سؤال مهم في الاحصاء ..ممكن تجاوبوني ..

[s0ma]

وسؤال ثاني؟؟

كيف اعرف اذا قيمه p- value اكبر وا اصغر من الالفا ...



وصح في الاختبار انا ماني متذكره السؤال بس كان فيه اعاصير <<<هههههههههه
وكانت الاختيارات نومينال ولا اوردينال ولا ريشو ولاانتيرفال ايش الجوآآب

[Mora]

اجمعي كل الاعداد الموجوده عندك 60+50+120+110+75+110+75+110..... الخ

و بعدين اقسميها على عددها.... يعني اقسميها على 36 ... حيطلع الناتج 75 = الاكس بار

[Mora]

سؤال الp value استني عليا فيه :)

سؤال الاعاصير انا جاوبت عليه انه ratio لأن في قيمة معنوية للصفر

[s0ma]

طيب
مشكــــــــــــــــــــــــــوررررررررره
ويعطيك الف عاافيه
وحتى انا جاوبتو ratio بس ماكنت متاكده منو
نستناكي ياعسل
=)

[s0ma]

شو صاار؟؟

[شهد الزبيدي]

المشاركة الأصلية كتبت بواسطة نقطه الـ Qualitative variables يعني متغيرات نوعية يعني زي فصيلة الدم .. أما الـ Quantitative variables متغيرات كمية يعني بأرقام زي درجة الحرارة .. / الـ nominal متغيرات نوعية بس ماتقدر ترتبها زي لون العيون ماتقدر تقول الأزرق أول ولا البني .. الـ ordinal من اسمها ordar يعني ترتيب بس تكون نوعية برضوا .. زي الدرجات A ولا B وزي كدا .. طبعاً هنا في تفاضل وتقدر ترتب الـ interval كمية بس الصفر مالو معنى زي درجة الحرارة لمن أقول صفر درجة مو يعني ماكان في حرارة أبداً الـ ratio كمية بس الصفر لو معنى زي العمر .. / وعندك جدول في صفحة 8 آخر الصفحه معطيك أمثلة إن شاء الله تكون فهمت ..!

لو سمحتي مافهمت الفرق بين interval و ratio ياليت توضحي لي

[أُنـثــﮯ مـــلآئـكيـة]

شرح الاخت نقطة مو مفصل بس كاتبة مفهوم وتعريف مختصر والاحصاء ما يتذاكر بهالطريقة ابداً بس يعطيها العافية
هنا شرحي للفرق بينهم في موضوع سابق

طيب ولا يهمك
بس الحين لازم اعلمك تفرق بين شيئين level of measurement الي هي اربعة فوق ذكرتهم
و بين type of variable
الاولى : لما يجيك ف الاختبار سؤال كتالي
what is the level of measurement for the phone number ?
1- nominal
2-ratio
3-qualitative
4-quantitative
.....
الجواب هو 1 طبعا ليش ؟ لأنه طلب ليفل اوف ميجرمنت و احنا عندنا 4 ليفل اوف ميجرمنت ( نومينال و اوردينال و انتيرفال وريشيو )
اما كواليتيتف و كوانتيتيتف راح تستبعدهم على طول لأنهم ما يعتبروا من الليفل اوف ميجرمنت !!
فيصير عندك خيارين الاول والثاني كيف تعرف الصح؟ اول شيء قالك رقم الهاتف من اي ليفل ؟ نومينال او اوردينال
طبعا قلت سابقا ان رقم الهاتف يعتبر كانه اسم ما نجري عليه عمليات حسابية ولا حتى نلاقي شخصين لهم نفس الرقم ولا حتى نهتم بالترتيب فيكون الاختيار الصحيح هو الاختيار الاول
...
سؤال اخر :
the salary is an example of which level of measurement ?
1- nominal
2-quantitative
3-ratio
4-interval
طبعا هنا برضه سأل عن الليفل اوف ميجرمنت !! يعني حنستبعد الاختيار الثاني على طول !
يتبقى عندي الخيار الاول والثالث والرابع
قالك (الراتب) salary من اي نوع حنعتبره ؟ بما انه الراتب يعتبر رقم ومستحيل نعتبره اسم فحنستبعد الخيار الاول برضه!
يتبقى اخر خيارين
يصير نقول بما ان الراتب رقم فهو إما انتيرفال او ريشو ؟ كيف نعرف الصح ؟
قلت سابقا بأن الراتب يحتمل قيمة صفر بمعنى لو كان راتب الشخص صفر فمعناه ما عنده ولا ريال !! يعني حيصير الجواب الصحيح هو ريشيو
لأن الريشيو يكون الصفر فيه ( قول وفعل ) يعني لما يكون الشيء صفر فهو غير موجود بعكس الانتيرفال ( الصفر مو قول وفعل) يعني زي مثال درجة الحرارة كانت صفر بس ما نقدر نقول مافي حرارة!! لأن صفر معناه تجمد مو معناه انه مافي درجة حرارة ابداً !!
...
والحين نبدأ بأمثلة على جزئية type of variable
مثال : what is the type of variable for the salary ?
1-qualitative
2-ratio
3-quantitative
4-nominal
هنا يسألك عن نوع المتغير ( الراتب ) ؟؟ يعني ما سألك عن الليفل اوف ميجرمنت الاربعة ؟؟؟ يصير على طووول نستبعد الخيار الثاني والرابع من غير تفكير
يتبقى الاول والثالث : هل الراتب وهو (رقم) يعتبر متغير نوعي او متغير عددي ؟ يعني هل هو كواليتيتف او كوانتيتيتف ؟؟
الصحيح انه متغير عددي
اذا الجواب الصحيح هو الخيار الثالث quantitative
.....
مثال اخر :
what is the type of the weight variable ?
1-ordinal
2-ratio
3-quantitative
4-interval
يعني ايش نوع البيان الي هو الوزن ؟ هنا سأل عن نوع البيانات ما سأل عن الليفل اوف ميجرمنت الاربعة فنطيرهم ويتبقى الجواب الثالث هو الصحيح لأن الوزن متغير عددي .
...
مثال اخير :
the religion in which type ?
1-nominal
2-ordinal
3-qualitative
4-quantitative
يقولك الدين يعتبر من اي نوع من البيانات ؟ يعني ما سأل عن لليفل اوف ميجرمنت الاربعة فيصير نستبعد اول خيارين من دون تفكير!!
يبقى اخر خيارين
الاديان تعتبر متغير وصفي (نوعي) يعني ماهي ارقام فيصير الخيار الصحيح هو الخيار الثالث qualitative
.................................................. ......................................
هذا الفرق باختصار والي اغلب الملخصات كانوا ملخبطين الطلاب والطالبات فيه
وكان يجي منه اسئلة وكثير يغلطوا فانا تقريبا عطيتك كذا سؤال ممكن يجي نفس طريقتها ويمكن نفسها المهم انك فهمت الفرق
بين level of measurement وبين type of variable
لما يطلب ليفل اوف ميجرمنت ع طول تركز مخك ع الاربع nominal , ordinal , interval , ratio
ولما يطلب نوع المتغير او نوع البيانات ؟ يصير تركز مخك ع اثنين بس اللي هم qualitative , quantitative
..........