اقدر ادخل ليفل انقلش اقل من ليفلي اللي خلصته ؟

[Esraa ELF]

انا اختبرت اختبار تحديد المستوى وطبعا حليت قد ما اقدر عشان يحطوني بالمستوى الرابع وفعلا دخلته
بس الان بعد ما انهيته وطلعت الدرجات اكتشفت انه كل ما درست مستويات انقلش كل ما زاد المعدل
..
السؤال هوا اذا اقدر ادخل ليفل ثري او تو ومستعده ادخل ليفل ون كمان بس حابة اعرف اذا دا الشي ممكن
واذا كان ممكن ايش هيا الاجرائات الي اعملها

[فاتحة]

(درجتك في مادة1 * عدد ساعاتها ) + ( درجتك في مادة2 * عدد ساعاتها) + .... الخ

اما المعدل
( عدد نقاط اللي حصلتي عليها في مادة1 * عدد ساعاتها ) + ( عدد نقاط اللي حصلتي عليها في مادة2 * عدد ساعاتها ) + ... الخ

عدد النقاط مثلا لو جبتي واحد من هذي التقديرات
اي بلس حتاخذي 5 ، اي حتاخذي 4.75 ، بي بلس حتاخذي 4.5 ، بي حتاخذي 4

اثبتيلي الحين لو زودت مادة حترفع معدلي ، الا اذا انا متأكدة وواثقة اني راح اجيب اي بلس بعد معونة الله
هل تضمني ؟
وخلاص ارضي باللي كتبه الله لك

[Esraa ELF]

طبببببببببببببببببببببببععععاااااا اضمن !!!!!
دا انقلش مو رياضيات ولله الحمد انا جددا كويسه فيه اضمن المية كمان مو بس اي بلس
ولو كانو قالولنا المعلومه الصغيرة دي اللي يمكن تغير المعدل بكبره قبل ما نختبر تحديد المستوى كان ما دخلت الاختبار من اساسه وخليتهم يحطوني في ليفل واحد
السؤال كان اذا اقدر ادخل ليفل اقل من ليفلي
ياريت الي عنده جواب يرد

[فاتحة]

ايوه ايوه نسيت بالنسبة للمعدل والنسبة كمان

في النهاية وانتي بتجمعي تقسمي على عدد الساعات المسجلة للترم ذا

عموما لا تقهري نفسك .. الانقلش عدد ساعاته اثنين .. مو مرة يأثر حتى لو هبط

بس في النسبة الموزونة كل درجة تأثر فيه لانها من 100% .. بس بالمقارنة مع مادة عدد ساعاتها ثلاثة حيكون تأثيرها أعلى من المادة اللي عدد ساعاتها 2 ..

وبما انها ما تأثر زي الكيمياء الاحياء وباقي المواد اللي عدد ساعاتها ثلاثة وهيا الأهم

ليه ترهقي نفسك بالدوام الطويل على زيادة بسيطة ؟ ومجهودك ذا المفروض يصب في المواد اللي عدد ساعاتها أكبر عشان ترفعي المعدل أعلى

وليفل فور شامل جدا لكل الليفلات بحكم أني درسته .. حتى استاذتي ما كانت تشرح .. انتو اشرحو .. خلاص تمكنتي كويس..

لو على الزيادة تبغيها ومصرة . روحي مبنى 40 وكلمي اي استاذة في مكتبها واشرحيلها وضعك وهي توجهك فين تروحي

اتوقع والله أعلم انو ذا الشيء بيد الشؤون .. بس تأكدي منه

[Esraa ELF]

صدقيني الزياده حقت الانقلش جداااا تغيير المعدل
واذا بتصدقي زيادة ادخلي في الاودس على حساب النسبه العامه وجربي تخلي كل درجات المواد ثابته بس العبي في درجات الانقلش
خلي مرة ليفل ون و تو و ثري معادلين
والرابع حطي الدرجه مثلا ميه وشوفي كم هتطلعلك النسبه
عيدي الحركه بس شيلي كلمه " معادله" من ثري وتو وحطي الدرجة مثلا ميه وشوفي قد ايش هيتغير معدلك
وشكرا عالنصيحه ان شاء الله اروح لهم في اول اسبوع حق الجداول

[فاتحة]

فيه فرق بين المعدل اللي هوا من5 وبين النسبة الموزونة اللي هيا من 100 %
قلت لك النسبة الموزونة تتأثر لو بدرجة .. بس درجة من مادة ابو 3ساعات غير عن مادة ابو ساعتين
انا حصل لي نقصت في الانقلش ومادة الاتصال
الانقلش مو مرة نزل موزونتي بس الاتصال كان بشكل واضح وتمنيت اني ما استخفيت في ذي المادة
جلست ألعب زي ما تقولي وحطيت 100 للاتصال وحسيت بغبنة الحمدلله على كل حال

عموما لا تقهري نفسك زي ما سويت وبالتوفيق دايما