يا اهل الكيمياء الحيوي تعالو🙋

[اودي الحربي]

السلام عليكم
كيف حالكم يا جماعة الخير
بخش بالموضوع بسرعه انا طالبه مستجده بالكيمياء الحيوي ما اعرف شيء فيه غير انه كيمياء الحياه
حبيت تعرفوني عنها اكثر و تقولون لي اش المواد السهله والصعبه لانه يوم جيت اسوي الجدول احترت وما عرفت اش احط قالو سوي نفس الخطه الخطه ست مواد الترم بس انا ابا احذف ماده عشان ارفع المعدل وش ممكن تقترحون احذف (كيمياء عامه او احياء عامه) واش ممكن احط ماده بدالها وتكون سهله وابا اعرف المواد اللي تفتح مواد اتمنى تساعدوني يا بنات التخصص وتقولون لي كيف كانت جداولكم اول سنه لكم و اللي عنده خلفيه عن الماده
واللي تساعدني الله يكتبه في ميزان حسناتها انتظركم حبايبي❤️❤️

[رشة امل]

امممممممم اهلين فيكي بالقسم حبيبتي .. القسم مررة جمييل لا هو سهل ولا صعب زي كل الاقسام لها صعوبتها انا درست سنة التخصص ف الفيصلية وتوي محولة من هناك المهم ماكنت اعرف شي عن الحذف والاضافة وماعرفت الا لمن انقفل المهم نزلولي : كيمياء حيوي عامة , عربي , ثقافة , بيولجي خلية , معمل احياء , امن وسلامة
والحمدلله جبت فيها معدل كويس , المهم اذا ماتعرفي شغلة الحذف والاضافة ف الشغلة انو انتي تسوي جدولك بنفسك من الخطة , في اللي يمشو عالخطة بالضببط وفيه اللي يخربطو كم مادة وانا من الناس اللي ماعرف للضغط اخرب الدنيا وللامانة مااخذت كيمياء عامة لسة قالولي مادة صعبة خليها شوية بس حاخذ احياء مع حنان الشاذلي لا فتحت الشعب ان شاء الله وبإمكانك تداومي اول يوم تسفسري من قسم الحيوي عن مرشدتك ( استاذة زي يدك اليمين تهتم بجدولك , مشاكلك مع المواد , ترشدك ) وهيا تساعدك في اللي اصلح لك بالوقت واليوم اللي يناسبك
جدول الي اقترحه : كيمياء حيوي ( تفتح مواد ثانية ) , عربي , ثقافة , مصطلحات ( مادة اختيارية بس تنفعك كثثييير ف بقية المواد وتستفيدي منها ان شاء الله باخذها انا كمان ) , احياء عامة ومعمل اذا تبي

.... وبس ذا اللي عندي ان شاء الله يفيدوكي بيوكيميائية و البقية اكثر ياقلبي وبالتوفيق ان شاء الله

[aaa1200]

انا ماخدة كيميا عامة واحياء عامة وكيميا حيوي دا الترم ، وابا ارفع معدلي وفبالي احزف كيميا ... فا مادري لانو ماعرف صعوبة المادة ومابا انضغط .. تنصحيني احزف الكيميا ؟؟ بحكم دراستك ليها

[aaa1200]

واش الرقم المرجعي حق مادة المصطلحات ازا سمحتي

[L.A.H]

حتى انا حايسة :""""
اول شي ينزل الجدول بعدين ارتبه ولا انا ابدا اسويه ؟؟

[وسام الامان]

المشاركة الأصلية كتبت بواسطة اودي الحربي السلام عليكم كيف حالكم يا جماعة الخير بخش بالموضوع بسرعه انا طالبه مستجده بالكيمياء الحيوي ما اعرف شيء فيه غير انه كيمياء الحياه حبيت تعرفوني عنها اكثر و تقولون لي اش المواد السهله والصعبه لانه يوم جيت اسوي الجدول احترت وما عرفت اش احط قالو سوي نفس الخطه الخطه ست مواد الترم بس انا ابا احذف ماده عشان ارفع المعدل وش ممكن تقترحون احذف (كيمياء عامه او احياء عامه) واش ممكن احط ماده بدالها وتكون سهله وابا اعرف المواد اللي تفتح مواد اتمنى تساعدوني يا بنات التخصص وتقولون لي كيف كانت جداولكم اول سنه لكم و اللي عنده خلفيه عن الماده واللي تساعدني الله يكتبه في ميزان حسناتها انتظركم حبايبي❤️❤️

حياك الله وبياك,تخصص جميل وممتع ورائع بس اهم شي داومي على الاجتهاد والجد ^_^
رح تدرسي في هذا التخصص بداية عن المواد اللي تدخل في بناء الجسم مثل الدهون والبروتينات والسكريات (في مادة كيميا حيوي عام) وكيفية تحويل الجزئيات الكبيرة الى الصغيرة وبناء الجزئيات الكبيرة من الصغيرة لكي يستفيد منها الجسم (في مادة ايض) ,مرورا بمواد تدرسيها من تخصص الكيميا والاحياء مثل لكيميا العام والاحياء العام والكيميا العضوية اللي درسنا فيها عن الالكانات والاحماض ووالقواعد, والاحياء الدقيقة مثل البكتريا والفطريات والفيروسات ,ايضا دراسة المواد المختصة بالقسم في المستويات المتقدمة مثل الكيميا التحليلية وتتعرفي على طرق فصل المواد وطرق قياس الضوء وكيميا حيوية طبية تتعرفي في المختبرات والتحاليل الطبية وبعض العناصر في الجسم والامراض الناجمة عنها ,ووانتهاء بالموادا الاختيارية ,عندك قائمة مواد اختيارية تبع التخصص انت تختاري منها اللي تحبي انك تدرسيها وتناسب هواك ,في منها مثل الهرمونات والمصطلحات والامراض وسرطانية , في النهاية اهم شي تغطي عدد الساعات المقررة عليك منها
طبعا هذه نبذة من بعض المواد ,ممكن تتطلعي على كل المواد من هنا
http://bioc.kau.edu.sa/Pages-BSc-programming.aspx

انت كأول مستوى في التخصص نزلي كل المواد ماعدا كيميا عام , ونزلي بدالها مادة حرة سهلة مثل سيرة نبوية ومادة اختيارية مثل مصطلحات سهلة وتفيدك
معمل احياء عام سهل كمان لكن لازم له حفظ علطول عشان المعلومات ماتتداخل عليك
فانا اقترح عليك جدولين :
الاول (كيميا حيوي عام ,احياء عام 2 ,معمل كيميا ,معمل احياء, امن وسلامة ,عربي,مادة حرة او مادة اختيارية بساعتين) يصير كذا 17 ساعة
او
الثاني (كيميا حيوي عام ,احياء عام 2 ,معمل كيميا ,امن وسلامة ,عربي , مادة حرة ومادة اختيارية بساعتين ) 16 ساعة

وفي كل الحالتين معدلك رح يترفع إن شاءالله

موفقة لك تحياتي ^^

اللهم صل وسلم على نبينا محمد

[وسام الامان]

المشاركة الأصلية كتبت بواسطة aaa1200 واش الرقم المرجعي حق مادة المصطلحات ازا سمحتي

موفقة بإذن الله
الكيميا العام مادة دسمة ,فأحسن احذفيها وخذي بدالها ثقافة ومادة مصطلحات مررة سهلة اوعندك مادة حرة مثل سيرة نبوية حلوة وسههلة , او مادة فلك عام كمان سهلة وبإذن الله معدلك يترفع يارب
الرقم المرجعي لمصطلحات 24209


موفقة لك تحياتي ^^

اللهم صل وسلم على الحبيب محمد

[وسام الامان]

المشاركة الأصلية كتبت بواسطة l.a.h حتى انا حايسة :"""" اول شي ينزل الجدول بعدين ارتبه ولا انا ابدا اسويه ؟؟

هو الجدول ينزل لك وانت عاد احذفيه وضيفي على راحتك
كأول مستوى في التخصص لاتحذفيه كثير احذفيه مادة واحدة مثلا كيميا عام 2 وضيفي بدالها حر او اختياري
يعني لا يقل جدولك عن 15 ساعة
انا افضل لك كذا

موفقة لك تحياتي ^^

اللهم صل وسلم على الحبيب

[اودي الحربي]

المشاركة الأصلية كتبت بواسطة وسام الامان حياك الله وبياك,تخصص جميل وممتع ورائع بس اهم شي داومي على الاجتهاد والجد ^_^ رح تدرسي في هذا التخصص بداية عن المواد اللي تدخل في بناء الجسم مثل الدهون والبروتينات والسكريات (في مادة كيميا حيوي عام) وكيفية تحويل الجزئيات الكبيرة الى الصغيرة وبناء الجزئيات الكبيرة من الصغيرة لكي يستفيد منها الجسم (في مادة ايض) ,مرورا بمواد تدرسيها من تخصص الكيميا والاحياء مثل لكيميا العام والاحياء العام والكيميا العضوية اللي درسنا فيها عن الالكانات والاحماض ووالقواعد, والاحياء الدقيقة مثل البكتريا والفطريات والفيروسات ,ايضا دراسة المواد المختصة بالقسم في المستويات المتقدمة مثل الكيميا التحليلية وتتعرفي على طرق فصل المواد وطرق قياس الضوء وكيميا حيوية طبية تتعرفي في المختبرات والتحاليل الطبية وبعض العناصر في الجسم والامراض الناجمة عنها ,ووانتهاء بالموادا الاختيارية ,عندك قائمة مواد اختيارية تبع التخصص انت تختاري منها اللي تحبي انك تدرسيها وتناسب هواك ,في منها مثل الهرمونات والمصطلحات والامراض وسرطانية , في النهاية اهم شي تغطي عدد الساعات المقررة عليك منها طبعا هذه نبذة من بعض المواد ,ممكن تتطلعي على كل المواد من هنا http://bioc.kau.edu.sa/pages-bsc-programming.aspx انت كأول مستوى في التخصص نزلي كل المواد ماعدا كيميا عام , ونزلي بدالها مادة حرة سهلة مثل سيرة نبوية ومادة اختيارية مثل مصطلحات سهلة وتفيدك معمل احياء عام سهل كمان لكن لازم له حفظ علطول عشان المعلومات ماتتداخل عليك فانا اقترح عليك جدولين : الاول (كيميا حيوي عام ,احياء عام 2 ,معمل كيميا ,معمل احياء, امن وسلامة ,عربي,مادة حرة او مادة اختيارية بساعتين) يصير كذا 17 ساعة او الثاني (كيميا حيوي عام ,احياء عام 2 ,معمل كيميا ,امن وسلامة ,عربي , مادة حرة ومادة اختيارية بساعتين ) 16 ساعة وفي كل الحالتين معدلك رح يترفع إن شاءالله موفقة لك تحياتي ^^ اللهم صل وسلم على نبينا محمد

شكرررررااا الله يجعله في موازين حسناتك حبيت اسئلك وان شاء الله ما اثقل عليك 😔
انا يوم شفت الخطه حصلت باخر سنه في مواد اختياريه وفي مقرر حر وش يعني و ايش الفرق
وفي بعد قالو مواد حره ولازم المواد الحره اخذها كلها ولا في عدد معين والمواد الاختياريه والمقرر كم ماده لانه احس لو بمشي على الخطه
مرح اخذ مواد حره لان بالجداول ما اشوف حاطينها ليت تفيديني 😭😭

[وسام الامان]

المشاركة الأصلية كتبت بواسطة اودي الحربي شكرررررااا الله يجعله في موازين حسناتك حبيت اسئلك وان شاء الله ما اثقل عليك 😔 انا يوم شفت الخطه حصلت باخر سنه في مواد اختياريه وفي مقرر حر وش يعني و ايش الفرق وفي بعد قالو مواد حره ولازم المواد الحره اخذها كلها ولا في عدد معين والمواد الاختياريه والمقرر كم ماده لانه احس لو بمشي على الخطه مرح اخذ مواد حره لان بالجداول ما اشوف حاطينها ليت تفيديني 😭😭

حبيبتي اللي في الخطة مكتوب (مادة حرة) معناها المواد الحرة اللي لازم تدرسيها من خارج القسم وعددها 9ساعات فقط هي المقررة عليك وماتكون موضوعة في الجدول لانها من مختلف الاقسام غير العلوم انت عاد تختاري اللي تحبيه ,ممكن تضيف لك هي الاستاذة المرشدة لان تكون عندها قائمة المواد الحرة , المواد الحرة اللي انصحك تنزليها :(فلك 3 ساعات,مدخل الى علم نفس 2 ساعة ,صحة نفسية 2 ساعة وسيرة نبوية 2 ساعة) يصير كذا مجموعها 9 ساعات ,واللي مكتوب (مادة حرة كيميا حيوية )هي المواد الاختيارية اللي من داخل قسم الكيمياحيوي, وعندك لو دخلت في الاودس في ايقونة المواد المتبقية من القسم راح تلاقي قائمة المواد الاختيارية ,اختاري منها اللي تحبي تدرسيه والمقررة عليك منها 15 ساعة فقط ,طبعا حاطين اغلبها ف الاترام الاخيرة لان لها متطلب يعني ماتقدري تنزلي بعض المواد الاختيارية الا لما تجتازي المواد الاساسية وانت اكيد ع الاترام الاخيرة راح تكوني اصلا مجتازة المواد الاساسية ,عندك من المواد الاختيارية اللي ماتحتاج متطلب (مصطلحات 2 ساعة وموضوعات خاصة 1 ساعة ) لكن عندك مثل مادة (سرطانية 2 ساعة )تحتاج متطلب اللي هو كيميا حيوية طببة لازم تجتازيها وعلى اساسها يمديك تنزلي السرطانية
وانت احسن لك خليك على الخطة لاتزودي مواد حرة لان اصلا حتزوديها على الفاضي مارح تدخل في احتساب المعدل اللي يدخل فقط المقرر عليك منها اللي هي 9 ساعات
موفقة لك تحياتي^^

اللهم صل وسلم على الحبيب