اللي خلصو التحضيري بمعدل طيب يدخلون

[أُنـثــﮯ مـــلآئـكيـة]

عندك نت
افتح يوتيوب وتابع فيديوهات يوسف زويل للفيزياء لكل الشباتر بالترتيب
بعد ما تخلصها انزل المكاتب قريب من الجامعة ودور نماذج هناء فرحان للدوري الاول و الدوري الثاني و نماذجها للفاينل
بتجي ع شكل ملزمة فيها اكثر من نموذج وكمان محلولة وبالشرح!!
انت كذا a+ !!
وريح راسك غير هالمصدرين لا تدور حتى ملخصات مارح تحتاج الا لو تبغى افتح موقع هناء فرحان ونزل ملخصاتها فيزياء 110 جدا مبسطة وسهله
باختصار افتح اليوتيوب قبل الاختبار ب3 اسابيع او اسبوعين وتابع من اول الشابتر لحد الجزئية الي معاكم بعدها اقرا ملخصات هناء و اتدرب ع نماذجها او شوف نماذج اختبارات لاي استاذ غيرها وممكن تلاقي بالنت برضو
نصيحة " اختبارات الفيزياء اغلبها تجي كوبي بيست من نماذج السنوات السابقة يعني لا تخاف بيكون اختبارك سهل وموية لو حليت نماذج هناء واتدربت عليها بإذن الله
اما الرياضيات الحلو
تابع شروحات باليوتيوب عن اي شيء ما فهمته مع الاستاذ الي يشرح المادة
و اشتري الكتاب واتدرب على الامثلة المحلولة والاسئلة الي مطلوب منكم تحلوها ( تكون محددة في السيلبوس))
اليوتيوب ملياااااان شروح رياضيات باللغة الانجليزية ومبسطة لدرجة تحسها تافهه جدا
اختبارات هالمادة برضو سهله و واضحة اذا اتدربت على نماذج سنوات سابقة تقدر تخلص اختبارك في وقت قياسي
اهم نقطة بهالمادة اذا عندك اي استفسار روح لاستاذك في ساعاته المكتبية و خليه يوضح لك ويشرح ترا عادي من حقك كطالب انك تسأل المهم لا تخلي حاجة تمر وانت ما فهمتها
ولا تنسى وورك شوب حمزة ابو جبل مهم مهم وصحيح اسئلته مكررة بس بيخليك تتدرب كثير وتعرف نقاط ضعفك وبالتالي تسأل عن الاشياء الي مافهمتها او استصعبتها
....
مهارات اتصال مادة بسيطة وحلوة وخفيفة راح تحبها كثير تقدر تذاكرها قراءة , لو قرأت المادة قبل الاختبار مرتين بفهم خلاص تضمن درجة طيبة لأنها اساسا جزء من الحياة
اقرأ بتركيز و كذا كفاية حتى مو لازم تتدرب ع نماذج اسئلة عشان ما تتوه نفسك لان هذي المادة مو مادة تحتاج تدريب يعني كفاية الفهم و باذن الله بتجيب 100 زيي
ممكن يطلب منكم الاستاذ تكاليف لازم تسويها و ان شاء الله يتساهل معاكم ويعطيكم درجاتها كاملة المهم خلي شغلك كويس.
انجليزي مره بسيط وخفيف و اختبارات تجي من الكتاب بالتحديد
انا كنت في ليفل 4 وجبت 95 الحمدلله مع انه للامانة مستواي مو كويس بالانجليزي وقدرت!!
ذاكر الكتاب وبس ما تحتاج اي شيء ثاني الا لو تبغى تفهم القرامر ممكن من اليوتيوب لو حبيت
والكلمات تحفظها من الكتاب و الرايتنق مره سهل راح تتدربوا كثير عليه ويعطوكم مواضيع سهله
المهم اي موضوع تدرسوه تقدر تبحث عنه باليوتيوب و تتعلم عنه جمل جديدة و تكتبها كتدريب لو حبيت برضو
او حتى في قوقل تقدر تطلع مواضيع جاهزة وتكتبها وتتدرب
....
الله يعينك دوامك بيكون طويل بسبب الانجلش ف اتحمل عشان تعدي هذي السنة
هي سنة وحدة من عمرك و نتيجتها بتحدد باقي عمرك في ايش طب او هندسة او او ....الخ

كل التوفيق يارب