كيمياء 110

[العنود التركستاني]

السلام عليكم ورحمة الله وبركاته

أنا من طالبات خطة ب وكل المواد ماشيه معايا تمام إلا الكيمياء

الكتاب دبـه وكلو انجليزي وداخل في بعضو وما أفهم شي منو، وأستاذتنا تعاملنا على إننا بنات تخصص مو تحضيري

ف الله يسعدكم، اللي يعرف دروس تقوية على النت يعطيني الروابط؛ لأني تعبت وأنا أدور

وايه كمان نماذج أسئلة من السنوات اللي قبل

وأحد يقولي كيف ممكن تجي الأسئلة، لأن الأستاذة قالت لنا إن الاختبارات الكترونية وانا خايفه >>زي ما تعرفوا ماني فاهمة شي من المنهج

أفيدوني جزاكم الله خير، والله يوفق الجميع يارب

[Somaiah Yousef]

وعليكم السلام ورحمة الله وبركاته

اوبس ! ليش اشتريتي الكتاب ؟ .. مانستخدم الكتاب في المذاكرة أبدا

المذاكرة من سلايدات الدكتورة ليلى الحربي + التست بانك

كله تلاقيه في الرابط

http://lalhrbi.kau.edu.sa/Show_Files...0005193&Lng=AR

اختاري chem 110

الاسئلة تجي بالزبط زي التست بآنك .. أحيانا تغير الأرقام والعناصر فقط .. مافي شي جديد

افكار المنهج محدودة مافي مجال تتوسع في الاسئلة فلا تشيلي هم

وابحثي عن فيديوهات الدكتور يوسف زويل .. ممتاز جدا لكن خليك مركزة لأن فيه اخطاء احيانا :(

واي شيء مو فاهمته آكتبيه هنا ونعاونك إن شاء الله :)

[العنود التركستاني]

المشاركة الأصلية كتبت بواسطة فيونكـه وعليكم السلام ورحمة الله وبركاته اوبس ! ليش اشتريتي الكتاب ؟ .. مانستخدم الكتاب في المذاكرة أبدا المذاكرة من سلايدات الدكتورة ليلى الحربي + التست بانك كله تلاقيه في الرابط http://lalhrbi.kau.edu.sa/show_files...0005193&lng=ar اختاري chem 110 الاسئلة تجي بالزبط زي التست بآنك .. أحيانا تغير الأرقام والعناصر فقط .. مافي شي جديد افكار المنهج محدودة مافي مجال تتوسع في الاسئلة فلا تشيلي هم وابحثي عن فيديوهات الدكتور يوسف زويل .. ممتاز جدا لكن خليك مركزة لأن فيه اخطاء احيانا :( واي شيء مو فاهمته آكتبيه هنا ونعاونك إن شاء الله :)

والله يا حبيبتي أنا أول وحدة من كل أهلي أدخل جامعه :) واشتريته

جد المذاكرة بس من السلايدات ؟؟ لأن دكتورتنا هي منسقه المادة وقالت ماراح يجي شي منها :"( وهي جدا معتمدة على الكتاب >>وتراها تخوف

وجزاك الله خير إنك رديتي عليا لأن بجد حايسه ومو عارفه اش اسوي

[Ranad Ayman]

المشاركة الأصلية كتبت بواسطة العنود التركستاني والله يا حبيبتي أنا أول وحدة من كل أهلي أدخل جامعه :) واشتريته جد المذاكرة بس من السلايدات ؟؟ لأن دكتورتنا هي منسقه المادة وقالت ماراح يجي شي منها :"( وهي جدا معتمدة على الكتاب >>وتراها تخوف وجزاك الله خير إنك رديتي عليا لأن بجد حايسه ومو عارفه اش اسوي

اخصوريلك منها .. كلام الدكاترة هذا معرووف وحيكون وراكي وحتسمعيه في كل مكان .. هي حتروح فيها لو قالتلك بس سلايدز ..
ومادري اذا منسقتكم هي نفس حقتنا السنة الي فاتت " د.ليلى الحربي" .. كل الاسئلة من الســـــــــــلايدز

مافي شي في التحضيري اسمه كتاب ارحموا نفسكم بس الاتصال و الماث و الاحصاء كتاب بينما الباقي كله سلايدز .

وبالنسبة يوسف زويل على كيفك .. انا عن نفسي ما فتحته لانه ماحب اشتت نفسي .. بس البداية من الكيمياء عشانه حساب فكنت ابغا اعرف طرق مختصرة عشان الوقت زي منتي عارفة الكتروني ..
فاكتفيت اني اشتري الملزمة ليوسف زويل بس ..

واتفق مع الاخت فيونكة ^ هي معانا ومارة بتجربتنا نفسها

الله يوفقكم حبايبي .. التحضيري احــــــــــــــــلى سنة ومررة مضحكة انا دحين لمن افتكر ايش كنت اسوي اقعد اضحك .. يلا موفقين ونبغاكم تسيروا دفعة اشطر و احسن مننا ان شاء الله

[رفّات حُلم]

^
والحاسب.

المُذاكرة من سلايدات د/ ليلى الحربي والتيست بانك حقها
وكله من موقعها.
فيديوهات يوسف زويل ممتتتتتتتتاااااازة.
انا عني مذاكرتي كانت:
فيديوهات يوسف زويل ( انسحبت السنة الماضية بس تاكدي فيه اولا )، سلايدات د/ ليلى + التيست بانك
وحلي نماذج كمان واسئلة.
هنا تلاقي بعض الاشياء:
http://www.skaau.com/vb/showthread.php?t=766331
وصلى الله وبارك.
اهم شي عودي يدك في الكيمياء.
بالتوفيق.

[Ranad Ayman]

^
صح مظبوط كلامك

الحاسب جددوا سلايداته .. فنفس الي في السلايدز كانت في الكتاب .. فمحا تفرق ترى اذا ذاكرتي الكتاب او السلايدز .. بس انا عن نفسي مسكت السلايدز والحمدالله مشينا انا وصحباتي مظبوط والاختبار اخر حلاوة كان
يعني لا تشيلو هم صدقوني . ;)

[رفّات حُلم]

^

انا التّرم الاول :d

[Ranad Ayman]

^
صح ايوة هو اتجدد في الترم التاني