جدول كيمياء حيوية

[aaa1200]

السلام عليكم
حابة اسأل عن الدكاترة اللي سجلت معاهم ازا كويسين او لا و كمان ابا اعرف ازا كويس اني مشيت عالخطة لاني ابا احول بعد سنة لطب او مختبرات
وكيف صعوبة المواد

دا الجدول واسامي الدكاترة



وشكرا مقدما

[وسام الامان]

اذا انت ماشاءالله شطورة ويمديك تمشي على الخطة خليك عليها وربي ييسر لك وتحولي
لكن اذا حبيت كمان ممكن تحذفي فقط كيميا عام 2 وتستبدليه بمادة حرة ومادة اختيارية متاح لك تاخذيها وكمان يصير عندك اربع معامل فقط
بالنسبة للمواد والدكاترة :
1-امن وسلامة سهل جدا بسهولة تأخذي فيه ممتاز والدكتورة مديحة صح شرحها عادي لكن يمشي الحال وهي صراحة تمشي وتسهل
2-كيميا حيوية عامة هي سهلة بس دش ويبغالها دراسة اول بأول لكن ماعرف كيف اسلوب الدكتورة مريم فهذه المادة لاني ماجربتها الا في بحث التخرج , لو دكتورة اماني فاروق تعطي المادة دي فنزليها معاها لان شرحها حلو
3-اجياء عامة 2 سهل كمان بس احفظيه علطول وحبذا لو نزلتيه مع دكتورة حنان الشاذلي مرررة رائعة
4-معمل احياء ومعمل كيميا مرررة سهلين وخفيفين لو اخذتيهم مع اي دكتورة وتضمني فيهم الاي بلس كمان
5-عربي 1 يبغاله فهم ومذاكرة علطول حاولي انك تحضري كل المحاضرات فيه عشان تترابط معك المعلومات ومايفرق مع اي دكتورة لان الامتحان موحد اهم شيء انت لازم تفهميه كويس ورح يسهل معاك بإذن الله واقولك بصراحة مادة روعة لانها تشغل المخ ^_^


موفقة لك تحياتي

سبحان الله وبحمده سبحان الله العظيم

[Joooooj99]

انا أضفت كيميا عامه /ومعمل احياء/وعربي 1/امن وسلامه 1/وكيمياء حيويه عامه هل تعتبر كافيه!!للني ماودي بالضغطط😕!!

[وسام الامان]

والله ممكن تزودي معمل كيميا عام مرررة سهل
وبالتوفيق يارب

اللهم صل وسلم على الحبيب

[aaa1200]

زودت معمل كيميا
شكرا ليكم الله يسعدكم يارب

[Sola Lola]

سلام عليكم الحمد الله انو لقيت احد زيي انا كمان بدرس سنه وابغى احول وعشان كدا مرا ابغى نصيحتكم عشان ما انزل مواد صعبه وما ينرفع المعدل

المهم انا نزلت 10 ساعات وكل ما ابغى اضيف الشعب فل :( الحل ؟

اقولكم جدولي نزلت كيمياء عامه مع ايمان زكريا حسين حجازي

ونزلت ثقافه وعربي
ونزلت امن وسلامه مع مديحه الصيني

ايش رايكم كدا تمام وايش تنصحوني اضيف ؟
"ملاحظه انا ابغى احول لتغذيه اكلينيكه "

وشككككككرا واسفه ع الاطاله

[وسام الامان]

المشاركة الأصلية كتبت بواسطة sola lola سلام عليكم الحمد الله انو لقيت احد زيي انا كمان بدرس سنه وابغى احول وعشان كدا مرا ابغى نصيحتكم عشان ما انزل مواد صعبه وما ينرفع المعدل المهم انا نزلت 10 ساعات وكل ما ابغى اضيف الشعب فل :( الحل ؟ اقولكم جدولي نزلت كيمياء عامه مع ايمان زكريا حسين حجازي ونزلت ثقافه وعربي ونزلت امن وسلامه مع مديحه الصيني ايش رايكم كدا تمام وايش تنصحوني اضيف ؟ "ملاحظه انا ابغى احول لتغذيه اكلينيكه " وشككككككرا واسفه ع الاطاله

10 ساعات قليل ماترفع المعدل مررة نزلي 15 ساعة احسن نزلي كمان( كيميا حيوية عام +معمل كيميا عام) او :
معمل كيميا عام+معمل احياء عام +فلك عام 1 مادة حرة مررة سهلة نزليها مع دكتور مجدي الصفطاوي جدا رائع

موفقة لك تحياتي ^^

اللهم صل وسلم على الحبيب

[Sola Lola]

مرا شكرا

دحين اضفت فلك عام بس للاسف مالقيت مجدي لقيت علاء الدين في مجال اغيرو ؟

وصار عدد الساعات 14 بس المشكله حاولت اضيف معمل وحاولت اضيف كيمياء حيوي عام بس فللل الشعب :(

اكتفي ولا اضيف معمل واحد

وبالله نوروني لو انا ماشيه غلط وكدا
3> 3> 3>

[وسام الامان]

المشاركة الأصلية كتبت بواسطة sola lola مرا شكرا دحين اضفت فلك عام بس للاسف مالقيت مجدي لقيت علاء الدين في مجال اغيرو ؟ وصار عدد الساعات 14 بس المشكله حاولت اضيف معمل وحاولت اضيف كيمياء حيوي عام بس فللل الشعب :( اكتفي ولا اضيف معمل واحد وبالله نوروني لو انا ماشيه غلط وكدا 3> 3> 3>

في بنات درسوا عند علاء الدين يقولون انه برضو كويس ,اتأكدي عنه اكثر
كلمي الاستاذة المرشدة توسع لك الشعب افضل نزلي 15 او 16 ساعة
وبالتوفيق ^^


اللهم صل وسلم على الحبيب