خطة البحث المقترحة

[RoNh 3sL]

سلام بنات
اللي خلصت بحثها ياليت تساعدني مااعرفت اسوي خطة البحث المقترحة
اللي سوتها ياليت تقولي كيف

[Abrar88]

انتي عند اي دكتورة
لان الخطة من دكتورة للتانية تختلف اتواصلي مع دكتورتك خدي منها الخطة وامشي عليها

[سارهـ الغامدي]

~



أنا بكتبلك عن اللي شرحتو استآذتي
انا مع رغداء الرملي

خطة البحث المقترحة هيا مجرد فكرة عآمة عن كيفية كتآبة خطة البحث " يعني بشكل وهمي أو خيآلي "
يعني لو كملتي وكتبتي البحث , عن آيش كنتي رآح تكتبي في الفصل التآني والتالت ؟
لأنو احنآ كتبنآ فصل وآحد اللي هوا " الإطآر العآم للدرآسة " واللي بيحتوي على ( مقدمة الدراسة , مشكلة الدراسة , أهداف الدراسة , ..... إلى آخره "
طيب لو كملتي البحث , في الفصل التاني عن آيش رآح تكتبي ؟ تكتبيها رؤوس آقلام فقط

كمآن لآزم تكتبي مقدمة بسيطة .. رآح آشرحلك آكتر

تكتبي زي كدآ ..
خطة البحث المقترحة :
سوف تقوم الباحثة بكتابة ثلاث فصول تتكلم فيها عن ....... " تكتبي موضوعك "

الفصل الأول : الإطار العام للدرآسة
" وهنآ تكتبي مقدمة بسيطة من محتوى الفصل الأول "
يعني متلآ تكتبي : هدفت هذه الدراسة إلى التعرف على مستوى القناعة الوظيفية لدى موظفات كلية الإقتصاد والإدارة , كذلك التعرف على ..... " وتكتبي الأهداف كلها اللي كتبتيها في الفصل الأول , وبعدين تكملي وتكتبي عن المشكلة والدراسات السابقة , يعني بشكل مرآآ بسيييط , زي التعداد ..

الفصل التاني : " لازم تحطيلو موضوع "
وتكتبي المبحث الأول : ....
أولاً : ...
تانياً : ...
المبحث الثاني : ....
أولاً : ...
تانياً : ...
عاشراً : ... بكيفك يعني ^_^

الفصل التالت : الدراسة الميدانية
المبحث الأول : قائمة الاستبيان
المبحث الثاني : التحليل الإحصائي وإثبات صحة الفروض .
المبحث الثالث : نتائج البحث .
المبحث الرابع : التوصيات .

وبس , بالتوفيق يآرب ..

[سارهـ الغامدي]

~


نسيت آقولك

تقدري تآخدي دي الأشياء والزحمة هاذي من رسآئل الماجستير
تلآقيها مكتوبة بدآية الرسالة , وعنوآنها " ملخص الدرآسة "

يعني شوفي اكتر من رسآلة مآجستير ودكتورآه , واكتبي خطة البحث بطرييقتك وآسلوبك آهم شي

كمآن بالنسبة للفصول , آذا ماعرفتي تحطيلهآ موضوع , تقدري تآخدي من البحوث اللي زي موضوعك من قآئمة المحتويآت

ومعليش شرحي طووويل , بس عشآن تفهمي عليآا

بالتوفيق ..