خريجه بإذن الله ساعدوني جزاكم الله خير

[طنط خضراء]

السسسلام علييكم ورحمة الله وبركاته

انا باقي لي مادتين بالحره والاختياري كيف اعرف ان اللي باقيتلي حره والا اختياريه
عشان انا برا جده ماقدر اروح للجامعه الاسبوع هذا واخاف تقفل الشعب مالحقها
ياليت احد يساعدني وكمان مادة البحث والتدريب مانزلتلي بالموقع

[D E E M]

المشاركة الأصلية كتبت بواسطة طنط خضراء السسسلام علييكم ورحمة الله وبركاته انا باقي لي مادتين بالحره والاختياري كيف اعرف ان اللي باقيتلي حره والا اختياريه عشان انا برا جده ماقدر اروح للجامعه الاسبوع هذا واخاف تقفل الشعب مالحقها ياليت احد يساعدني وكمان مادة البحث والتدريب مانزلتلي بالموقع

شوفي حبيبتي
ما فرقت سواء حره و لا اختياري
لان لمن رحت الجامعه الترم اللي فات
كان عندي حره و اختياري
ابى اضيف حره قالت عادي اختاري من الاختياري
و ابى اختياري قالت عادي ضيفي من الحره
مخولتني و ضيعتني المهم انه بالنهايه قالت لي روحي برا
في جدول للمواد هي نفسها اختياري و حره اختاري منها و تعالي

انتي بحكم ما يمديك تنزلي الجامعه اختاري من اللي مكتوب بالاودس من بدري نصيحه
و اول ما يفتح الحذف و الاضافه ضيفي ، لو ما انضافت اعرفي انو لازم تروحي الجامعه تضيفي منها

البحث و التدريب ما تنزل و لا تضيفيها من الاودس
لازم تضربي مشوار للجامعه و تضيفيها من هناك
و نصيحه من يوم يفتح الحذف و الاضافه طيري ع الجامعه و ضيفيها
انا هذا اخر ترم لي الحمدلله ، الترم اللي فات ابى اخذها ماقدرت
بسبب راح الوقت عليها و انا احوس بالاودس و اسئل لين عرفت انها تنضاف من الجامعه
و لمن رحت طارت عليا الاستاذه اللي اباها و في غيرها ماباها
بس بإذن الله باخذ عند الاستاذه اللي اباها ( استعودتها الله انها تكون لي )



و بس حبيبتي