||هنا تجمع طالبات الانتظام لمناقشة الجداول والاستاذات(ف1)2014

[Loveless]

بنات الي سألوا عن د. ماجدة حسين ، أغلب البنات ما يمدحوها طبعًا بس أنا حأتكلم عن تجربتي بغض النظر عن أراء البنات !

بصراحة الدكتورة أبداً مهي سيئة و تعطيكي أكتر من حقك 100% في الدرجات ، بس لازم تذاكرو يعني تشدو حيلكم + التكاليف صح هي كتيرة 3 تكاليف و كلها بحوث و فيها مناقشة بسيييطة مو شيء يعني س و ج بس و الله قد تعبك تعطيكي ما راح تنقصك لو تعبانه فيه ..

بالنسبة للي قالت انها تطقطق على البنات كلامها صحيح بس بصراحة البنات يجيبوها لنفسهم يعني أذا انتي محترمة نفسك و ملتزمة الهدوء و ما تحاولي تتكلمي في الكلاس أو تسوي أي حركات ما راح تعلق عليكي الدكتورة ..

بالنسبة لأسئلتها : أختاري + عددي مع شرح + مصطلحات إنجليزي + مصطلحات تعريفات ..

و أنا أشوف أسلوب أسئلتها مره حلو بصراحة ..!! بالنسبة للعددي مع الشرح ما حا تطلب إلا فهمك يعني مهما كتبتي كلام أهم شيء ما تطلعي عن إطار الموضوع راح تاخدي الدرجة حقت السؤال ! عمرها ما طلبت قص و لصق زي بعض الدكتورات !! و أنا أشوف الشيء دا مره حلو !

و اللي قالت انها سجلت فسيولوجي معاها ، أحس أن الدكتورة بتبدع في المادة دي لأنها شرحها في فصل التشريح في المعرفي كان فظيع ما شاء الله ..

و توزيع الدرجات في صالحنا و تلغي أشياء كتير من المقرر .. فتجربتي كانت مع الدكتورة مره كويسة و سجلت معاها فروق دا الترم ^^

يعني لو كنتو في شعبتها و ما ناسبكم إلا وقتها لا تخافو الوضع مو سيء للدرجة دي بس شدو حيلكم شويه مو كل دكاترة القسم يسهلو و يمشو .. بصراحة في أسوأ بكتيييير في القسم -_- !