بخصوص كتاب مادة اساسيات الورش

[البرق الاصفر]

يا جماعة الخير
الكويز الاول قرب واحنا لسه مو معانا كتاب المادة ( طبعا اتكلم على كتاب الورش العملي مو النظري )
سالنا الدكتور يقول لسه ما حطو نسخة في الخوارزم
رحنا للخوارزم يدينا مجلدات مو كتاب وكله خربطة في خربطة
فمدري من فين نجيبه عشان الاختبارات وغير كذا لو واحد عنده واحد كملف الكتروني وينزله لنا هنا يا ريت

ومشكووورين سلفا

[صقرر]

بالنسبة للعملي له مذكرة والمفترض انها تنزل في خوارزم من بداية الترم

للأسف لا يوجد لدي حاليا اي كتب او مذكرات لها

الشباب ما راح يقصرون معاك

[حلمي بروفيسور]

على حسب علمي تذاكر من اللي كتبتوا في الورش

[المغامر الصغير]

طيب متى الكويز الأول حيكون؟

[الخيال@]

ههههههههه وايش الي كتبتو والله يتكلمو واحنا مو عارفين ايش نكتب ولا مانكتب

[البرق الاصفر]

ياجماعة الخير

مهندس يديك ورقة ومهندس يقولك اكتب وغيره يقولك تلاقي في الخوارزم ورقة على الورشة هذه وغيره يقولك في الكتاب يبغاله يومين ثلاثة عشان ينطبع وتاخذوه
الترم حيخلص ولسه ما اخذنا الكتاب
وكمان المهندسين يشرحو في شغلهم ويا ضجة تسمعها ولا تفهم شي منه
اصلا احس اني مو فاهم شي الا لما نبدا الشغل

[صقرر]

المشاركة الأصلية كتبت بواسطة البرق الاصفر ياجماعة الخير مهندس يديك ورقة ومهندس يقولك اكتب وغيره يقولك تلاقي في الخوارزم ورقة على الورشة هذه وغيره يقولك في الكتاب يبغاله يومين ثلاثة عشان ينطبع وتاخذوه الترم حيخلص ولسه ما اخذنا الكتاب وكمان المهندسين يشرحو في شغلهم ويا ضجة تسمعها ولا تفهم شي منه اصلا احس اني مو فاهم شي الا لما نبدا الشغل

نعم صدقت اخوي

فيه الاوراق الي يعطونها المهندسين تيجي منها الكوزات فقط

النهائي اظن الدوسري يحط لكم ورقة مكونة من 50 سؤال فراغات واختيارات ومقالية

تلاقونها في خوارزم بس في نهاية الترم

بالنسبة للكويز ذاكروا الاوراق الي من عند المهندسين وهذا اقل الايمان

تحياتي

[القلب الحنون2009]

بي النسبه لي الورش العملي ذاكر من الاوراق الي يعطوك هي المهندسين حق الورش لانو الاسأله حق العملي على حسب

ما انا اختبرة كان يعطونه فراغات وصح وخطاء وتعداد مثال اذكر 4 من الادوات الي استخدمتها في ورشة البراده او

يذكرلك تستخدم المبرده في ورشة الخراطه صح ام خطاء وزي كذا يعني الاختبار سهاله إن شاء الله بس انته ذاكر من

الاوراق الي يعطوك هي المهندسين ..........موفق إن شاء الله ........وشكرا

[heso]

يا عمي ورش اسمها يعني المادة ان شاء الله درجاتها في جيبك ..
بس الفاينل اللي تركز عليه عشان تضمن ال 40 .. الباقي كله ما ياثر شي بتاخد درجات العملي مدام حضرت :)

[البرق الاصفر]

ياجماعة الخير
كلامكم على العين والراس
اذاكر من الاوراق اللي يدونا هي المهندسين اوكي نذاكرها
بس في مشكلة
هي فين عشان نذاكرها
ماحد ادانا شي ما عدا حق سباكة المعادن ادانا ورقة وحدة بس واللي اخذها الله يهديه ما شفنا منه لا ورقة ولا كلمة حتى
يعني ما عندنا شي نذاكر منه