اختبار الصحة النفسيه مع الدكتور قطب ... اللي معاه تدخل ..

[دلع غربي]

السلام عليكم ..

بنات ايش رايكم في الاسئلة .... بالله مو تقهر .. وربي فيه كثير بنات سلموا الورق قبل لا يصححوا بعض الاسئلة في النماذج ..
عني في سؤال كان محيرني اللي كنت متأكده انو غلط حق الضلالات والهلاوس هي ليست من ....
مارضيت اقتنع لانو الفصام هو الصح والباقي هم اللي ماينطبق عليهم الوصف ..
لمن سألت وقلت السؤال مفروض تكون صيغتة غير .. قالت لي لا .. اختاري الانسب .. خييييييييييييييير
شكلها كانت تحسب اني ابغاها تغششني..
اي انسب وهم اصلا ولا واحد من اعراضه الهلاوس غير الفصام ..
كمان فيه سؤال جنني عدم التوافق المدرسي مترتبه على .. ايش .. الهروب من المدرسة ولا العدوان ؟؟؟؟

مشي حالك .. يارب انه يكنسل الاسئله المتضاربه ..

نموذجي ب .. اتحفونا

[إيمان بن سليم]

بالفعل كانت الاسئله محيرة
لانها تحتمل اكثر من اجابه

[وسوونه]

انا نمودج ب
الهلاوس والضلالات ليست من اعراض .....الانفصام الهستيريا الصرع ؟
ولما سالت الاستاده قالت انتي تعرفي قلت لها هي من اعراض الانفصام قالت خلاص اجل جاوبي
كيف اجاوب وهو كاتب ليست

[وسوونه]

انا طلعت نص الوقت ماقدرت اتحمل البرد في القاعات مع انو لابسه كويس بس انا ماتحمل احس حتى دماغي يتجمد
والمفروض لو انو غلط في طرح الاسئله انو يلغيها ايش دنب البنات اللي طلعو بدري حرام والله كنت مداكره الماده كويس وتوقعت اجيب ال100 بس الله يعين
ياريت ماتكون اسئله عادل عبدربه نفس الشي في الفسيولوجي لانو حتى هو اسئلته مايمدحوها يحب الف والدوران

[حياااااة]

بالعكس الاسئله كانت مره تجنن وواضحه وسوال الهلاوس والضلالات الاستاذه قالت شيلوا كلمة ليست لان السوال الضلالات والهلاوس من اعراض... الجواب سواء بكلمة ليست أو بدون هيا من اعراض الفصام انا نموذج د وجالي نفس السوال الله يوفق استاذ قطب مره حتي بالخيارات مو متوهنا عكس الاساتذه الباقين

[~*~ ملكة الليل ~*~]

انا عن نفسي الاغلبية ممتازة , نموذجي ج

بس في فقرات فعلا كانت تتهوه

الاسئلة الي حيرتني

من اسباب التاخر الدراسي

اسباب وجدانية وجسمية وعقلية واجتماعية

بالله كلها صح ايش اختار !!!

والسؤالي التاني الي نرفزني فيه

من الطرق والفنيات التي تستخدم في التحليل النفسي

التداعي الحر و تفسير الاحلام و العلاج السلوكي و العلاج الجماعي

بالله عليكم كيف ينحل دا 2 صح و2 غلط

ايش اختار اصلاا

اذا ظلمنا في الاسئلة الله ففوق وبس

وعلى فكره انا رسلتلو على االايميل وشرحت له كدا فقرة وكيف اجابتها

عشان فيا نار تحرقني وابغا اعرف ليه كدا كان في لخبطة وانا داخله الاختبار وواثقه ثقه عمليه اجيب اقل شي 96

الحمدالله بس

[دلع غربي]

المشاركة الأصلية كتبت بواسطة وسوونه انا نمودج ب الهلاوس والضلالات ليست من اعراض .....الانفصام الهستيريا الصرع ؟ ولما سالت الاستاده قالت انتي تعرفي قلت لها هي من اعراض الانفصام قالت خلاص اجل جاوبي كيف اجاوب وهو كاتب ليست

لا ياقلبي قالت شيلوا ليست .. بس بعد ايش بعد ماطلعوا البنات هذا شئ ..
والشئ الثاني اني لمن سألت استاذه الماده اللي قبلها قالت لي اختاري الانسب ..
من جد قروشه

[دلع غربي]

المشاركة الأصلية كتبت بواسطة حياااااة بالعكس الاسئله كانت مره تجنن وواضحه وسوال الهلاوس والضلالات الاستاذه قالت شيلوا كلمة ليست لان السوال الضلالات والهلاوس من اعراض... الجواب سواء بكلمة ليست أو بدون هيا من اعراض الفصام انا نموذج د وجالي نفس السوال الله يوفق استاذ قطب مره حتي بالخيارات مو متوهنا عكس الاساتذه الباقين

الله يوفقه ماقلنا شئ .. بس انه يلخبط اوم الدنيا علينا لا ..
انا ماعندي مشكله الاسئله حلوه لانوا مذاكرين .. الحمد لله بس طريقة وضع الاسئلة والخيارات دوختنا ..
ادري انها من اعرض الفصام ..
بعدين كيف تعرفي انو يبغاها فصام وحاط ليست ؟؟؟؟
طيب اوكي امنا بالله وصرنا عباقره وحطينا الجواب الخطأ على حسب السؤال والصح على حسب المنطق ؟؟
طيب لمن يجيك سؤال يقولك يصيب الفصام من هم (( يقصد الاعمار )) ....
وحاط لي خيرات مو موجوده في الكتاب + انه حاط الفئة العمريه للوسواس القهري ؟؟؟؟؟؟ من وين اجيب الجواب انا ..
وابدا ابدا من حاط من 10 - 35
وكمان في حكايه اهم خطوه في العلاج النفسي الحديث ..
هذي المعلومه مو موجوده ابدا .. الي موجود انها تعداد فقط .. الصراحه كنت بحط التشخيص .. بس تراجعت وحطيت الوقايه .. ويمكن تكون الارشاد
وتستمر حكاية الحيره ..

وحسبي الله وكفى

[دلع غربي]

المشاركة الأصلية كتبت بواسطة ~*~ ملكة الليل ~*~ انا عن نفسي الاغلبية ممتازة , نموذجي ج بس في فقرات فعلا كانت تتهوه الاسئلة الي حيرتني من اسباب التاخر الدراسي اسباب وجدانية وجسمية وعقلية واجتماعية بالله كلها صح ايش اختار !!! والسؤالي التاني الي نرفزني فيه من الطرق والفنيات التي تستخدم في التحليل النفسي التداعي الحر و تفسير الاحلام و العلاج السلوكي و العلاج الجماعي بالله عليكم كيف ينحل دا 2 صح و2 غلط ايش اختار اصلاا اذا ظلمنا في الاسئلة الله ففوق وبس وعلى فكره انا رسلتلو على االايميل وشرحت له كدا فقرة وكيف اجابتها عشان فيا نار تحرقني وابغا اعرف ليه كدا كان في لخبطة وانا داخله الاختبار وواثقه ثقه عمليه اجيب اقل شي 96 الحمدالله بس

مدري اصلا مين اللي حاط الاسئله .. لانو كل شوي يدخلوا علينا .. ويغيروا الاسئله ويححوا فيها .. اما انا مانزلت الين ما تأكدت انو السؤال اللي كان مطفشني فاهمته صح ..
بس مو قاهرني اللي هذيك اللي تحسب اني ابغاها تغششني .. خير تقولي الانسب .. يادكتوره ترى بس من اعراض الفصام ولا تبغيني انا اشرح لك المنهج ؟؟
شئ يرفع الضغط