بدأ التسجيل لاختبار التخصص لقسم اللغات الاوروبية

[Pride28]

المشاركة الأصلية كتبت بواسطة white rose وعليكم السلام ورحمة الله وبركاته ما شاء الله تبارك الرحمن اختي الكريمة وتقدري تروحي وتسجلي اسمك عندهم الاختبار يعتبر متوسط الى سهل من ناحية انه كتابي بس اهم شيء انك تحفظين كلمات وتعودين نفسك على الكتابة وتركزين على انك تكتبين بالزمن المضارع عشان تتلافي اغلب الاخطاء ويفيدك هالرابط : #2 القسم يميل للصعوبة للامانة طالما انك طالبة منتظمة يعني تشتغلين على نفسك على طول تتعلمين الكلمات الجديدة وتطورين من مستواك تحدثآ وكتابة واغلب البنات باول مستويين تطيح معدلاتهم لانهم يتفاجاؤن بالستين والاف لا قدر الله لانهم يعاملونك على انك متعلمة للغة باول مستويين فيختبرون ويقيسون لغتك باول ترمين تخصص بشكل مكثف يعني ما هو مذاكرة للكتب وتسميع بالاختبار لان الكتب تعلمك الاستراتيجات والاسس والمبادئ وانتي تعتمدي على نفسك بتطوير حالك واذا ما كنتي تحبي التخصص وقادرة على انك تشتغلين على نفسك وتتفرغين له بشكل خاص ما راح تقدرين تستمرين ومن البداية انصحك تحولين وممكن تدخلين اي معهد تقوين لغتك ويساعدك على تطوير مستواك لان فيه دوريات وبريزينتشنات وشغل يعتمد عليك بالدرجة الاولى ،، وللامانة الدكتورات ما يعطون الدرجات بكرم خاصة اول كم ترم لكن بعد المستوى الخامس بالنسبة لمواد اللغويات اللي تذاكريه راح يجيك منو زي مواد العلوم مصطلحات وتعاريف وتعدادات والادب تقراين روايات وقصص وتحفظين التحاليل من النت وتحضرين منه واحيانا فيه روايات ما لها اي شرح فتضطرين تعتمدي على حالك وانتي تطلعين المكونات والالمنت الادبية لكن بشكل عام من المستوى الخامس لفوق ترتفع الدرجات لكن المعدل ما يرتفع بسهولة لان اعلى ترمين يرتفع فيهم المعدل بقوة وينزل بقوة هما الثالث والرابع بس تعديهم بدرجات طيبة والباقي راح يهون معك ،، استخيري زين ما ابغى اخوفك قد ما ابغاك تكوني عارفة التخصص زين وان فيه كرف خاصة انك انتظام وزميلاتنا المنتظمات تعبو كثير عشان يحافظون على درجاتهم ومعدلاتهم والدكتورات قليل المتعاونات للامانة بشكل عآم ،، الله يوفقك :-)

يعطيك الف عافيه على الرد و الشرح الكامل للتخصص ، حبيت اوضح كم نقطة انا احب اللغة الانجليزية و حابه اتعلمها كثير و من بداية شهر 10 كل يوم اتعلم 10 كلمات كتابة و نطق ، و عادي عندي التعب في الدراسة بس اطلع بشيء استفيد منه بحياتي ..
بس عندي سؤال انا اذا تخصصت بإذن الله اول سمستر اكون المستوى كم؟ لأن مو فاهمه فكرة المستويات ؟ :(