قدمت استقالة من العسكرية وانا هذه اخر سنة لي في الجامعة

[عبدالرحمن الزبيدي]

السلام عليكم
اول شي اذا ماتقدر ترجع عملك الله يعوضك اللي خير منه.. واذا تقدر تسوي اعاده فهو خير لك لان لو خلصت ممكن تقعد سنه اوسنتين ماتحصل وظيفه،،وممكن تحصل اول ماتخرج لان هذي ارزاق من الله سبحانه لايتحكم فيها نظام او قرار...
انت كانت خطتي اول ما اتحرج افصل من العمل،لكن هديت اللعب شوي والترم هذا بإذن الله راح اتخرج، فكرت فيها طيب لو تخرجت وما حصلت وظيف وش اسوي خصوصاً اللي متزوج وعنده اولاد من وين بيصرف عليهم لان زي ما انتم عارفين اغلب الشعب اجار واقساط ومصاريف الخ...
وبرضه قلت لو قدر الله توفيت في الفتره اللي فاصل منها من العمل راح احرم اولادي من التقاعد، عارف ان الله الارزاق بيد الله لكن العمل بالاسباب واجب،، وخاصةً بقرارت صعبه شوف اسوء احتمال ممكن بيحصل لو ماراح يظرك اقدم عليه طبعا بعد استخارة الله عزوجل،،، وما انظر نظرة تشاؤم لكن الواحد اذا كان مسؤل عن ناس لازم يفكر فيهم قبل مايفكر بنفسه، ومايمنع انك تدور وظيفه وانت ع راس العمل ،، وطبعا الكلام هذا يعتمد ع ظروف الواحد الماليه اذ كان والله ولد نعم يسحب ع ام امهم خصوصا اذا كان عسكري وانا كان كلامي اللي اموره ماشيه ع راتبه.
هذي اخي الكريم وجهة نظري وقد بعض الناس يختلف معي وجميع القرارات عائده لك.
واسأل الله ان يوفقك في كلا الدارين