جدول مستجد هام

[سعدون07]

السلام عليكم ..
انا طالب مستجد .. وهذا جدولي
معمل كيميا
معمل فيزيا
تفاضل وتكامل
فيزيا
اقتصاد هندسي
تصميم هندسي

صراحة مادري هل الجدول سهل ولا صعب ، واقتراحاتكم للحذف والاضافة وشكراً

[na07]

اقترح عليك تضيف ثقافة اسلامية ويكون جدولك 17 ساعة وشيء طيب

[سعدون07]

ما تعتقد ان التصميم والاقتصاد والتفاضل والفيزيا مع بعض فيها صعوبة ؟ وش احذف ؟

[خطة أ]

رياضيات وفيزياء وتصميم هندسي ؟؟!

انا اشوف انها صعبة مع بعض لكن كل شيء يعتمد على حسب مستواك
في طلاب ياخذونها وينجحون ويجيبون درجة محترمة فيها كمان

[C0DEX]

المعامل الكثير تعب حتى ولو كانت سهلة ... المعمل الي يحتاجله شوية جهد وتركيز معمل فيزياء 202 والباقي عادي .. ومثل ما قال الاخ na07 اشوف انك تنزل ثقافة او عربي

جدولك لو نزلت العربي حيكون 18 ساعة لكنها في الحقيقة كأنه 13 ساعة .. عشان يتوازن جدولك ويكون عندك مواد من ابو a+ وتمسكلك معدلك اكثر .. بس طبعا مو تنزل العربي او الثقافة وتهملها لأنها ممكن تطيحك برضو

كل طالب على حسب قدراته ... يعني انا اشوف جدولك متوسط الصعوبة .. وبخصوص التصميم سوي حسابك ان المادة بتاخذ منك وقت كثير على قرابة ما تبدأو تشتغلو في المشروع

فلازم مذاكرتك تكون اول بأول في باقي المواد

[C0DEX]

ماث 202 وفيزياء 202 هذولا مذاكرة اول بأول لو انك تبغى a وفوق

المواد مو صعبة الا لو اهملتها .. ولازم تمرين مستمر فيهم

[اكوس نفرر]

جدولك حلو بس المعامل كثيرة

انصحك تحذف معمل الفيزيا وتضيف ثقافه او عربي

بس اهم شي تذاكر اول ب اول عشان لا تتجمع عليك في النهايه مع مشروع التصميم الهندسي

[zelme]

رايي تحذف الفيزياء 202
جدولك كرف خاصة مع التصميم وكرف من ناحية الدوام لان عندك معملين
وضيف معهم عربي ويصير الجدول 14 ساعة
وبما انك اول ترم فرايي انه مناسب جدا لك باذن الله

[marwan bazhair]

الصراحة جدولك تكسير عظام
انصحك احذف الفيزيا او الماث