محتاره !

[gzl GZLAN]

صباح الخير
دحين التوظيف بالهبل بائعات وكاشيرات عشان الاجازه وبعدها رمضان اللي تبغى كتغيير روتين تروح لمبنى زارا وراه مكتب فواز الحكير في توظيف
ومحتاره بسوق حراء اڤنيو او حراء الدولي
اية واحد اختار الاتنين حلوين هاديين وناسها مو كتير تقريبا مرجحه حراء الدولي بس عيني ع حراء اڤنيو كمان
ياحيره مابعدها حيره

[DANTEL]

اذا تحبي نفسك لاتتوظفي اي وظيفه فيها اختلاط حاولي تكون وظيفتك بالمدارس او اي مكان نسائي
بالتوفيق

[gzl GZLAN]

المشاركة الأصلية كتبت بواسطة dantel اذا تحبي نفسك لاتتوظفي اي وظيفه فيها اختلاط حاولي تكون وظيفتك بالمدارس او اي مكان نسائي بالتوفيق

تسلمي عالنصيحه يادانتيل
اخدت فرصه بمانويل كاشير المدير محترم وبيراعي بس بدات اسبوع الزباين ياشيخه بعضهم اخلاقهم مدري ايش اقول المهم واحد جالس ينكش استفزاز وانا ادن من طين وادن من عجين اخر شي خربت ام الهرجه وصوتت ولميت الامن عليه وشوفي الجرجره الي هو فيها واتصل عالمدير خلاص شفلك احد تاني لا ويابنت الناس عادي اخصريكي من اي احد قلت لا والله انا ليا اشتغل وبس اما مضايقات كل شويا كدا حيسير لا الوظايف مليانه بالهبل
والمدرسه اهليه رحت ولقيت مراقبه ب 5000 اما مراقبه بس ب 5 مناحله والبنات تعرفي كل وحده لسان قد ايش طوله بس حاستنى اداريه باي شي تاني

[battota]

حراء افنيووو افضلك

[gzl GZLAN]

حراء اڤنيو والله حلو بس دي الاستاذه زينه تبغاالمسا وانا ابغى الصباح المسا زحمه ومسخره شكلي حاختار الي بالرحاب تعرفي ليه لانو المولات خطيره دايما المكان المكشوف قدام الكل مايخوف وياليت وزير العمل يكمل معروفه ويخلي بعض الاماكن بدون اختلاط الله وربي اقفلهم الصندوق ب 30الف اقلها