كيف أذاكر الأحياء !!

[Somaiah Yousef]

السلام عليكم ورحمة الله وبركآته

انا وغيري كثير من طلاب وطالبات خطة أ الآن بدأت معاناتنا مع الأحياء على وجه الخصوص

سبحان الله دي المادة ماني قادرة أبلعها

كمية السلايدات كبيررةة وزي ماهوا معروف لازم تتذاكر أول بأول

بس المشكلة ماني عآرفة كيف أذاكرهههآ

كل مآ أفتح السلايدات تنسد نفسي وأسكرها

أبغى اعرف بالتفصيل الممل كيف تذاكروها إنتم ؟

لأني كنت أحاول أحفظ الجمل الانجليزية وبدأت أحس بالضيآع ,, لأنه قد إيش بأحفظ يعني

إيش مفروض أحفظ الجمل الإنجليزية ولا العربية

فكرت إني أحفظ العربي واحفظ الكلمات الغريبة بالانجليزي

بس خآيفة أضيييع

[لهيب الزهور]

لا لا لا العربي لا تحفظيه

هو بس اقرئيه عشان تكوني مستوعبة وفاهمة الجملة والحفظ بالانجليزي

هو أساساً العربي بس للتسهيل بدل ما تآخذي وقت بالترجمة ومو للمذاكرة



شووفي حبيبتي هو مافي طريقة معينة ممكن نفيدك فيها لأنه المادة حفظ

يعني ماعندك غير تحفظي والطريقة للحفظ تختلف من بنت لبنت

بس اقولك شئ يريحك شوي ،،، أعلى مادة بمعدل الدرجات لخطة ب الترم الأول كانت الأحياء

صحيح هي أتعب مادة مذاكرة بس صدقيني أسهلها اختبار

الدوري الأول كان الكل يصيح وخايف منها بس بعد كذا صاروا البنات مهتمين بالكيمياء والإحصاء أكثر منها

المادة اذا أعطيتيها مجهود بالمذاكرة ماراح تتعبي في الاختبار ان شاء الله



والمفروض انه انتوا تكون درجاتكم أعلى منا في الأحياء بحكم انه الترم الثاني الواحد تأقلم على الجامعه وأسلوبها وعرف أخطائه بالترم الأول

هذا غير انه الترم الأول كان تمهيد لكم للغة وتأقلمتوا على الانجليزي في الرياضيات والفيزياء غير الأغلبية أخذ مستويين انجلش راح تفيده

فغالباً في للسنوات السابقة بنات خطة ألف يكون الأحياء لهم أسهل وأعلى بالدرجات من خطة ب




انتِ توكلي على ربك وشدي حيلك وباذن الله تتوفقي فيه

[Yasmina95]

هههههههههه قلتلكم الأحياء مقبرة السنة التحضيرية 😆😆
الأحياء تذاكري النص الانجليزي فقط و العربي ده حاطينوا ليكي بس عشان تفهمي
عشان لا تشوفي الكمية كتيرة انا كنت أمسك شابتر الاول و اقسموا مثلا ل 3 اجزاء
يصير لو الشابتر مثلا 60 صفحة اخليه مثلا 20 صفحة ،،، و على فكرة احنا كنا نطبع سلايدين بصفحة وحدة !!!
و في بنات كانوا يطبعوا 4 سلايدات بصفحة عشان يكون كيده اقل و يرتاحوا نفسيا 😁😁👍👍

ف انتي قسمي خلي سلايدين بصفحة و كمان اذا الشباتر كلو 50 قسميه قولي مثلا اليوم حخلص 25 صفحة و 25 الباقية امسكوا بعد ساعة ، ويصير تخلصي شابتر بيوم ، ومايمر عليكي الأسبوع اللي بعده الا وانتي مخلصة كل اللي اخدتيه في الأسبوع ..!!
كيده مرة تمام 👍👍

[منصور رده]

طيب كيف الحين حنا ياالله نحفظ كم كلمه في الانجليز وححتى كثر الكلامات تلخبط الواحد كيف نسوى بعدين الاسئله كيف تجي نركز مثلا على التعريفات وهل هي تجي في الاختبار بالنص والا يلعبو فيها

[Mirinoxd]

< لا تجي بالنص ان شاء الله
مو شرط تحفظ النص كامل ممكن تحفظ كم كلمة تدلك على التعريف وزي كدا


انا من الناس الي يطبعو 8 سلايدات في صفحة وحدة 4 4 وجه وقفا
منجد تريحك تحسي قليل ومنها تقل التكلفة
وكنت مرات اشطح سلايدات احسها مالها داعي ما اطبعها عشان اقلل عدد الصفحات
المهم اوك حتحسي انو صعب وايش يحفظني دي الكمية الكبيرة بس صدقيني ابدأي حبة حبة
مثلا زي ما قالت يا سمينا الشابتر الواحد قسميه مثلا اليوم تمسكي 20 صفحة حفظ ومراجعه الين ما تحسي انك خلاص اتقنتيه كلو
اليوم الي بعدو ال20 التانية حفظ ومراجعه برضو ولو فيه وقت ارجعي من البداية لين الي وصلتيلو عشان تتأكدي من حفظك وزي كدا
لا تقطعي لانو حتنسي خليكي مستمرة في المراجعه
لا تخافي ترا سهل بس لأنك مو متعودة
وانا كمان زيك دحين المآث ضآيعه فيلو :( بس ان شاء الله نتعود بسرعه
بالتوفيق يارب للجميع

[Yasmina95]

المشاركة الأصلية كتبت بواسطة منصور رده طيب كيف الحين حنا ياالله نحفظ كم كلمه في الانجليز وححتى كثر الكلامات تلخبط الواحد كيف نسوى بعدين الاسئله كيف تجي نركز مثلا على التعريفات وهل هي تجي في الاختبار بالنص والا يلعبو فيها

الأسئلة في الدوري الاول والتأني مباشرة و تجي بالنص
لكن بالنهائي تجي ب لفة و دوران فلازم تذاكرو بفهمممم مزبووووط و حفظ
مثلا احنا قالولنا مافي ولا صورة بالنهائي داخلة معانا
لكن جاتنا اسئلة عن الصور !! و جاتني كم سؤال في النهائي والسؤال كان برة سلايد
و مالقيت الجواب في سلايد لمن جيت أراجع بعد ما خلصت الاختبار !! و لقيت الإجابة في كتاب الأحياء حق 3 ثانوي 😁😁