لو تكرمتم .. نصائحكم في الرياضيات و الفيزياء

[أسرار سامي♥]

كيف ازاكر الفيزياء الفِيزيا الفِيزيا مَاحبِيتهآ الا مِن التَحضيري :*
بَس افهمِي القاعدات وُ رزكِي وبتضمنِي الـ a+
كِنت أَزاكر من مخلصات أشرف بركات وَ الكِتاب مَا أمسكه :) ^ مرةة ممتازه فيها شرح و تمارين كثير
وُ ألخص القوانِين فِي ورقه وُ بعد المذاكره أتدرب و أحل نماذج لـ د.هناء فرحان مَره مهم تتدربِي عَلى الحل عَشان تثبت المَعلومه
وُ كمان أذاكر الملاحظات اللي أكتبها مع الدكتوره
وُ بس موفقهْ :*)

*مقتبس في صفحتي في الأسك *

بِالنسبة للماث ..
أعتمد على الكتاب دون ملخصات
مع الملاحظات اللي تكتبها مع الدكتور
و التدريب التدريب جدا مهم أول بأول تحل وتددرب
موفق

[Faris.A]

سيبك من الخصوصيين والكلام الفاضي دا
الرياضيات فصفص الوورك شوب واذا في شي مافهمته شوف ملزمة اشرف بركات
اما بالنسبة للفيزياء فركز مع دكتورك و فصفص ملازم اشرف بركات وال a+ بتكون في جيبك

[متصدر]

المشاركة الأصلية كتبت بواسطة dracula20100 الرياضيات = ملخص اشرف بركات رياضيات + الورك شوب حق ابوجبل + محاضره ابو جبل (يفلت بعض من الاسئله حلمنتيشي ) الفيزياء = ملخص اشرف بركات فيزياء + تست بانك حق السنوات الي فاتت تحصلها في المكتبه وباذن الله درجاتك عاليه :]

الله يسعدك دنيا واخرة صراحة اسعدني ردك ..

المشاركة الأصلية كتبت بواسطة romans_otb ان شاء تاخذ الفول مارك بس لازم تتعب واقولك الطرق الي تخليك تاخذ الفل مارك فيها الرياضيات لازم تفهمها وبعدين تروح ع الورك شوب وتذاكر كل شيء بوقته والاهم تحضر مراجعات البروف الي تكون قبل كل اختبار الفيزياء ف البداية تشوف انها صعبه بس لو تتابع فيديوهات يوسف زويل كمان كل محاضرة بوقتها مع ملخص اشرف بركات واسئلة السنوات الماضية اهم شيء تمر عليها وكذا بعد توفيق الله اضمن لك الفل ..

يالله لا يضيع تعبك والله يوفقك والله يكثر من امثالك ..

المشاركة الأصلية كتبت بواسطة ebtihal alghamdi الرياضيات والفيزياء من أسهل المواد في التحضيري والحمدلله جبت الفل مارك فيهم بسلاسة.. الرياضيات ما انصحك ابداً ابداً بالملخصات.. فيها اضافات خصوصا ملخصات اشرف بركات .. وكمان هرجه كثير ومعقد.. كتاب الرياضيات اجمل كتاب من كتب التحضيري,, ملخص ومرتب ويديك الزبدة.. لا تقرا دش الكلام .. عينك تروح بس عالاكسرسايز و البوكسات بس... وحتخلص الشابتر الواحد في اقل من ساعة,, اسئلة نهاية التشابتر كنت احل منها الفردية بس كونها محلولة اخر الكتاب والبقية اسحب عليها,,, المهم انك تدرب نفسك ومو ضروري تحل كل شي فيها.. بعد كيذا يوم الاختبار الوورك شوب تبع دكتور احمد ابو جبل واذا شفت نفسك حليت اضمن لك الـ 100%.. بالنسبة للفيزيا.. انا كنت اذا فيه حاجة مو فاهمتها او الدكتورة ما شرحتها كويس افتح فيديو يوسف زويل ,, بس مو لازم تشوفه كله خد منه اللي تحتاجه.. المهم اللي حيهمك هوا ملخص اشرف بركات,, الحمدلله اعتمدت عليه وما عمره جاني سؤال وحسيته غريب او جديد علي.. كنت احل اسئلتي واسئلة البنات اللي يجوني زاكره كويس.. وحتلاقي اخر الملخص نماذج اختبارات وحلّها,, صدقني اذا حليتها بفهم وكان حلك صح حتحل الاختبار في نص الوقت.. وبس دا اللي عندي,, الله يوفقنا جميعاً ويبشّرنا بتحقيق طموحاتنا

الأغلب اتفق بالبرووف ابوجبل واما الفيزيا سأشتري اشرف .. الله يسعدك والله يحقق لك امانيك

المشاركة الأصلية كتبت بواسطة أسرار سامي♥ كيف ازاكر الفيزياء الفِيزيا الفِيزيا مَاحبِيتهآ الا مِن التَحضيري :* بَس افهمِي القاعدات وُ رزكِي وبتضمنِي الـ a+ كِنت أَزاكر من مخلصات أشرف بركات وَ الكِتاب مَا أمسكه :) ^ مرةة ممتازه فيها شرح و تمارين كثير وُ ألخص القوانِين فِي ورقه وُ بعد المذاكره أتدرب و أحل نماذج لـ د.هناء فرحان مَره مهم تتدربِي عَلى الحل عَشان تثبت المَعلومه وُ كمان أذاكر الملاحظات اللي أكتبها مع الدكتوره وُ بس موفقهْ :*) *مقتبس في صفحتي في الأسك * بِالنسبة للماث .. أعتمد على الكتاب دون ملخصات مع الملاحظات اللي تكتبها مع الدكتور و التدريب التدريب جدا مهم أول بأول تحل وتددرب موفق

الحمدلله انك عديتي المواد وجبتي درجات عالية .. هذا يدل ان مافي شي صعب .. فقط ابتعد عن المحطمين وان شاء الله نكون من الناجحين
والله لا تجعلنا من النادمين في كل امور الدنيا .. بالتوفيق

المشاركة الأصلية كتبت بواسطة faris.a سيبك من الخصوصيين والكلام الفاضي دا الرياضيات فصفص الوورك شوب واذا في شي مافهمته شوف ملزمة اشرف بركات اما بالنسبة للفيزياء فركز مع دكتورك و فصفص ملازم اشرف بركات وال a+ بتكون في جيبك

هههههههههههههههههه اهم شي الفصفص الين مايطلع ريحته في الغرفة وبعدين تخش امي وتعطيني ذاك الكف بس مو اي كف مذاقه لذيذ خخخخخ
الله يوفقك اخي فارس وان شاء الله نجيب علامات عالية ونحقق امانينا .. الله لا يضيع تعب احد .. بالتوفيق للجميع
------------------------------------------------


في الأخير اخجلتوني على كل المعلومات واعتبرها كنز من كنووز الدنيا مدري وش اقول ودي اعطيكم عيوني على المعلومات المفيدة
ربما الزمن يدوور وافيد احد من الي ساعدوني اياً كان اان شاء الله ما ابخل على احد .. والله يوفق الجميع وين ماراح ..

[رفّات حُلم]

الفيزيا؛
* مُلخصات هناء فرحان، ممتازة بالنسبة لنا كبنات وما أتوقع تختلف عنكم.
* فيه؛ أسئلة السنوات الماضية لهناء فرحان.. مُمتازة وتدرب ع الاسئلة
* فيديوهات يوسف زويل، اتعب وانا اقول ممتازة.. حملها او تفرجها ع اليوتيوب
وكُنت أحمل ملخصاته الـ pdf وأطبع ورقة الملخصات " ما يكون فيها تمارين " بس عشان ارجع لها.

الرياضيات؛
* الكتاب
* فيه الكورس سيلابس " مفردات المادة " نحملها نحنا من موقع منسقة المادة، منها التمارين اللي معانا، وكمان اللي نهاية كل درس مهمة مرة.
* الوورك شوب حق أبو جبل.