احتساب المعدل النسبي الموزون

[Bodor]

المشاركة الأصلية كتبت بواسطة علي محمد الشهري الأحياء = 60 الكيمياء = 76 الفيزياء = 73 انجليزي 2 = 90 انجليزي 3 = 75 انجليزي 4 = 64 ــــــــــــــــــــــــــــــــــــــــــــ إذاً : النسبة الخاصة لكلية الطب هي : ( 60×3 ) + ( 76× 3 ) + ( 73×3 ) + ( 90×2 ) + ( 75× 2 ) ( 64× 2 ) = ( 1085 ) ÷ 15 = 72.333 % . ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ وبالتوفيق

يعني مايطلو ف كل درجة حقت مادة من المواد المطلوبه ف الكليه لوحدها .. بس يشوفو المعدل الخاص دا !!

يعني لو جبت العيدي ف مادة والباقيين كلهم ف السليم .. والمعدل زي منتا كاتب حسبتو وطلع كويس .. يعني تمام ولا !!


رد عليا وفرج كربتي ههههه :")

[x3bade]

بالنسبة للي يقول انو "النسبة الخاصه هوا شرط فقط وتتم المفاضله بالنسبه العام"
هل انت متأكد من كلامك
لأنو انا الي اعرفو انو يشوفو المعدل اولا الي هوا من 5 وتتم المفاضله بالنسبة الموزونه
وهدا رابط جاوب عليه مشرف منتدى جامعة الملك عبدالعزيز إلي إأكد كلامي
http://forum.kau.edu.sa/vb/caoaee-ca...encssai-13884/

[Yasmina95]

المشاركة الأصلية كتبت بواسطة bodor يعني مايطلو ف كل درجة حقت مادة من المواد المطلوبه ف الكليه لوحدها .. بس يشوفو المعدل الخاص دا !! يعني لو جبت العيدي ف مادة والباقيين كلهم ف السليم .. والمعدل زي منتا كاتب حسبتو وطلع كويس .. يعني تمام ولا !! رد عليا وفرج كربتي ههههه :")

ههههههههههه
المواد كلها تنسحب اللي جبتي فيها العيد واللي ما جبتي فيها العيد

ما يأخذوا الأربعة دولا بس..!! ياخدوا جميع المواد (النسبة العامة) عشان تنسكني بالكلية

[Yasmina95]

المشاركة الأصلية كتبت بواسطة x3bade بالنسبة للي يقول انو "النسبة الخاصه هوا شرط فقط وتتم المفاضله بالنسبه العام" هل انت متأكد من كلامك لأنو انا الي اعرفو انو يشوفو المعدل اولا الي هوا من 5 وتتم المفاضله بالنسبة الموزونه وهدا رابط جاوب عليه مشرف منتدى جامعة الملك عبدالعزيز إلي إأكد كلامي http://forum.kau.edu.sa/vb/caoaee-ca...encssai-13884/

ايوه متأكدة
المعدل ماله دخل وسالت ناس تخصصوا طب وانقبلوا يقولوا المعدل ماله دخل

وعلى فكرة الولد اللي سال تراه ادبي و اللي رد عليه مهندس
يمكن في الهندسة ياخدوا بالمعدل ،،، بس صاحبة الموضوع هنا بتتكلم عن الطب

[Bodor]

المشاركة الأصلية كتبت بواسطة yasmina95 ههههههههههه المواد كلها تنسحب اللي جبتي فيها العيد واللي ما جبتي فيها العيد ما يأخذوا الأربعة دولا بس..!! ياخدوا جميع المواد (النسبة العامة) عشان تنسكني بالكلية

مافهمت .. معليش فهميني .. 😁

[Yasmina95]

يعني اول شيء مو اسمها المعدل الخاص اسمها "النسبة الخاصة"
تاني شيء النسبة الخاصة تأخذيها من: الأحياء ، الكيمياء ، الفيزياء ، الانجليزي بجميع مستوياته ماعدا الاول
انني سألتي "هل يشوفوا المعدل الخاص ده؟" أجاوبك و أقولك يشوفوا النسبة الخاصة دي عشان تدخلي في المفاضلة فقط
ولمن تتسكني ياخدوا النسبة العامة ، النسبة العامة هي زي الخاصة لكن تأخذي جميييييع مواد التحضيري مو بس الأربعة مواد زي الخاصة!
يعني حتاخدي جميع مواد خطة أ وٓ ب والإنجليزي بجميع مستوياته ماعدا الاول
ياخدوا هدي النسبة العامة ويعبو اعلى 200 نسبة عامة على 200 مقعد

و سؤالك الثاني "لو جبت العيد في مادة والباقين كلهم سليم ، والمعدل زي ما أنتا كاتبوا كويس ، يعني تمام ولا لا؟"

لو جبتي العيد في مادة الحاسب مثلا ، و جميع المواد الباقية سليمة مارح يؤثر بالنسبة الخاصة اللي هيا فيزياء وكيمياء وإحياء وإنجليزي
لانو لاحظي الحاسب مو داخل بحساب النسبة الخاصة

لكن حيتأثر النسبة العامة لان النسبة العامة داخلة فيها جميييييع المواد بما فيها الحاسب
مما حيتؤثر بقبولك بالطب ..!!

اتمنى تكوني فهمتي ..!!

[حمودي813]

عندي سؤال الاحصاء داخل في النسبة الخاصه الهندسه ولا لاني قريبي تخصص السنه هذاي يقول مافيه طلاب

[Yasmina95]

^

الإحصاء داخل في النسبة الخاصة و العامة

[علي محمد الشهري]

المشاركة الأصلية كتبت بواسطة yasmina95 يعني اول شيء مو اسمها المعدل الخاص اسمها "النسبة الخاصة" تاني شيء النسبة الخاصة تأخذيها من: الأحياء ، الكيمياء ، الفيزياء ، الانجليزي بجميع مستوياته ماعدا الاول انني سألتي "هل يشوفوا المعدل الخاص ده؟" أجاوبك و أقولك يشوفوا النسبة الخاصة دي عشان تدخلي في المفاضلة فقط ولمن تتسكني ياخدوا النسبة العامة ، النسبة العامة هي زي الخاصة لكن تأخذي جميييييع مواد التحضيري مو بس الأربعة مواد زي الخاصة! يعني حتاخدي جميع مواد خطة أ وٓ ب والإنجليزي بجميع مستوياته ماعدا الاول ياخدوا هدي النسبة العامة ويعبو اعلى 200 نسبة عامة على 200 مقعد و سؤالك الثاني "لو جبت العيد في مادة والباقين كلهم سليم ، والمعدل زي ما أنتا كاتبوا كويس ، يعني تمام ولا لا؟" لو جبتي العيد في مادة الحاسب مثلا ، و جميع المواد الباقية سليمة مارح يؤثر بالنسبة الخاصة اللي هيا فيزياء وكيمياء وإحياء وإنجليزي لانو لاحظي الحاسب مو داخل بحساب النسبة الخاصة لكن حيتأثر النسبة العامة لان النسبة العامة داخلة فيها جميييييع المواد بما فيها الحاسب مما حيتؤثر بقبولك بالطب ..!! اتمنى تكوني فهمتي ..!!

كلام سليم 100 %