طريقة حساب النسبة الموزونة !!

[~Me~]

السلام عليكم ورحمة الله وبركاته


كل ما سألت واحد ايش الطريقه يقولي هرجه


دحين في حاجتين سمعتها قولولي إيش الصح فيهم المشكله سمعتها من أكثر من واحد وناس أتخصصو العام الي فات بس كلامهم مختلف


في ناس تقول

طبعاً انا ابغى هندسة

فيقولو إنو أهم شي تجيب في الفيزياء والرياضيات والانجليزي b+ < وفي ناس تزود معاهم الاحصاء وفي ناس تقول الانجليزي بس 4 يعني إشاعات إلين الليل

بعد كذا المنافسه على المعدل العام لكل المواد




القول الثاني إنو

المنافسة كلها تكون على الفيزياء والرياضيات والانجليزي < وفي ناس تزود معاهم الاحصاء وفي ناس تقول الانجليزي بس 4 يعني إشاعات إلين الليل

وباقي المواد مره مالها شغل !!

-------------------------------


قولولي أصدق مين والاحصاء معانا ولا لا وليفل 4 بس ولا كل الانجلش !!


وبس أنتظركم

أتمنى محد يجاوب إلا المتأكد 100% والأفضل يكونو دفعه 13 مو الأقدم عشان يمكن أتغير النظام ولا شي

[m7md1415]

انا من دفعتك بس متأكد من كلامي 100%

اول شرط عشان تخش المفاضلة تجيب في الرياضيات والاحصاء والفيزيا والانجلش كل المستويات b+
( النظام القديم بس ليفل 3 و4 ) بس الحين كل المستويات

بعد ماتجيب b+

تخش المفاضلة ( المنافسة على مقاعد الكلية )
عن طريق النسبة العامة ( مو ابو 5 من 5 ) تكون من 100 ( النسبة الموزونة اسمها ) ولها طريقة في الحساب

وبس ، ان شاء الله افدتك

( انا متأكد من معلوماتي بس انتظر اعضاء الدفعة 13 يأكدو كلامي او لأ ، اسأل مجرب افضل بس حبيت افيدك ) ان شاء الله انه صح

[Noce]

المشاركة الأصلية كتبت بواسطة m7md1415 انا من دفعتك بس متأكد من كلامي 100% اول شرط عشان تخش المفاضلة تجيب في الرياضيات والاحصاء والفيزيا والانجلش كل المستويات b+ ( النظام القديم بس ليفل 3 و4 ) بس الحين كل المستويات بعد ماتجيب b+ تخش المفاضلة ( المنافسة على مقاعد الكلية ) عن طريق النسبة العامة ( مو ابو 5 من 5 ) تكون من 100 ( النسبة الموزونة اسمها ) ولها طريقة في الحساب وبس ، ان شاء الله افدتك ( انا متأكد من معلوماتي بس انتظر اعضاء الدفعة 13 يأكدو كلامي او لأ ، اسأل مجرب افضل بس حبيت افيدك ) ان شاء الله انه صح

الإنجليزي لازم b+ في كل ليفل ولا في طريقة ثانية ؟

[AoDi]

ما يهم كم جبت في كل مادة "لأانهم يبغوا النسبة أو المتوسط لكل المواد"
يعني (المجموع الكلي/مجموع درجات كل المواد على)×100

و

يعني انت تدرس 7 مواد

مجموع درجات الطالب 588

المجموع الدرجات المفترض 700

588÷700=0.84
0.84×100=84 هادي النسبة الموزونة

[~Me~]

طيب في هذي الصوره النسبة مختلفة من تخصص لتخصص إيش السبب !!

[m7md1415]

النسبة الخاصة تقصد ؟ دي نسبة المواد اللي محددة في كل كلية فتختلف لان المواد المطلوبة مختلفة فدرجاتك فيها حتختلف ...
مثلا الطب طالبين تجيب 85 وفوق في الاحياء والكيمياء والفيزياء والانجليزي ، فلما تجمع درجاتك في دي المواد وتطلع النسبة مثلا 88 على حسب درجتك فيها
والهندسة يبو 85 في الاحصاء ودي المواد فدرجاتك في دي المواد تجبلك نسبة 90 مثلا فحتختلف ...

اما النسبة الموزونة لكل المواد ونسبتك فيها ماتتغير بعكس النسبة الخاصة لان كل كلية لها مواد غير ، بس نسبة اقل موزونة انقبلت للطالب تختلف .. هذا يعني مثلا في كل كلية قدرة استيعابية مثلا يقبلو 130 طالب في السنة .. فالنسب المختلفة هي نسبة اقل طالب انقبل .. يعني ياخدو افضل 130 طالب للي قدمو على دي الكلية

مثال للتوضيح / كلية تقبل بس 3 طلاب ، واللي قدمو 5 طلاب .. نسبهم ، 95 80 90 85 88

ياخذو اعلى 3 ( 95 90 88 ) ، فحيكتبو في الجدول 88 .. يعني عند دا الطالب انتهت المقاعد في الكلية ووقف القبول ( تبينلك شطارة الدفعة والطلب ع التخصص وصعوبة دخوله )


عشان كذا دايم الطب في الجدول تلقاه عاالي ، لان يقبل طلاب قليل وفي نفس الوقت كلهم تلقاهم ادفر طلاب في الدفعة ونسبهم فوق 90 لدرجة اقل واحد في الصورة جاب 94 ، ماشاء الله فما بالك بأول واحد انقبل هههه

ان شاء الله فهمت سؤالك و وضحت

[~Me~]

المشاركة الأصلية كتبت بواسطة m7md1415 النسبة الخاصة تقصد ؟ دي نسبة المواد اللي محددة في كل كلية فتختلف لان المواد المطلوبة مختلفة فدرجاتك فيها حتختلف ... مثلا الطب طالبين تجيب 85 وفوق في الاحياء والكيمياء والفيزياء والانجليزي ، فلما تجمع درجاتك في دي المواد وتطلع النسبة مثلا 88 على حسب درجتك فيها والهندسة يبو 85 في الاحصاء ودي المواد فدرجاتك في دي المواد تجبلك نسبة 90 مثلا فحتختلف ... اما النسبة الموزونة لكل المواد ونسبتك فيها ماتتغير بعكس النسبة الخاصة لان كل كلية لها مواد غير ، بس نسبة اقل موزونة انقبلت للطالب تختلف .. هذا يعني مثلا في كل كلية قدرة استيعابية مثلا يقبلو 130 طالب في السنة .. فالنسب المختلفة هي نسبة اقل طالب انقبل .. يعني ياخدو افضل 130 طالب للي قدمو على دي الكلية مثال للتوضيح / كلية تقبل بس 3 طلاب ، واللي قدمو 5 طلاب .. نسبهم ، 95 80 90 85 88 ياخذو اعلى 3 ( 95 90 88 ) ، فحيكتبو في الجدول 88 .. يعني عند دا الطالب انتهت المقاعد في الكلية ووقف القبول ( تبينلك شطارة الدفعة والطلب ع التخصص وصعوبة دخوله ) عشان كذا دايم الطب في الجدول تلقاه عاالي ، لان يقبل طلاب قليل وفي نفس الوقت كلهم تلقاهم ادفر طلاب في الدفعة ونسبهم فوق 90 لدرجة اقل واحد في الصورة جاب 94 ، ماشاء الله فما بالك بأول واحد انقبل هههه ان شاء الله فهمت سؤالك و وضحت

طيب المنافسه تتم عن طريق النسبة الخاصه ؟

[m7md1415]

لا ، العامة ، كل درجات المواد

الخاصة يعتبر شرط للدخول للكية ، اذا حققت الشرط تنقبل جزئي .. وبعدها يتنافسو على المقاعد عن طريق النسبة العامة
لانه النسبة الخاصة سهلة نسبيا للي يبغى طب مثلا فمو معقول يقبلو كل الدوافير فخلوها منافسة على كل الدرجات والمواد

بالعربي حاول ماتنقص في ولا مادة ، كل درجة تفرق وامورك في السليم