الكيمياء

[Somaiah Yousef]

لا ماقد جاتني مصطلحات

بس تجي اسئلة نظريةة

تلاقيها في اسئلة السنوات السابقة

[AoDi]

السؤال اللي جا لأغلب البنات

كان عن ايش هيا المواد الموصلة

مرة الخيارات تكون عبارة عن عناصر"تختاري الفلزات"

ومرة يكتب فلز , لا فلز ,شبه فلز"اختار فلز"


و انتي اختاري

امكن يجيب العكس...

ما افتكر سؤال تاني


بس هوا مجرد سؤال فهم

[Ranad Ayman]

المصطلحات الي تجي في الكيمياء مــــــــــــــرة واضحة

انا الصراحة ما كنت احفظها بالنص كنت اقراها وافهمها بس .. ولمن يجيني المصطلح اميز كم مفتاح كلامي للتعريف وعليه اختار الجواب الصح
واصلا دكتورة ليلى مرة افتكر سألتها عن الاسئلة الكلام

قالت انا ما احب الاسئلة دي عشان كدا الاختبار يجيكم بس معادلات ومسائل اكثر شي وفي جملة دايما كانت تكررها (( انا والرياضيات علاقتنا مرة حلوة )) مدري اذا الى الان بتقولكم
وقالت لو جاكم كلام يجيكم شي بسيط مرة لا تشيلوا همه

ومن جد اغلب الاسئلة حــــــــل بس يمكن بعدين في شابتر 8 خاص بالجدول الدوري الي زي مثلاً : اذا تحركنا من اسفل لاعلى الجدول الدوري يصغر نصف قطر الذرة وتزداد الطاقة الكهروسالبية ..الخ الخ زي كدا اشياء جميلة وواضحة

هو بس اول ثلاثة شباتر تخمج المخ لكن الي بعدها حررراااام ما تجيبوا ال30 فيها مرررة حلوة وسهللة و قليلة
لا تخافو الاسئلة مرررررررررة حلوة في الكيمياء بس لا تتساهلوا وتطنشوا اشياء لاا في اشياء تنفهم بس ما تنترك

الله يوفقكم ,,

[Ranad Ayman]

+ ملحوظة

الدكتورة تعشق تعاريف النظائر واكيـــــــــــــــد حتجيكم

[Yasmina95]

المشاركة الأصلية كتبت بواسطة aodi السؤال اللي جا لأغلب البنات كان عن ايش هيا المواد الموصلة مرة الخيارات تكون عبارة عن عناصر"تختاري الفلزات" ومرة يكتب فلز , لا فلز ,شبه فلز"اختار فلز" و انتي اختاري امكن يجيب العكس... ما افتكر سؤال تاني بس هوا مجرد سؤال فهم

ايوه انا ده السؤال جاني في الميد الاول

ذاكروا التعاريف يا حلوين :)

[Mirinoxd]

هو بس اول ثلاثة شباتر تخمج المخ

بالزبطط بس أول 3 شباتر بس بعد كدا جمييل وحتى المصطلحات وكدا تكون واضحة ومن فهمك وماتجي كتير
الله يسهلو انا حاسة اختباركم حيجي مررا سهل ان شالله عشان لا تنعاد المسرحية الي صارت ف ايامنا

[Positive]

طيب عندي سؤال بالنسبة لتسمية المركبات في اسماء موجودة في جدول
زي مثلا ferrous وطقتها اللي لازم تنحفظ احسها مرا كثيرة مو قادرة احفظها وأسمائها صعبة ؟
ممكن تجئ ف الاختبار ؟

[AoDi]

المشاركة الأصلية كتبت بواسطة positive طيب عندي سؤال بالنسبة لتسمية المركبات في اسماء موجودة في جدول زي مثلا ferrous وطقتها اللي لازم تنحفظ احسها مرا كثيرة مو قادرة احفظها وأسمائها صعبة ؟ ممكن تجئ ف الاختبار ؟

أنا ما جاني و ماادري لو جا لأحد

أهم شئ احفظي التسميات اللي لها قوانين ,, سويها زي رسم شجري و رتبيها تصير مفهومة

[Mirinoxd]

انا صراحة ماجاني ف الميد الأول بس جاني في النهائي
واحس انو ايوا احفظيه خصوصا دا لانو له اسم مميز
بس في حاجات تانية مو شائعه مو مرا مهمة هي ماحتجيب الا المركبات الشائعه