الماستر للتخصصات العلميه

[battota]

مرحبااااااا

ممكن اعرف شروط دراسه الماستر بالجامعه للتخصصات العلميه ...وهل يطلبوا فقط اختبار الستيب ؟ولا

[بيو كيميائية ^_^]

إن كنتِ تقصدين كليتكم فلا مو بس ستيب

قدرات كمان و لازم تجيبي 85 و فوق عشان تضمنين القبول

لكن لو تستفسري لأحد غيرك

فالكليات العلوم و الطبية و الهندسة و أي كلية فيها إختبار مفاضلة فيعني بس ستيب قدرات غير مطلوب

و إدخلي موقع الجامعة العمادة للدراسات العليا البرامج المتاحة و شوفي برنامجك ايش شروطه لكل قسم شروط مختلفة

[battota]

اهاااا اوووووووك مشكوره :)

[battota]

بس وحده من البنات كتبتلي انوو الاقسام العلميه طالبين بس اختبار الستيب ....الحمد لله

[بيو كيميائية ^_^]

ايوا الأقسام العلمية أنتوا مو من الأقسام العلمية بالأحرى ماتعتبرون فعليًا من الأقسام العلمية

و إذا مو مصدقة دخلي بنفسك شوفي موقع عمادة الدراسات العليا البرامج المتاحة و إختاري مثلًا إدارة أعمال أو أي تخصص من عندكم و شوفي

و وحدة قالت ماهو مصدر الواحد ياخذ منه و عيب أكون جامعية و أقول وحدة قالت لو تروحين لدكتورة تقولين لها كذا راح تفشلك لأن ماهو مصدر موثوق

لازم الواحد يتعلم يشوف بنفسه قبل ما يسأل لأن الإجابات كلها موجودة في الموقع بس ماحد يتعب نفسه و يقرأ إلا القليل طبعًا :)

و هذا الموقع تسهيلًا لكِ

http://graduatestudies.kau.edu.sa/co...g=AR&cid=98743


بالتوفيق

[battota]

عزيزتي هذا كلام وحده مو معناه خلاص ما راح اروح واسال بنفسي او حشوف الموقع,,,,

وكتير قالوا كمان انو غالبا فقط ستيب لتخصصنا مو قدرات ,,,,

وحبيبتي احنا من الاقسام العلميه الفعليه ,,,

وتسلمي عالرابط دخلت شفت متلا اداره اعمال لانو مافي موارد بشريه ....مو حاطين المطلوب غير انجلش وشغلات تانيه

مشكوره ,,,,,

[بيو كيميائية ^_^]

صدقي الناس و إقري غلط و لا تختبرين و مايهمني أصلًا

بس لكن وقت التقديم لا تجين و تكتبين موضوع ليش ماتتطلع لي الرغبات بكل بساطة لأن ماعندك درجة قدرات

ثانيًا لو إنك فعلًا دخلتي و حطيتي إدارة أعمال مثل ماقلتي كان شفتي مكتوب عند خانة القدرات مطلوب

و عندك من اللي إنقبلوا السنة نيران روح سأليها أو إبحثي في مشاركاتها راح تشوفي إنها إختبرت قدرات

و كمان إدخلي على تجمعات تخصصات الإدارة و الإقتصاد سواءً عام أو خاص كلهم كان مطلوب القدرات

مو عيب تعترفي بغلطك و ترا يعني ماحد راح يخسر غيرك لأن لا أنا و لا غيري يهمه دخلتي ماستر أو ما دخلتي أنتِ بس اللي يهمك هذا مستقبلك أنتِ

و للعلم أنا توني دخلت و شفت كل التخصصات قلت يمكن أنا غلطانة لكن للأسف طلعوا كلهم مطلوب قدرات و ستيب و بعض التخصصات تقبل دورة بديلة

المهم أنا عملت اللي علي و أنتِ بكيفك بتختبرين ما تبين كيفك

و إنتهى النقاش خلاص

[battota]

^

ايوه طبعا مستقبلي أناااا .....
انتهى النقاش فعلاا معاكي ,,,بس نصيحه لو حابه تساعدي مره تانيه ساعدي باسلوووب حتى لو تكرر كلامك واجابتك للسائل مره واثنين وثلاث او بلاش من اساسوو

موفقه عزيزتي