاااا انا باقيلي اخر سنة واتخرج ومعدلي ولله الحمد اللهم لا حسد كويس جدا .....



المختصر المفيد لا تطولها وهي قصير هي نفس المواضيع الي اخذتها في التانوية بس انجليزي



دمتم بود