معاهد اللغة الإنجليزية بجدة

[صوت!]

السلام عليكم ورحمة الله وبركاته



أعتذر بداية لو كان الموضوع في غير مكانه :(
بحثت في الإنترنت على معاهد لتعليم اللغة ووجدت قائمة في موقع وزارة التربية والتعليم بمعاهد تحت إشرافها وإدارتها،
http://www.jedu.gov.sa/subPage.aspx?...ID=1640&co=278


السؤال أي المعاهد أفضل وهل ينفع أدخل معهد وأنا لا أجيد أي شيء في الإنجليزي، بمعنى أني أحتاج تأسيس من الصفر،
أفيدونا وأنيرونا نوّر الله عليكم :(

[Reem Mohammed~]

جودة المعاهد تختلف للأسف من فترة للثانيه بحسب المدرسين والمسؤولين
وبحسب الاشخاص برضو ،،
اخويا الان مسجل في وول ستريت .. نظامهم انك تدرسي لوحدك على الجهاز لمدة ساعة ونص ، وفيه محادثه لمدة ساعه كل اسبوع
وبعد كذا اختبار بعد كل يونيت ،، طبعا هالنظام اعجب اخوي لانه يقدر يحضر في أي وقت ، ويرجع البيت يترجم الكلمات اللي يحتاجها ،
فالوقت والطريقة جدا ناسبه ،،
فيه ناس تحب تركز على المحادثه جدا جدا
وبيرليتز يعتبر من اشهر المعاهد اللي تركز على المحادثه بس رسومه غالية شوية .
اكسفورد برضو قوي وعندهم كورسات مكثفة..

اثناء اطلاعي على القائمة ، هناك معاهد جديدة .. لذلك التقييم صعب
اهم شئ تأكدي انه الاستاذة لغتها الام انجليزية ، الكلاس ما يكون مليان طالبات - بحدود 10 الى 15 - يعتبر مكسمم ، تركيزهم ما يكون على الجرامر ( الجرامر اخر شي في الاهميه ، لانك تحتاج اللغه للتحدث والتعبير عن ارائك ، وليس للتفكير في صياغة الجملة ، التفكير يجي في وقت لاحق ) ..
ولا تشتركي بأكثر من شهر الا اذا كنتي متأكدة 100% انه اسلوب المعهد مناسب ، او جربي شهر واحد وشوفي بعدين تكملي او لا ..
وبامكانك كمان تطلبي تجربة لمدة نص ساعه تجربي داخل كلاس كيف يكون الوضع ..

واخر شئ واهم شئ
اللغة تقوم بالاساس على اجتهاد المتعلم اكثر من المعهد ، لو شديتي وتعبتي على نفسك راح تلاقي ثمار سريعة باذن الله
ولو استهنتي ، فالمركز بيكون شي شبيه بايام الثانوي ، الفرق طفيف -_-..

أتمنى لك التوفيق ;)

[نــورهـ]

و عليكم السلام و رحمة الله و بركاته ..

المعاهد تختلف حسب تجربة كل شخص يعني آراء الناس حسب تجاربهم و بالتالي حسب شخصياتهم + مدى اجتهادهم ..

من أقوى الدورات للغة الانجليزية~

جامعة دار الحكمة
بيرلتز
البريطاني

و لكل الثلاثة ما بين المؤيد و المعارض و المدح و الذم ..

لكن نصيحة زوري أو اتصلي ع المعاهد و شوفي كيف نظامهم و أسعارهم و كيف اختباراتهم و معلماتهم و ايش لغتهم الام و الكتب و الشهادة و الوقت كل هذهـ البنود بتكون لك فكرة واضحة و حتلاقي الفرق و العرض المناسب لك , أهم نقطة لا تسجلي في معهد قبل ما تشوفي و تسألي عن كذا معهد و تعرفي الفرق بينهم ..

من تجربتي بيرلتز كويس مع ان معايا في الكلاس طالبات يقولوا ما عجبهم بالعكس جدًا عجبني و مرتاحة فيه فيرجع لشخصية و اجتهاد كل شخص ..

الآهم من هذا كله مدى اجتهادك و حفظك لكلمات جديدة و تهتمي باللغة و تتعرضي لها يوميا و تسمعي و تقرأي و تحفظي خلال شهر تلاحظي فرق في مستواك ..

الله يوفقك و يسهل عليك الدراسة و تعلم اللغة ..

[صوت!]

الله يكرمكم ويرفع من قدركم جزاكم الله خير حبيباتي :)