سؤال عن اختبار المواد المحمولة ..(عنوان مبهم تم تعديله)

[احلام بريئه]

السلام وعليكم ورحمة الله وبركاته
عندي سوال مهم بالنسبه لي امس جاتني وحده
وتقول المواد اللي حملتيها اختبارها الاسبوع الجاي
واحسه سوال غبي بس شتت عقلي اخاف يكون كلامها صدق
ابي اسال المواد اللي رسبت فيها متى اختبرها
راسبه في مادتين من الترم الاول

[ماجد قرشي]

الاختبارات اللى ذكرتها لك الاختبارت البديلة اللى تبداء من اليوم هذي للى قدموا اعذار عن عدم حضورهم للاختبارات الترم الماضي وقبلت الجامعة عذرهم

نزل لهم اختبارات بديلة للمواعيد اللى فاتت عليهم

اما انتي راسبه اذا تخصص تظيفينها الحين لو حابه في الحذف ولا اضافه وتختبرينها نهايةالترم

اذا باقي تحضيري انهيتى ترم الترم الثاني ينزل لك جدول الترم الثاني

والمواد الى رسبتي فيها تدرسينها في التخصص من الترم الثالث

[mesho.ksa]

المشاركة الأصلية كتبت بواسطة احلام بريئه السلام وعليكم ورحمة الله وبركاته عندي سوال مهم بالنسبه لي امس جاتني وحده وتقول المواد اللي حملتيها اختبارها الاسبوع الجاي واحسه سوال غبي بس شتت عقلي اخاف يكون كلامها صدق ابي اسال المواد اللي رسبت فيها متى اختبرها راسبه في مادتين من الترم الاول

وعليكم السلآم ورحمة الله وبركآته

اذا نزل اسمك من ضمن الي عندهم اختبارات بديلة رآح يكون اختبارك معهم

اما غير كذآ مارح تختبري الا اذا سجلتي المادة بجدولك


يعني لما تسجلي المادة الي حملتيها رآح تدرسيها وتختبريها

[احلام بريئه]

تيب من وين اشوف الاسماء الله يسعدك

[nour al3mr]

الله يسعدك أختي لا تخآفي
بسألك أول : هل المواد ما اجتزتيها بسبب أنك ما حضرتيها و قدمتي العذر للجامعة و رمز المواد عندك At ؟ ~> ( هذا هو الإختبار البديل و اللي فيه كشف بأسماء الطالبات و اللي قصدته لك اللي جآتك و كلمتك )

أم هل دخلتي اختبار المواد و لما ظهرت النتائج طلعتي ما أجتزتيها لأن درجتك أقل من 60 بالتالي أخذتي F ~> ( هذا اللي قصدوه الكرآم أعلاهـ أنك تنزلي المواد ( الترم الجديد هذا لو تبغي و ممكن تأجليها لأي ترم بالتخصص) ، من خلال أيقونة الحذف و الإضافة و تختبريها نهاية الترم )

[احلام بريئه]

ويسعدك كمان يارب
لا اختي انا ماقدمت عذر واختبرت بس مانجحت الترم الاول بمادتين
يعني فهمت من الكلام انها تنزل مع التخصص اذن الحمدالله اهم شي ماني الاسبوع الجاي
تسلمون على الرد الله يعطيكم العافيه يارب

[ماجد قرشي]

المشاركة الأصلية كتبت بواسطة احلام بريئه تيب من وين اشوف الاسماء الله يسعدك

هدى الأسماء أختي

http://www.skaau.com/vb/attachment.p...1&d=1375341648