القبول في كلية الهندسة للبنات

[M7mmd.Y]

وعليكم السلام ورحمة الله وبركاته،،

المشكلة ان نظامكم مختلف عن عندنا الأولاد، فـ ما اقدر افيدك ذاك الشيء

الفيزياء والانجليزي المستوى الرابع والماث، يكون متوسط درجاتهم 80% (( مو متأكد لكن سمعت اضافو الاحصاء؟ ))

يعني مو كل مادة بحد ذاتها

تجمعي درجات هذي المواد وتقسميها على عددها، وهذي هي النسبة الخاصة للقبول في الكلية، ولو ما اتحققت لا قدر الله ما تنقبلي

وبرضو معناه انو لو لا قدر الله خبصتي في مادة، ممكن ترفعي نسبتك في مادة ثانية

وبعدها تبدأ المفاضلة بين الطلاب بالنسبة العامة، احنا الأولاد ما تكون عالية مرة، يعني القبول يكون مو صعب

لكن النظام عندكم اكيد مختلف، لأنهم يقبلو اعداد قليلة

،

النسبة العامة للقبول تكون مبنية على مستوى الدفعة، هي غير محددة

،

الكراسي عندنا الأولاد حتزيد عشان "هندسة موازي"، كان بس انتظام ودحين حتزيد بسبب الشي دا

احتمال نفس الشي عندكم يصير بس بعدد كراسي محدود، ولو صار انه فتحو لكم تخصصات زيادة في الكلية اكيد الكراسي حتزيد

بالتوفيق