كيف تذاكر انقلش و تاخذ a+ طريقة سهلة جدا من تجربتي

[c'est moi]

نصيحة يا بنات عشان مستويات الانقلش الاربعة
انا الحمدلله بالمستوى الثالث دحين
و مرا الحمدلله ماشية تمام
حبيت بس أقول لكم انو انا كنت مو شاطرة في الانقلش مرا مييييح
خاصة بالثنوي
بس لما دخلت الجامعة دي اتفجعت كل حاجة قدامنا بالانقلش
سواءا نعرف او ما نعرف
المهم ما ابى اطول عليكم كتير مع اني طولت


احسن حاجة هي انك تمسكي الكتاب و تترجمي الكلمات المهمة و تحفظيها
سيبيكي من القرامر ع جنب
راجعين لو

و اكرفي نفسك بالحفظ
أحفظي قد ما تقدري
و بعدين حتلاقي نفسك لو ما تعرفي تقولي او تركبي الجملة صح تكوني ع الاقل عارفة شي و بتقوليه
و بتاخدي الدرجة
والله العظيم مع الوقت بس بالمستوى الثاني كدا حسيت بالفرق صح
اول مثلا كنت لو ابى اقول
عن ايش بتتكلمي انتي؟
اقولها
about what you are tallikng ?
و دا غلط اوكي
بس لما صرت اسمع كتير و احفظ
لاحظت انو الجملة فيها حاجة لا مو تمام
و عرفت انها تتقال كدا
what are you tallikng about ?

و على كدا بتدربي نفسك مع الحفظ

و اذا حسيتي انو محتاجة احد يكون معاكي فجيبي لك استاذة بس تكون كويسة
للامانة انا ما خلصت لفل 1 و 2 بدون استاذة يعني وحدة بروح لها البيت و كدا
ربي يسعدها حسيتها اسستني صح و خلتني افهم القرامر تمام ع قولتها انو الاميركي لما يتولد ما بيقعد ابوه ع راسو و يقول لو سبجيكت فيرب اوبجكت ادجكتف بروفيرب هههههههههه
لا هو بيتعلمها من سماعو لاهلو
و عن جد حبيت النظرية
في بنات كتير درسو معايا عندها بليز اذا في احد يعرفها و دخل هنا بليز يشرح للبنات الطريقة الي قالتها لينا
لأنو أنا رجعت قريت الموضوع دا و حسيت اني مو عارفة اشرحلكم هو
بس حبيت أساعدكم

هو لو كان بيسمحو كنت حطيتلكم رقمها هنا لو بتحتاجو بس أظن ممنوع
ماني عارفة

يارب اكون افدتكم

[A.A.Y]

الفكرة في الإنجليزي إن مسألة تكوين الجملة تعتمد على ثقافة الطالب نفسه اللي اكتسبها خلال سنوات دراسة للإنجليزي في الثانوية والمتوسطة ..

أي شخص يتابع أفلام ومسلسلات إنجليزية بكثرة راح يقولك جملتك خطأ, ولو سألته إيش القاعدة؟ راح يقولك ما أعرفها بس جملتك خطأ بسبب إنه تعود على سماعها بطريقة ثانية ..

حتى في الإختبار ؛ ممكن الواحد يذاكر القواعد ويجتهد ويضيع قدّام الأسئلة, عكس الشخص الآخر اللي بس يتصفح الكتاب بشكل سريع قبل الإختبار ويعتمد على مدى مُلاءمة الجُملة لذاكرته ..