المتقدمين والمتقدمات لماجستير الاتصال والاعلام العام الماضي الرجاء افادتنا

[طالبة حالمة]

السلام عليكم

انا قدمت ماجستير اتصال وإعلام ، وابغى اعرف من اللي قدموا العام كم اعطتكم الكلية من الـ 10% حقت مدى قرب تخصص المتقدم من تخصص البرنامج ؟؟

تخصصي بالبكالوريوس برضوا اعلام لكن من جامعة ام القرى وسمعت انه مو شرط يعطوني العشره كاملة حتى لو قدمت ماستر على نفس تخصصي بالبكالوريوس

ياليت يفيدونا اللي قدموا العام أو أي احد عنده فكره عن هذا الشيء


وكمان بسأل هل التخصص مستقبله حلو؟ وكم سنة الماجستير؟

انا حابه انه نفيد بعض ، واللي عنده استفسار يطرحه ونساعده إن شاء الله ، والله يوفق الجميع

[نايف الناصر]

اهلا اختي طالبه حالمه
اللي اعرفه انو تم قبول الى نسبه 88.5 والبقيه تم استبعادهم
وان شاء الله يفيدونك اخوانا
اما سنوات الدراسه فهي 4 فصول دراسيه
اتمنى لك التوفيق ..................

[طالبة حالمة]

جزاك الله خير

و وين الباقين افيدونا بأي شيء

[miss noon]

السلام عليكم

انا قدمت العام الماضي وماانقبلت .. واخذت 10 كامله تبع الكليه

تخصصي برضو اعلام مسار صحافه , حسب مااعرف الـ 10 تبع الكليه تاخذيها ع تخصصك وعلى الدورات والشهادات او الخبرات اللي معاك برضو
ومدة الماستر سنتين

[طالبة حالمة]

المشاركة الأصلية كتبت بواسطة miss noon السلام عليكم انا قدمت العام الماضي وماانقبلت .. واخذت 10 كامله تبع الكليه تخصصي برضو اعلام مسار صحافه , حسب مااعرف الـ 10 تبع الكليه تاخذيها ع تخصصك وعلى الدورات والشهادات او الخبرات اللي معاك برضو ومدة الماستر سنتين

وعليكم السلام

الحمدلله كويس ، مشكوره ماقصرتي ياعسل